Click it and Unblock the Notifications
തകര്‍പ്പന്‍ ബൗളിങ്
സീസണില്‍ ഏറ്റവും മികച്ച ബൗളിങ് നിരയുള്ള ടീമാണ് സിഎസ്‌കെ. ചില മല്‍സരങ്ങൡ പതറിയതൊഴിച്ചു നിര്‍ത്തിയാല്‍ മറ്റു കളികളിലെല്ലാം എതിര്‍ ബാറ്റിങ് നിരയെ സിഎസ്‌കെ വരിഞ്ഞുകെട്ടുക തന്നെ ചെയ്തു. ഇനിയുള്ള മല്‍സരങ്ങളിലും ബൗളര്‍മാര്‍ ഈ മിടുക്ക് തുടര്‍ന്നാല്‍ സിഎസ്‌കെയ്ക്കു കാര്യങ്ങള്‍ എളുപ്പമാവും.
ബാറ്റിങ് നിര വേണ്ടത്ര മികവിലേക്കുയരാത്തതിനാല്‍ ബൗളര്‍മാരുടെ പ്രകടനം കൂടി ആശ്രയിച്ചിരിക്കും സിഎസ്‌കെയുടെ വിജയസാധ്യതകള്‍. കഴിഞ്ഞ സീസണില്‍ തകര്‍പ്പന്‍ പ്രകടനം നടത്തിയ അമ്പാട്ടി റായുഡു, ഷെയ്ന്‍ വാട്സന് എന്നിവര്‍ ഈ സീസണില്‍ വന്‍ ഫ്‌ളോപ്പായി മാറി. നായകന്‍ ധോണിയും സുരേഷ് റെയ്‌നയും മാത്രമാണ് ബാറ്റിങില്‍ മികച്ച പ്രകടനം നടത്തിക്കൊണ്ടിരിക്കുന്നത്.
ധോണിയെ അമിതമായി ആശ്രയിക്കരുത്
ഈ സീസണില്‍ സിഎസ്‌കെ ജയിച്ച മിക്ക മല്‍സരങ്ങളിലും വിജയശില്‍പ്പിയായത് ധോണിയായിരുന്നു. പല തവണയാണ് പ്രതിസന്ധി ഘട്ടങ്ങളില്‍ മാച്ച് വിന്നിങ് ഇന്നിങ്‌സുകള്‍ കളിച്ച് ധോണി ടീമിനെ കരകയറ്റിയത്. ഇനിയുള്ള മല്‍സരങ്ങളില്‍ ധോണിയെ അമിതമായി ആശ്രയിക്കുന്ന ഈ രീതി സിഎസ്‌കെ മാറ്റേണ്ടിയിരുക്കുന്നു. കൂടുതല്‍ പേര്‍ ഉത്തരാവാദിത്വമേറ്റെടുത്ത് മികച്ച ഇന്നിങ്‌സുകള്‍ കളിച്ചാല്‍ മാത്രമേ സിഎസ്‌കെയ്ക്കു മുന്നേറാന്‍ കഴിയൂ.
റെയ്‌ന, റായുഡു, വാട്സന്, കേദാര്‍ ജാദവ് എന്നിവരില്‍ നിന്നും മികച്ച ഇന്നിങ്‌സുകള്‍ ഇനിയുള്ള മല്‍സരങ്ങളില്‍ സിഎസ്‌കെയ്ക്കു ലഭിച്ചേ തീരൂ
വാട്സന് പുറത്തായാല്‍ ആര്?
ഓപ്പണര്‍ വാട്സന് നേരത്തേ പുറത്തായാല്‍ മറ്റൊരാള്‍ ബാക്കപ്പായി മികച്ച ഇന്നിങ്‌സ് കളിച്ചാല്‍ മാത്രമേ സിഎസ്‌കെയ്ക്കു മാന്യമായ സ്‌കോര്‍ നേടാന്‍ കഴിയുകയുള്ളൂ. കഴിഞ്ഞ സീസണില്‍ സിഎസ്‌കെ ചാംപ്യന്‍മാരായപ്പോള്‍ 15 മല്‍സരങ്ങളില്‍ നിന്നും 555 റണ്‍സുമായി വാട്സന് കസറിയിരുന്നു. സണ്‍റൈസേഴ്‌സ് ഹൈദരബാദിനെിരായ ഫൈനലില്‍ സെഞ്ച്വറിയും അദ്ദേഹം അടിച്ചെടുത്തു.
എന്നാല്‍ ഈ സീസണില്‍ സ്ഥിതി അതല്ല. 14 മല്‍സരങ്ങളില്‍ നിന്നും 258 റണ്‍സ് മാത്രമേ വാട്സന് നേടിയിട്ടുള്ളൂ. 19ല്‍ താഴെയാണ് ബാറ്റിങ് ശരാശരി. ഒരു കളിയില്‍ മാത്രമാണ് 90ന് മുകളില്‍ വാട്സന് സ്‌കോര്‍ ചെയ്യാനായത്.
