WTC Final: പുജാരയ്ക്കു ഏറ്റവും കുറവ്, കൂടുതല്‍ ഷമിക്ക്!- ഇന്ത്യന്‍ താരങ്ങളുടെ റേറ്റിങറിയാം

കൂടുതല്‍ ഷമിക്ക് (7/10)

ഇന്ത്യന്‍ നിരയില്‍ ഏറ്റവും മികച്ച പ്രകടനം നടത്തിയ പേസര്‍ മുഹമ്മദ് ഷമിക്കാണ് ചോപ്ര കൂടുതല്‍ റേറ്റിങ് നല്‍കിയിരിക്കുന്നത്. 10ല്‍ ഏഴാണ് ഷമിക്കു ലഭിച്ചത്. ആദ്യ ഇന്നിങ്‌സില്‍ നാലു വിക്കറ്റുകളെടുത്ത അദ്ദേഹം കിവീസിനെ വലിയ ലീഡ് നേടുന്നതില്‍ നിന്നു തടഞ്ഞുനിര്‍ത്തിയിരുന്നു.
10ല്‍ ആറ് റേറ്റിങുമായി മൂന്നു പേരാണ് രണ്ടാംസ്ഥാനത്ത്. ഓപ്പണര്‍ രോഹിത് ശര്‍മ, ആര്‍ അശ്വിന്‍, ഇഷാന്ത് ശര്‍മ എന്നിവരാണ് ഇത്. അശ്വിന്‍ നാലും ഇഷാന്ത് മൂന്നും വിക്കറ്റുകള്‍ നേടിയിരുന്നു. രോഹിത്തിന്റെ പ്രകടനം 34, 30 റണ്‍സ് എന്നിങ്ങനെയായിരുന്നു.

മൂന്നു പേര്‍ക്ക് 10ല്‍ അഞ്ച്

10ല്‍ അഞ്ചു റേറ്റിങ് പോയിന്റ് ലഭിച്ചിരിക്കുന്നത്. മൂന്നു പേര്‍ക്കാണ്. നായകന്‍ വിരാട് കോലി, വൈസ് ക്യാപ്റ്റന്‍ അജിങ്ക്യ രഹാനെ, വിക്കറ്റ് കീപ്പര്‍ റിഷഭ് പന്ത് എന്നിവരാണ് ഇവര്‍.
കോലി ആദ്യ ഇന്നിങ്‌സില്‍ 44ഉം രണ്ടാമിന്നിങ്‌സില്‍ 13ഉം റണ്‍സാണ് എടുത്തത്. രഹാനെ 49ഉം 15ഉം റണ്‍സിന് പുറത്തായിരുന്നു. റിഷഭ് ഒന്നാമിന്നിങ്‌സില്‍ നാലു റണ്‍സോടെ നിരാശപ്പെടുത്തിയെങ്കിലും രണ്ടാമിന്നിങ്‌സില്‍ 41 റണ്‍സോടെ ടോപ്‌സ്‌കോററായി മാറി.

പുജാരയ്ക്കു ഏറ്റവും കുറവ് (2/10)

അഞ്ചില്‍ താഴെ റേറ്റിങുള്ള നാലു പേരാണ് ഇന്ത്യന്‍ ഇലവനിലുള്ളത്. ഓപ്പണര്‍ ശുഭ്മാന്‍ ഗില്ലിന്റെ റേറ്റിങ് 10ല്‍ നാലാണ്. സ്റ്റാര്‍ ഓള്‍റൗണ്ടര്‍ രവീന്ദ്ര ജഡേജ, സ്റ്റാര്‍ പേസര്‍ ജസ്പ്രീത് ബുംറ എന്നിവരുടെ റേറ്റിങ് മൂന്നു മാത്രമാണ്.
ഗില്‍ രണ്ടിന്നിങ്‌സുകളിലായി നേടിയത് 36 റണ്‍സാണ്. ഒരു വിക്കറ്റ് മാത്രമെടുത്ത ജഡേജയുടെ സമ്പാദ്യം 33 റണ്‍സായിരുന്നു. ബുംറയുടെ പ്രകടനം ദയനീയമായിരുന്നു. ഒരു വിക്കറ്റ് പോലുമില്ലാതെ അദ്ദേഹം നാണംകെട്ടു.
ഏറ്റവും കുറഞ്ഞ റേറ്റിങ് ചോപ്ര നല്‍കിയത് ചേതേശ്വര്‍ പുജാരയ്ക്കാണ്. വെറും രണ്ടാണ് താരത്തിന്റെ റേറ്റിങ്. രണ്ടിന്നിങ്‌സുകളിലായി 23 റണ്‍സ് മാത്രമേ പുജാര സ്‌കോര്‍ ചെയ്തിരുന്നുള്ളൂ.