Click it and Unblock the Notifications
മുംബൈയ്ക്കു പോരായ്മയുണ്ട്
രോഹിത് ശര്മ നയിക്കുന്ന നിലവിലെ ചാംപ്യന്മാര് കൂടിയായ മുംബൈ ഇന്ത്യന്സിനെയായിരുന്നു കടലാസിലെ കരുത്തരായി ചോപ്ര ആദ്യം പരിഗണിച്ചത്. പക്ഷെ ഒരു വീക്ക്നെസുണ്ടെന്ന് കണ്ടെത്തിയതോടെ അദ്ദേഹം അവരെ ഒഴിവാക്കുകയായിരുന്നു.
മുംബൈ വളരെ മികച്ച ടീം തന്നെയാണ്. എന്നാല് മികച്ച ഇന്ത്യന് സ്പിന് ബൗളിങ് നിരയില്ലെന്നതു അവരുടെ പോരായ്മയാണ്. രാഹുല് ചഹര്, ക്രുനാല് പാണ്ഡ്യ, ജയസന്ത് യാദവ്, അനുകുല് റോയ് എന്നിവരടങ്ങുന്നതാണ് മുംബൈയുടെ ഇന്ത്യന് സ്പിന് ബൗളിങ് നിര. നിങ്ങള്ക്കു ഒരുപാട് ആത്മവിശ്വാസം നല്ുന്ന ഒരു നിരയല്ല ഇതെന്നും ചോപ്ര അഭിപ്രായപ്പെട്ടു.
ഡല്ഹിക്കു കുറവുകളില്ല
എട്ടു ടീമുകളെയും വിലയിരുത്തുമ്പോള് അക്കൂട്ടത്തില് ഏറ്റവും മികച്ചതായി തനിക്കു തോന്നിയിട്ടുള്ളത് ഡല്ഹിയാണ്. കടലാസില് തീര്ച്ചയായും അവരാണ് ഏറ്റവും ബെസ്റ്റ്. ശിഖര് ധവാന്, പൃഥ്വി ഷാ, ശ്രേയസ് അയ്യര്, റിഷഭ് പന്ത്, അജിങ്ക്യ രഹാനെ, അലെക്സ് ക്യാരി, മാര്ക്കസ് സ്റ്റോയ്ണിസ്, ഷിംറോണ് ഹെറ്റ്മെയര്, അക്ഷര് പട്ടേല്, ആര് അശ്വിന്, അമിത് മിശ്ര, സന്ദീപ് ലാമിച്ചാനെ, ഇഷാന്ത് ശര്മ, ഡാനിയേല് സാംസ് തുടങ്ങി എത്ര ഓപ്ഷനുകളാണ് ഡല്ഹിക്കുള്ളത്.
മറ്റു ടീമുകളെപ്പോലെ നാലു വിദേശ താരങ്ങള് ഡല്ഹിക്കു വേണമെന്നില്ല. മൂന്നു വിദേശികളെ മാത്രം വച്ച് മാച്ച് വിന്നിങ് കോമ്പിനേഷനുണ്ടാക്കാന് ഡല്ഹിക്കു കഴിയുമെന്നും ചോപ്ര വിലയിരുത്തി.
കന്നിക്കിരീടം തേടി ഡല്ഹി
ഐപിഎല്ലില് കന്നിക്കിരീടം ലക്ഷ്യമിട്ടാണ് ഡല്ഹി ഇത്തവണയിറങ്ങുന്നത്. ഇതുവരെ ഫൈനലില് പോലുമെത്തിയിട്ടില്ലാത്ത നാണക്കേട് പേറുന്ന ഏക ഫ്രാഞ്ചൈസിയാണ് ഡല്ഹി. കഴിഞ്ഞ സീസണില് മികച്ച പ്രകടനമായിരുന്നു ഡല്ഹിയുടേത്. പ്ലേഓഫിലേക്കും ടീം യോഗ്യത നേടിയിരുന്നു. എന്നാല് എംഎസ് ധോണിയുടെ ചെന്നൈ സൂപ്പര് കിങ്സിനു മുന്നില് ഡല്ഹിയുടെ മുന്നേറ്റം അവസാനിക്കുകയായിരുന്നു.
ആര് അശ്വിന്, അജിങ്ക്യ രഹാനെ എന്നിവര്ക്ക് ഈ സീസണില് ഡല്ഹിക്കൊപ്പം അരങ്ങേറ്റം കൂടിയാണ്. അശ്വിനെ കിങ്സ് ഇലവന് പഞ്ചാബില് നിന്നും രഹാനെയെ രാജസ്ഥാന് റോയല്സില് നിന്നുമാണ് ഡല്ഹി സ്വന്തമാക്കിയത്.
Continue with Google