ഇന്ത്യയുടെ എക്കാലത്തെയും മികച്ച ക്യാപ്റ്റന്‍ കോലിയോ? അല്ലെന്ന് കിര്‍മാനി... അദ്ദേഹത്തോളം വരില്ല

ധോണിയോളം വരില്ല

കോലിയേക്കാള്‍ മികച്ച ടെസ്റ്റ് ക്യാപ്റ്റന്‍ ധോണി തന്നെയാണെന്നാണ് കിര്‍മാനി ചൂണ്ടിക്കാട്ടുന്നത്. ഓരോ തലമുറയിലും വ്യത്യസ്ത ക്യാപ്റ്റന്‍മാരുണ്ടാവും. ധോണി ക്യാപ്റ്റനായിരുന്നപ്പോള്‍ മൂന്നു ഫോര്‍മാറ്റിലു ടീമിനെ നേട്ടങ്ങളിലേക്കു നയിക്കാനായിട്ടുണ്ട്. ഇന്ത്യയെ നമ്പര്‍ വണ്‍ സ്ഥാനത്തെത്തിച്ചത് അദ്ദേഹത്തിന്റെ മിടുക്കാണ്. ഇന്ത്യയുടെ എക്കാലത്തെയും മികച്ച ക്യാപ്റ്റന്‍ ധോണി തന്നെയാണെന്നും കിര്‍മാനി ചൂണ്ടിക്കാട്ടി.

കോലിക്ക് ഏറെ ദൂരം പോവാനുണ്ട്

കോലിക്കു ക്യാപ്റ്റനെന്ന നിലയില്‍ ഇനുയമേറെ ദൂരം പോവേണ്ടതുണ്ട്. ടീമിനെ കൂടുതല്‍ നേട്ടങ്ങളിലേക്കും അദ്ദേഹം ഇനിയുള്ള വര്‍ഷങ്ങളില്‍ നയിക്കുമോയെന്നും കാത്തിരുന്നു കാണാം. ഇതുവരെയുള്ള നേട്ടങ്ങളുടെ പിന്‍ബലത്തില്‍ കോലിയെ ഏറ്റവും മികച്ച ക്യാപ്റ്റനെന്നു വിളിക്കാന്‍ കഴിയില്ല. ആ സ്ഥാനം ഇപ്പോഴും ധോണിക്കു തന്നെയാണ്. ക്യാപ്റ്റനെന്ന നിലയില്‍ ഇനിയൊരു അഞ്ചു വര്‍ഷം കൂടി കോലിയെ കാണാന്‍ കഴിഞ്ഞേക്കുമന്നും കിര്‍മാനി വിശദമാക്കി.

ഓസ്‌ട്രേലിയയില്‍ പരമ്പര

ഓസ്‌ട്രേലിയന്‍ മണ്ണില്‍ ഇന്ത്യക്കു ടെസ്റ്റ് പരമ്പര നേടിത്തന്ന ആദ്യ ക്യാപ്റ്റനെന്ന റെക്കോര്‍ഡ് അടുത്തിടെ കോലി തന്റെ പേരില്‍ കുറിച്ചിരുന്നു. നാലു ടെസ്റ്റുകളുടെ പരമ്പര 2-1നായിരുന്നു ഇന്ത്യ സ്വന്തമാക്കിയത്. നാലു വര്‍ഷത്തെ കോലിയുടെ ക്യാപ്റ്റന്‍സി കരിയറിലെ ഏറ്റവും വലിയ നേട്ടവും ഇതു തന്നെയാണ്.

വിന്‍ഡീസിന്റെ വീഴ്ച

ഇന്ത്യക്കെതിരായ കഴിഞ്ഞ പരമ്പരയില്‍ മൂന്നു ഫോര്‍മാറ്റിലും വെസ്റ്റ് ഇന്‍ഡീസ് പരാജയപ്പെട്ടിരുന്നു. ഏകദിനം, ട്വന്റി20, ടെസ്റ്റ് എന്നിവയിലെല്ലാം സമ്പൂര്‍ണ ജയമാണ് കോലിയും സംഘവും നേടിയത്. ഒരു മല്‍സരം പോലും ജയിക്കാന്‍ ആതിഥേയര്‍ക്കായിരുന്നില്ല. എല്ലാ ടീമിനും ഇതുപോലെ മോശ സമയം ഉണ്ടാവുമെന്ന് വിന്‍ഡീസിന്റെ പതനത്തെക്കുറിച്ച് കിര്‍മാനി ചൂണ്ടിക്കാട്ടി.
ഓരോ താരത്തിനും ടീമിനും ഇതുപോലെ നല്ലതും മോശവുമായ സമയമുണ്ടാവും. 20 വര്‍ഷത്തോളം ലോക ക്രിക്കറ്റിനെ ഭരിച്ചവരാണ് വിന്‍ഡീസ്. ലോകത്തിലെ ഏറ്റവും മികച്ച ടീമായിരുന്നു അവര്‍. അന്ന് ലോകത്തിലെ എല്ലാ ടീമുകളെയും വിന്‍ഡീസ് തോല്‍പ്പിച്ചിരുന്നുവെന്നും കിര്‍മാനി കൂട്ടിച്ചേര്‍ത്തു.