ധോണി ഒന്നു മാത്രം... 'ഹാഫ് ധോണി' ആയാല്‍ ഹാപ്പി- ഓസീസ് വിക്കറ്റ് കീപ്പര്‍

നിങ്ങള്‍ ഏതു ക്രിക്കറ്ററോടു ചോദിച്ചാലും ധോണിയെപ്പോലെ കളിക്കാന്‍ ആഗ്രഹിക്കുന്നുവെന്നായിരിക്കും മറുപടി. ഈ റോളില്‍ ധോണി തന്നെയാണ് ബെസ്റ്റ്.
ധോണിയുടെ പകുതിയെങ്കിലും കഴിവ് തനിക്കുണ്ടായിരുന്നെങ്കില്‍ ഹാപ്പിയാണ്. ധോണിയെപ്പോലെ വളരെ കൂളായി കളിച്ച് ഓസ്‌ട്രേലിയയെ ടി20, ഏകദിന മല്‍സരങ്ങളില്‍ ജയിപ്പിക്കണമെന്നാണ് ആഗ്രഹം. ദേശീയ ടീമിനു വേണ്ടി മാത്രമല്ല ബിഗ് ബാഷ് ലീഗിലും ഇതാവര്‍ത്തിക്കാന്‍ ആഗ്രഹിക്കുന്നതായും കെയ്‌റി വ്യക്തമാക്കി.
ധോണിക്കെതിരേ കളിക്കുക വളരെ കടുപ്പമേറിയതാണ്. കാരണം അദ്ദേഹത്തെ പുറത്താക്കാന്‍ വളരെ ബുദ്ധിമുട്ടാണെന്നും താരം കൂട്ടിച്ചേര്‍ത്തു.

ഡല്‍ഹിയുടെ ഇന്ത്യന്‍ വിക്കറ്റ് കീപ്പര്‍ റിഷഭ് പന്തിനൊപ്പം ഐപിഎല്ലില്‍ കളിക്കാന്‍ പോവുന്നതിന്റെ ത്രില്ലിലാണ് കെയ്‌റി. പന്തിന്റെ പ്രഹരശേഷി തന്നെ ആകര്‍ഷിച്ചതായും താരത്തിനൊപ്പം കളിക്കാന്‍ പോവുന്നതിന്റെ ആവേശത്തിലാണെന്നും ഓസീസ് വിക്കറ്റ് കീപ്പര്‍ വ്യക്തമാക്കി.
കഴിഞ്ഞ വര്‍ഷം ഐപിഎല്‍ കണ്ടിരുന്നു. എങ്ങോട്ട് ഷോട്ട് കളിക്കാന്‍ ആഗ്രഹിക്കുന്നോ അവിടേക്ക് ഷോട്ട് പായിക്കാന്‍ ശേഷിയുള്ള ബാറ്റ്‌സ്മാനാണ് പന്ത്. അദ്ദേഹത്തിനൊപ്പം കുറച്ച് വിക്കറ്റ് കീപ്പിങും കൂടാതെ തകര്‍പ്പന്‍ ബാറ്റിങും കാഴ്ച വയ്ക്കാനുള്ള കാത്തിരിപ്പിലാണ് താനെന്നും കെയ്‌റി കൂട്ടിച്ചേര്‍ത്തു.

2018 ജനുവരിയില്‍ ഇംഗ്ലണ്ടിനെതിരേയാണ് കെയ്‌റി ഓസ്‌ട്രേലിയക്കു വേണ്ടി ഏകദിനത്തില്‍ അരങ്ങേറിയത്. തൊട്ടടുത്ത മാസം ന്യൂസിലാന്‍ഡിനെതിരേ ടി20യിലും താരം അരങ്ങേറ്റം നടത്തി. വിക്കറ്റ് കീപ്പിങിലും സ്ഥിരതയാര്‍ന്ന പ്രകടനം കാഴ്ചവച്ച കെയ്‌റി ഇപ്പോള്‍ ടീമില്‍ സ്ഥാനം ഭദ്രമാക്കിക്കഴിഞ്ഞു. ഓസീസിനു വേണ്ടി 36 ഏകദിനങ്ങളില്‍ നിന്നും 884ഉം 28 ടി20കളില്‍ നിന്നും 173ഉം റണ്‍സ് കെയ്‌റി നേടിയിട്ടുണ്ട്.
ഈ സീസണിലെ ലേലത്തില്‍ 2.4 കോടി രൂപയ്ക്കാണ് കെയ്‌റിയെ ഡല്‍ഹി ക്യാപ്പിറ്റല്‍സ് തങ്ങളുടെ കൂടാരത്തിലേക്കു കൊണ്ടുവന്നത്.