WTC Final: അന്നു ധോണി, ഇന്നു കോലി? അവസാന ഐസിസി കിരീടനേട്ടത്തിന് എട്ടാം പിറന്നാള്‍

എക്കാലത്തെയും ക്യാപ്റ്റന്‍

മഹി ഭായ് നിങ്ങളായിരിക്കും എന്റെ എക്കാലത്തെയും ക്യാപ്റ്റന്‍. എംഎസ്ഡിയന്‍ (MSdian) ആയതില്‍ അഭിമാനമെന്നായിരുന്നു ഒരു യൂസര്‍ ട്വീറ്റ് ചെയ്തത്.
നിങ്ങള്‍ എണ്ണിയാലൊടുങ്ങാത്ത ഓര്‍മകള്‍ ഞങ്ങള്‍ക്കു സമ്മാനിച്ചിട്ടുണ്ട്. പക്ഷെ ഇതു സ്‌പെഷ്യലിനേക്കാള്‍ അപ്പുറമായിരുന്നു. നന്ദി ധോണി, നിങ്ങളുടെ ഫാനായതില്‍ അഭിമാനിക്കുന്നുവെന്ന് മറ്റൊരു യൂസര്‍ കുറിച്ചു.

ഞങ്ങളുടെ ക്യാപ്റ്റന്‍

2013 ജൂണ്‍ 23, ഈ ദിവസമായിരുന്നു ഇന്ത്യയുടെ ചാംപ്യന്‍സ് ട്രോഫി നേട്ടം.
കൂളായിരിക്കൂ, സിംപിളായിരിക്കൂ. ഓ ക്യാപ്റ്റന്‍, ഞങ്ങളുടെ ക്യാപ്റ്റന്‍ എന്നാണ് ഒരു യൂസര്‍ ചാംപ്യന്‍സ് ട്രോഫിക്കൊപ്പമുള്ള ധോണിയുടെ ഫോട്ടോയ്‌ക്കൊപ്പം ട്വീറ്റ് ചെയ്തത്.

എന്റെ പ്രിയപ്പെട്ട വാക്കുകള്‍

ഈ ദിവസമായിരുന്നു ഇംഗ്ലണ്ടിനെ ഫൈനലില്‍ പരാജയപ്പെടുത്തി ഇന്ത്യ ചാംപ്യന്‍സ് ട്രോഫി നേടിയത്. ഐസിസിയുടെ മൂന്നു ട്രോഫികളും സ്വന്തമാക്കിയ ആദ്യ ഒരേയൊരു ക്യാപ്റ്റനായി എംഎസ് ധോണി മാറുകയും ചെയ്തു.
അന്നു ധോണി പറഞ്ഞ ഈ വാക്കുകള്‍ എന്റെ ഫേവറിറ്റാണ്- ഞാന്‍ എത്ര മികച്ചവനാണെന്നു തെളിയിക്കാനല്ല ഇവിടെയുള്ളത്.
ഇതായിരുന്നു ധോണിയുടെ വാക്കുകള്‍ ഉദ്ധരിച്ചുകൊണ്ട് ഒരു യൂസറുടെ ട്വീറ്റ്.

ദൈവം രക്ഷിക്കാനെത്തില്ല

മുകളിലേക്കു നോക്കേണ്ട, ദൈവം നിങ്ങളെ രക്ഷിക്കാന്‍ വരാന്‍ പോവുന്നില്ല. എംഎസ് ധോണിയുടെ ഈ വാക്കുകള്‍ എല്ലായ്‌പ്പോഴും സ്വന്തം ജീവിതത്തിലും നിങ്ങളെ പ്രചോദിപ്പിച്ചു കൊണ്ടിരിക്കും.
ചാംപ്യന്‍സ് ട്രോഫി വിജയത്തിനു എട്ടു വര്‍ഷം. ഇന്നലെ കഴിഞ്ഞതു പോലെ തോന്നുന്നുവെന്ന് ഒരു യൂസര്‍ ട്വിറ്ററില്‍ കുറിച്ചു.