അമിതാഭ് ബച്ചന്‍ ദേശീയഗാനം ചൊല്ലാന്‍ 4 കോടി വാങ്ങിയോ? സൗരവ് ഗാംഗുലി പറയുന്നു!

ബച്ചന്റെ ദേശഭക്തി വെറും അഭിനയമോ

അമിതാഭ് ബച്ചന്റെ ദേശഭക്തി വെറും അഭിനയം മാത്രമാണെന്നായിരുന്നു വിമര്‍ശകര്‍ പറഞ്ഞത്. ഇത്തരം സംഭവങ്ങളിലൂടെ അതാണ് വ്യക്തമാക്കുന്നതെന്നും ബച്ചനെ ദേശഭക്തി പഠിപ്പിക്കാനെത്തിയ ആളുകള്‍ പറഞ്ഞുനടന്നു.

എന്നാല്‍ സംഭവിച്ചതോ

അമിതാഭ് ബച്ചന്‍ 4 കോടി രൂപ പ്രതിഫലം വാങ്ങിയെന്ന ആരോപണം പാടേ നിഷേധിക്കുകയാണ് സൗരവ് ഗാംഗുലി. സ്വന്തം പോക്കറ്റില്‍ നിന്ന് പണമെടുത്താണ് അദ്ദേഹം വിമാന ടിക്കറ്റും ഹോട്ടല്‍ വാടകയും കൊടുത്തത് ഗാംഗുലി പറയുന്നു. 30 ലക്ഷത്തോളം രൂപയാണ് ബച്ചന്‍ ഇതിനായി മുടക്കിയത്.

പണം പ്രശ്‌നമല്ല

കുറച്ച് പണമെങ്കിലും സ്വീകരിക്കണമെന്ന് താന്‍ അദ്ദേഹത്തോട് അഭ്യര്‍ത്ഥിച്ചിരുന്നു എന്നാല്‍ അത് കേള്‍ക്കാന്‍ അദ്ദേഹം തയ്യാറായില്ല. വളരെ സന്തോഷത്തോടെയും ആവേശത്തോടെയുമാണ് ബച്ചന്‍ പരിപാടിയില്‍ പങ്കെടുത്തത്. എന്നിട്ടും വിവാദമുണ്ടായതില്‍ വേദനയുണ്ട്.

ആരാണ് വിവാദത്തിന് പിന്നില്‍

അമിതാഭ് ബച്ചന്‍ നാല് കോടി രൂപ വാങ്ങി എന്ന തരത്തില്‍ ഒരു വിവാദത്തിന് തിരികൊടുത്തത് ആരാണ്. ആരാണ് ഇത്തരം വ്യാജ പ്രചാരണങ്ങള്‍ക്ക് പിന്നില്‍.