IPL 2020: നിങ്ങളുടെ ഒരൊറ്റ പിഴവ് ടൂര്‍ണമെന്റിനെ താറുമാറാക്കും! ടീമിനു കോലിയുടെ മുന്നറിയിപ്പ്

ബയോ ബബ്ള്‍ കാത്തുസൂക്ഷിക്കണം

ബയോ ബബ്ള്‍ കാത്തു സുക്ഷിക്കാന്‍ ഓരോരുത്തരും ശ്രദ്ധിക്കണം. ഇതുവരെ നമ്മളോട് നിര്‍ദേശിച്ചതു പോലെ തന്നെയാണ് കാര്യങ്ങള്‍ ചെയ്തിട്ടുള്ളത്. തുടര്‍ന്നും എല്ലാവരും ഇതേ രീതിയില്‍ തന്നെ മുന്നോട്ടു പോവണം. ഒരു കാര്യത്തിലും വിട്ടുവീഴ്ചയുണ്ടായിട്ടില്ലെന്ന് ഓരോരുത്തരും ഉറപ്പ് വരുത്തേണ്ടതുണ്ടെന്നും കോലി വീഡിയോ കോണ്‍ഫറന്‍സിങില്‍ ടീമംഗങ്ങളോടു ആവശ്യപ്പെട്ടു.
കാരണം നമ്മളില്‍ ഒരാളുടെ ഒരൊറ്റ പിഴവ് ടൂര്‍ണമെന്റിനെയാകെ താറുമാറാക്കിയേക്കും. അങ്ങനെ സംഭവിക്കണമെന്ന് നമ്മള്‍ ആരും തന്നെ ആഗ്രഹിക്കുന്നില്ലെന്നും കോലി വ്യക്തമാക്കി.

ഗൗരവമായി തന്നെ കണക്കാക്കും

ആര്‍സിബി ക്രിക്കറ്റ് ഓപ്പറേഷന്‍സ് ഡയരക്ടര്‍ മൈക്ക് ഹെസ്സന്‍, മുഖ്യ കോച്ച് സൈമണ്‍ കാറ്റിച്ച് എന്നിവരും ടീം മീറ്റിങില്‍ പങ്കെടുത്തിരുന്നു. പെരുമാറ്റച്ചട്ടം ലംഘിക്കുന്നത് വളരെ ഗൗരവമായി തന്നെ കണക്കാക്കുമെന്നും ശക്തമായ നടപടി സ്വീകരിക്കുമെന്നും ഹെസ്സന്‍ വ്യക്തമാക്കി. അബദ്ധത്തില്‍പ്പോലും പെരുമാറ്റച്ചട്ടം ലംഘിക്കുകയാണെങ്കില്‍ അവരെ ടീമില്‍ നിന്നൊഴിവാക്കുകയും ഏഴു ദിവസത്തേക്കു ഐസൊലേഷനിലേക്കു മാറ്റുകയും ചെയ്യും. തുടര്‍ന്ന് കൊവിഡ് പരിശോധനാ ഫലം നെഗറ്റീവായാല്‍ മാത്രമേ ഈ താരത്തിന് ടീമിനൊപ്പം ചേരാന്‍ അനുവാദമുള്ളൂവെന്നും അദ്ദേഹം മുന്നറിയിപ്പ് നല്‍കി.
പെരുമാറ്റച്ചട്ടം ലംഘിക്കുകയാണെങ്കില്‍ സ്വീകരിക്കുന്ന ശിക്ഷാനടപടിയെക്കുറിച്ച് വിശദീകരിക്കുന്ന ഡോക്യുമെന്റില്‍ മുഴുവന്‍ പേരെക്കൊണ്ടും ഒപ്പു വയ്പ്പിക്കുമെന്നും ഹെസ്സന്‍ പറഞ്ഞു.

ആദ്യത്തെ പ്രാക്ടീസ് സെഷന്‍

നമ്മളുടെ ബയോ ബബ്ള്‍ സംരക്ഷിക്കേണ്ടത് വളരെ പ്രധാനമാണെന്ന് എല്ലാവരും മനസ്സിലാക്കേണ്ടതുണ്ട്. മികച്ചൊരു ടീം സംസ്‌കാരം ആദ്യദിനം തന്നെ സൃഷ്ടിച്ചെടുക്കണമെന്നും കോലി ആവശ്യപ്പെട്ടു.
ആദ്യത്തെ പ്രാക്ടീസ് സെഷനു വേണ്ടി ഇനിയും കാത്തിരിക്കാന്‍ കഴിയുന്നില്ല. നമ്മളെന്നാം ആ ഒരു ദിവസത്തിനു വേണ്ടിയാണ് സന്തോഷത്തെ കാത്തിരിക്കുന്നത്. ആദ്യദിനം തന്നൊരു ടീം സംസ്‌കാരം സൃഷ്ടിച്ചെടുക്കാനുള്ള അവസരം കൂടിയാണ് പ്രാക്ടീസ് സെഷനെന്നും കോലി പറഞ്ഞു.