Click it and Unblock the Notifications
ശ്രീലങ്കയിലും വെസ്റ്റ് ഇന്ഡീസിലും ഓസ്ട്രേലിയയിലും ചെന്ന് ജയിച്ച ഗാഥകള്ക്കിടയിലും ഈ തോല്വികള് ടീമിന് കല്ലുകടിയാവുന്നു. എന്തായാലും ലോകകപ്പിന് ശേഷം മികച്ച തുടക്കമാണ് ഇന്ത്യ നേടിയിരിക്കുന്നത്. കരീബിയന് ടെസ്റ്റ് പരമ്പര ടീം തൂത്തുവാരി. നടന്നുകൊണ്ടിരിക്കുന്ന ഇന്ത്യ - ദക്ഷിണാഫ്രിക്ക ടെസ്റ്റിലും ഇന്ത്യ വ്യക്തമായ ആധിപത്യം പുലര്ത്തുന്നുണ്ട്.
ഇതൊക്കെയാണെങ്കിലും ടെസ്റ്റില് ഇന്ത്യന് സെലക്ടര്മാരുടെ സമീപനം ശരിയല്ലെന്നാണ് മുന് ഇന്ത്യന് താരം സുനില് ഗവാസ്കറുടെ പക്ഷം. പ്ലേയിങ് ഇലവനില് തുടരെ മാറ്റങ്ങള് വരുത്തി സെലക്ടര്മാര് കളിക്കാരുടെ ആത്മവിശ്വാസം കെടുത്തുകയാണെന്ന് ഗവാസ്കര് ആരോപിക്കുന്നു. ഇവിടെ ഉദ്ദാഹരണമായി രവിചന്ദ്ര അശ്വിന്റെ കാര്യമാണ് ഗവാസ്കര് ചൂണ്ടിക്കാട്ടുന്നത്.
ടീം ഇന്ത്യ എവിടെ കളിച്ചാലും അശ്വിന് പ്ലേയിങ് ഇലവനിലുണ്ടായിരിക്കണം. വെറുതെയൊരാള്ക്ക് ടെസ്റ്റില് ലോക ഒന്നാം നമ്പര് ബൗളറാകാന് കഴിയില്ല. ഏതു സാഹചര്യത്തിലും വിക്കറ്റുകള് വീഴ്ത്താന് അശ്വിന് കഴിവുണ്ട്. ടീം മാനേജ്മെന്റ് ഇക്കാര്യം തിരിച്ചറിയണം. താരത്തെ പിന്തുണയ്ക്കണം, സ്റ്റാര് സ്പോര്ട്സിന് നല്കിയ അഭിമുഖത്തില് ഗവാസ്കര് വ്യക്തമാക്കി.
നേരത്തെ കരിബീയന് ടെസ്റ്റ് പരമ്പരയില് അശ്വിനെ കൂട്ടാതെയാണ് ഇന്ത്യന് സംഘം കളിക്കാനിറങ്ങിയത്. അന്ന് അശ്വിന് പകരം ജഡേജ മതിയെന്ന് നായകന് കോലി തീരുമാനിക്കുകയായിരുന്നു.
അശ്വിനൊപ്പം മുരളി വിജയ്, ഭുവനേശ്വര് കുമാര് എന്നിവരുടെ കാര്യവും ഗവാസ്കര് കൊണ്ടുവരുന്നുണ്ട്. കഴിഞ്ഞവര്ഷം കേപ് ടൗണ് ടെസ്റ്റിലാണ് ഭുവനേശ്വര് കുമാര് ഏറ്റവും അവസാനമായി ഇന്ത്യയ്ക്ക് വേണ്ടി കളിച്ചത്. അന്ന് കളിയിലെ താരം കൂടിയായിരുന്നു ഭുവി.
നിദ ഇനി പകിസ്താന്റെ ലേഡി സൂപ്പര് സ്റ്റാര്... ഓസ്ട്രേലിയന് ലീഗില് കളിക്കും, ചരിത്രനേട്ടം
മുരളി വിജയുടെ ചിത്രവും വലിയ വ്യത്യസ്തമല്ല. ഇംഗ്ലീഷ് പര്യടത്തിനിടെയാണ് താരത്തെ മാനേജ്മെന്റ് നാട്ടിലേക്ക് തിരിച്ചയച്ചത്. ശേഷം ഓസ്ട്രേലിയന് പര്യടനത്തില് പങ്കെടുത്തെങ്കിലും താരത്തിന് പ്രതീക്ഷയാര്ന്ന പ്രകടനം പുറത്തെടുക്കാനായില്ല. ഇതോടെ മുരളിയുടെ അവസരങ്ങളും ഇല്ലാതായി.
ദക്ഷിണാഫ്രിക്കന് പര്യടനത്തിലെ ആദ്യ ടെസ്റ്റില് ഒട്ടനവധി വിക്കറ്റുകള് വീഴ്ത്തിയിട്ടും ഭുവനേശ്വര് കുമാറിനെ തൊട്ടടുത്ത മത്സരങ്ങളില് പരിഗണിക്കാഞ്ഞതിന്റെ സാംഗത്യം ഇപ്പോഴും അറിയില്ലെന്ന് ഗവാസ്കര് പറയുന്നു.
യഥാര്ത്ഥത്തില് കളിക്കാരുടെ ആത്മവിശ്വാസം തകര്ക്കുന്ന വിധമാണ് സെലക്ടര്മാരുടെ സമീപനം. മുരളി വിജയ്ക്ക് ടീമില് കുറച്ചുകാലം കൂടി അവസരം നല്കണം. കളിക്കാരുടെ ആത്മവിശ്വാസം കെടുത്താതെ വേണം പ്ലേയിങ് ഇലവനെ തീരുമാനിക്കേണ്ടതെന്ന് ലിറ്റില് മാസ്റ്റര് തുറന്നടിച്ചു.
Continue with Google