Click it and Unblock the Notifications
വാര്ണര് ധൃതി കാണിച്ചു
അതിവേഗം റണ്സെടുക്കുന്നതിനു വേണ്ടി ധൃതി കാണിച്ചതു കാരണമാണ് വാര്ണര്ക്കു സ്വന്തം വിക്കറ്റ് നഷ്ടപ്പെടുത്തേണ്ടി വന്നതെന്നു വോ അഭിപ്രായപ്പെട്ടു. ലൂസ് ഷോട്ടായിരുന്നു അത്. ടെസ്റ്റില് ആദ്യത്തെ 20 മിനിറ്റില് കളിക്കേണ്ടിയിരുന്ന ഷോട്ടായിരുന്നില്ല അത്.
വൈഡ് ബോളിലാണ് വാര്ണര് ഡ്രൈവിനു ശ്രമിച്ചത്. ബോളിലേക്കു എത്തിപ്പിടിക്കാന് അദ്ദേഹം ശ്രമിക്കുകയായിരുന്നു. പകരം ബോളിലേക്കു കുറച്ചു കൂടി ക്ലോസായി ഷോട്ട് കളിക്കുകയായിരുന്നു വാര്ണര് ചെയ്യേണ്ടിയിരുന്നത്. അക്ഷമനായി അദ്ദേഹം കളിച്ച ഷോട്ടായിരുന്നു അത്. അതിവേഗം റണ്സെടുക്കാനുള്ള ശ്രമമായിരിക്കാം വാര്ണര് നടത്തിയതെന്നും വോ വിശദമാക്കി.
വാര്ണര് ഫിറ്റല്ലെന്നു ഹസ്സി
വാര്ണര് കാര്യമായി സകോര് ചെയ്യാതെ പുറത്തായതിനു പിന്നാലെ അദ്ദേഹത്തിന്റെ ഫിറ്റ്നസിനെ ചോദ്യം ചെയ്തു മുന് താരം മൈക്കല് ഹസ്സിയും രംഗത്തു വന്നിരിക്കുകയാണ്. വേണ്ടത്ര ഫുട്ട് വര്ക്കില്ലാതെ കളിച്ചത് വാര്ണര് പൂര്ണ ഫിറ്റല്ലെന്നതിന്റെ തെളിവാണെന്നും അദ്ദേഹം ചൂണ്ടിക്കാട്ടി.
വാര്ണര് വിക്കറ്റുകള്ക്കിടയിലൂടെ ഓടുന്നുണ്ടെങ്കിലും ചെറിയ അസ്വസ്ഥതകള് പ്രകടിപ്പിച്ചിരുന്നു. നമ്മള് നേരത്തേ കണ്ടു കൊണ്ടിരുന്ന വാര്ണറായിരുന്നില്ല ഇത്. 100 ശതമാനം ഫിറ്റ്നസിലേക്കു അദ്ദേഹം ഇനിയുമെത്തിയിട്ടില്ല. ഇതു ഓസീസിനെ സംബന്ധിച്ച് ശുഭസൂചനയല്ലെന്നും ഹസ്സി അഭിപ്രായപ്പെട്ടു.
വാര്ണറും പരിക്കും
100 ശതമാനം ഫിറ്റായി മൂന്നാം ടെസ്റ്റില് തനിക്കു കളിക്കാനാവുമോയെന്ന കാര്യം ഉറപ്പില്ലെന്നു വാര്ണര് നേരത്തേ പറഞ്ഞിരുന്നു. ജയത്തോടെ പരമ്പരയിലേക്കു തിരിച്ചുവന്നേ തീരൂവെന്ന വെല്ലുവിളി കാരണമാണ് അദ്ദേഹത്തെ സിഡ്നി ടെസ്റ്റില് ഓസീസ് കളിപ്പിച്ചതെന്ന സംശയങ്ങളുമുയരുന്നുണ്ട്.
ഏകദിന പരമ്പരയില് ഫീല്ഡ് ചെയ്യവെയായിരുന്നു വാര്ണറുടെ നാഭിഭാഗത്തു പരിക്കേറ്റത്. തുടര്ന്നു ടി20 പരമ്പരയും ടെസ്റ്റ് പരമ്പരയിലെ ആദ്യ രണ്ടു ടെസ്റ്റുകളും അദ്ദേഹത്തിനു നഷ്ടമാവുകയും ചെയ്തിരുന്നു.
Continue with Google