നിന്നും നടന്നും മാത്രമല്ല, വേണമെങ്കില്‍ കിടന്നും ബാറ്റ് ചെയ്യും!! സ്മിത്ത് ഡാ... മറ്റാര്‍ക്കാവും?

ഇങ്ങനെയും ഷോട്ട് കളിക്കാം

നാലാം ടെസ്റ്റിന്റെ രണ്ടാമിന്നിങ്‌സാണ് സ്മിത്തിന്റെ കണ്ണഞ്ചിപ്പിക്കുന്ന ഷോട്ട് കണ്ടത്. കളിയില്‍ സ്മിത്ത് 92 പന്തില്‍ 82 റണ്‍സെടുത്തിരുന്നു. കളിക്കിടെ ഒരു ഷോട്ട് കളിച്ച ശേഷം അതേ പൊസിഷനില്‍ സ്മിത്ത് പിച്ചില്‍ കിടക്കുന്നതാണ് ചിത്രം. നിയന്ത്രണം വിട്ട് ഗ്രൗണ്ടില്‍ വീണിട്ടും താരം നടത്തിയ ആത്മസമര്‍പ്പണമാണ് ഏവരെയും ഞെട്ടിച്ചത്. സ്മിത്തിന്റെ ടെക്സ്റ്റ് ബുക്ക് ഷോട്ടിന്റെ ചിത്രം ഐസിസി തന്നെയാണ് തങ്ങളുടെ ഒഫീഷ്യല്‍ ട്വിറ്റര്‍ പേജിലൂടെ പുറത്തുവിട്ടത്.

ഉറങ്ങുന്നതും ഇങ്ങനെ തന്നെ

ഐസിസിയുടെ ചിത്രത്തിന് രസകരമായ പ്രതികരണങ്ങളാണ് ട്വിറ്ററില്‍ വന്നു കൊണ്ടിരിക്കുന്നത്. സ്മിത്ത് രാത്രി ഇങ്ങനെ തന്നെയാണ് ഉറങ്ങുന്നത് എന്നായിരുന്നു ഒരാളുടെ കമന്റ്.
ഉറക്കത്തില്‍ സ്മിത്ത് കവര്‍ ഡ്രൈവ് പ്രാക്ടീസ് ചെയ്യുന്നുവെന്ന് മറ്റൊരാളും ട്വീറ്റ് ചെയ്തു.
കേദാര്‍ ജാദവിന്റെ ബൗളിങില്‍ കളിക്കാവുന്ന ഏറ്റവും മികച്ച ഷോട്ടാണിതെന്നും ഒരാള്‍ പ്രതികരിച്ചു.

സ്ലീപ്പിങ് കട്ട്

സമിത്തിന്റെ ഷോട്ടിന് പുതിയൊരു പേര് കൂടി ഒരു ക്രിക്കറ്റ് പ്രേമി നിര്‍ദേശിച്ചിട്ടുണ്ട്. ഇതിനെയാണ് സ്ലീപ്പിങ് കട്ടെന്നു വിളിക്കുന്നതെന്നായിരുന്നു അയാളുടെ ട്വീറ്റ്.
നിലത്തു കിടക്കുന്ന സ്മത്തിന്റെ വസ്ത്രം കഴുവി വൃത്തിയാക്കാന്‍ മറ്റൊരാള്‍ സര്‍ഫ് എക്‌സല്‍ വാഷിങ് പൗഡറും നിര്‍ദേശിച്ചിട്ടുണ്ട്.