തുടര്ച്ചയായി 10 ഫിഫ്റ്റികള്
ഇംഗ്ലണ്ടിനെതിരേ കരിയറിലെ തുടര്ച്ചയായ പത്താമത്തെ ടെസ്റ്റ് ഫിഫ്റ്റിയാണ് അഞ്ചാം ടെസ്റ്റിന്റെ ഒന്നാമിന്നിങ്സില് സ്മിത്ത് തികച്ചത്. ഇതോടെ ടെസ്റ്റില് ഒരു ടീമിനെതിരേ തുടര്ച്ചയായി 10 ഇന്നിങ്സുകളില് ഫിഫ്റ്റി നേടിയ ആദ്യത്തെ താരമെന്ന റെക്കോര്ഡിനും അദ്ദേഹം അര്ഹനായി.
നേരത്തേ പാകിസ്താന്റെ മുന് നായകന് ഇന്സാമുള് ഹഖിന്റെ പേരിലായിരുന്ന റെക്കോര്ഡാണ് സ്മിത്ത് പഴങ്കഥയാക്കിയത്. തുടര്ച്ചയായി ഒമ്പത് ടെസ്റ്റുകളില് ഇംഗ്ലണ്ടിനെതിരേ ഫിഫ്റ്റിയെന്ന ഇന്സിയുടെ റെക്കോര്ഡാണ് തിരുത്തപ്പെട്ടത്.
മൂന്നാസ്ഥാനത്ത് മൂന്നു പേര്
തുടര്ച്ചയായി ഒരേ ടീമിനെതിരേ കൂടുതല് ഫിഫ്റ്റി നേടിയ താരങ്ങളുടെ ലിസ്റ്റില് മൂന്നു താരങ്ങളാണ് മൂന്നാംസ്ഥാനത്തുള്ളത്. വെസ്റ്റ് ഇന്ഡീസ് ഇതിഹാസം ക്ലൈവ് ലോയ്ഡ്, ദക്ഷിണാഫ്രിക്കയുടെ മുന് സ്റ്റാര് ഓള്റൗണ്ടര് ജാക്വസ് കാലിസ്, ശ്രീലങ്കയുെ മുന് ഇതിഹാസം കുമാര് സങ്കക്കാര എന്നിവരാണ് എട്ടു ഫിഫ്റ്റികളുമായി മൂന്നാംസ്ഥാനം പങ്കിടുന്നത്.
ലോയ്ഡ് ഇംഗ്ലണ്ടിനെതിരേയും കാലിസ് പാകിസ്താനെതിരേയും സങ്കക്കാര ബംഗ്ലാദേശിനെതിരേയുമാണ് തുടര്ച്ചയായി എട്ടു ഫിഫ്റ്റികള് ടെസ്റ്റില് നേടിയത്.
ലീഡ് വഴങ്ങി ഓസീസ്
സ്മിത്തിന്റെ (80) വീരോചിത പ്രകടനത്തിനും ആഷസിലെ ഒന്നാം ടെസ്റ്റില് ലീഡ് വഴങ്ങുന്നതില് നിന്നും ഓസീസിനെ രക്ഷിക്കാന് കഴിഞ്ഞില്ല. ഇംഗ്ലണ്ടിന്റെ ഒന്നാമിന്നിങ്സ് സ്കോറായ 294ന് മറുപടിയില് ഓസീസ് 225ന് പുറത്തായി. 69 റണ്സിന്റെ നേരിയ ലീഡാണ് ഇംഗ്ലണ്ടിനു ലഭിച്ചത്.
145 പന്തില് ഒമ്പത് ബൗണ്ടറികളും ഒരു സിക്സറും സ്മിത്തിന്റെ ഇന്നിങ്സിന് ചാരുതയേകി. ഓസീസ് നിരയില് ഫിഫ്റ്റി തികച്ച ഏക താരവും അദ്ദേഹമാണ്.