IND vs AUS: ഇതെന്ത് അംപയറിങ്? രഹാനെയെങ്കില്‍ റണ്ണൗട്ട്, പെയ്ന്‍ നോട്ടൗട്ടും! രൂക്ഷ വിമര്‍ശനം

നോട്ടൗട്ട് വിധിക്കണമായിരുന്നു

രഹാനെയുടേത് തേര്‍ഡ് അംപയര്‍ നോട്ടൗട്ട് വിളിക്കണമായിരുന്നു. കഴിഞ്ഞ ദിവസം ടിം പെയ്‌നിന്റെ സംഭവവുമായി താരതമ്യം ചെയ്യുമ്പോള്‍ ഒരു വ്യത്യാസവും കാണാനാവില്ല, അംപയറുടെ തീരുമാനത്തില്‍ മാത്രമാണ് വ്യത്യാസമുള്ളതെന്നും ഒരു യൂസര്‍ ട്വിറ്ററില്‍ കുറിച്ചു.
പെയ്ന്‍ 'ഇന്‍' ആയ അതേ മാര്‍ജിനില്‍ തന്നെ രഹാനെ 'ഔട്ട്്' ആയതായി ഒരു യൂസര്‍ പരിഹസിച്ചു.
ഇതു വളരെ സിംപിളാണ്, ഇതിനെയാണ് പക്ഷപാതപരമായ അംപയറിങെന്നു പറയുന്നതെന്നു ഒരു യൂസര്‍ ട്വീറ്റ് ചെയ്തു.

ഇതു ചതിയാണ്

ഇതു തീര്‍ച്ചയായും ചതിയാണ്. പെയ്‌നിനു യാതൊരു 'പെയ്‌നും' ഉണ്ടായില്ല, പക്ഷെ രഹാനെയോടു ക്രൂരമായി പെരുമാറി. രണ്ടു സ്റ്റുപുകളിലെയും ബെയ്ല്‍സ് പൊങ്ങിയാല്‍ മാത്രമേ ഔട്ടാവുകയുള്ളൂവെന്നായിരുന്നു നേരത്തേ സൈമണ്‍ ടോഫ് പറഞ്ഞത്. പക്ഷെ രഹാനെയുടെ കാര്യത്തില്‍ അതു കാണാന്‍ കഴിയില്ലെന്നു ഒരു യൂസര്‍ ട്വിറ്ററില്‍ കുറിച്ചു.
ഒരൊറ്റ ഫ്രെയിം കണ്ടപ്പോള്‍ തന്നെ തേര്‍ഡ് അംപയര്‍ പെട്ടെന്നു രഹാനെ ഔട്ടാണെന്നു വിധിച്ചു. പെയ്‌നിന്റെ ഔട്ട് നല്‍കിയതുമില്ല. രണ്ടു പേരും ഒട്ടായിരുന്നുവെന്നാണ് മറ്റൊരു യൂസര്‍ പ്രതികരിച്ചത്.

പെയ്ന്‍ രക്ഷപ്പെട്ടു

ഓസ്‌ട്രേലിയയുടെ ആദ്യ ഇന്നിങ്‌സില്‍ ടിം പെയ്ന്‍ കഷ്ടിച്ചാണ് റണ്ണൗട്ടില്‍ നിന്നും രക്ഷപ്പെട്ടത്. പെയ്‌നും കാമറോണ്‍ ഗ്രീനും തമ്മിലുള്ള ആശയക്കുഴപ്പായിരുന്നു ഇതിനു വഴിയൊരുക്കിയത്. കവേഴ്‌സില്‍ നിന്നുള്ള ഉമേഷ് യാദവിന്റെ ത്രോയില്‍ സ്‌ട്രൈക്കേഴ്‌സ് എന്‍ഡില്‍ റിഷഭ് പന്ത് പെയ്‌നിനെ
സ്റ്റംപ് ചെയ്യുകയും ചെയ്തു.
ഒരുപാട് സമയമെടുത്താണ് തേര്‍ഡ് അംപയര്‍ തന്റെ തീരുമാനം പ്രഖ്യാപിച്ചത്. പന്ത് ബെയ്ല്‍സ് തെറിപ്പിക്കുമ്പോള്‍ പെയ്‌നിന്റെ ബാറ്റ് ലൈനിന് മുകളിലായാണ് കാണപ്പെട്ടത്. പല ആംഗിളുകളില്‍ നിന്നും റീപ്ലേ പരിശോധിച്ച ശേഷം തേര്‍ഡ് അംപയര്‍ പെയ്ന്‍ നോട്ടൗട്ടല്ലെന്നു വിധിക്കുകയായിരുന്നു. എന്നാല്‍ രഹാനെയുടെ വിഷയത്തില്‍ വ്യത്യസ്ത ആംഗിളുകളില്‍ നിന്നും പരിശോധിക്കാനൊന്നും മുതിരാതെ തേര്‍ഡ് അംപയര്‍ വളരെ വേഗത്തില്‍ ഔട്ടാണെന്നു വിധിക്കുകയും ചെയ്തു. ഇതാണ് വിവാദത്തിനു വഴിവച്ചത്.