അന്വേഷണം നടക്കുന്നു
അന്വേഷണ വിധേയമായാണ് ഗുണതിലകയെ എല്ലാ ഫോര്മാറ്റില് നിന്നും താല്ക്കാലികമായി സസ്പെന്ഡ് ചെയ്തത്. ലങ്കന് ക്രിക്കറ്റ് ബോര്ഡ് വാര്ത്താക്കുറിപ്പിലൂടെ ഇക്കാര്യം അറിയിക്കുകയായിരുന്നു.
ഇപ്പോള് ദക്ഷിണാഫ്രിക്കയ്ക്കെതിരേ നടന്നു കൊണ്ടിരിക്കുന്ന ടെസ്റ്റ് പരമ്പരയ്ക്കു ശേഷം സസ്പെന്ഷന് നിലവില് വരുമെന്നും ക്രിക്കറ്റ് ബോര്ഡ് വ്യക്തമാക്കി. പരമ്പരയില് മികച്ച പ്രകടനമാണ് ഗുണതിലക കാഴ്ചവച്ചത്.
നേരത്തേയും വിലക്ക് നേരിട്ടു
അച്ചടക്കലംഘനത്തെ തുടര്ന്നാണ് ഗുണതിലകയെ സസ്പെന്ഡ് ചെയ്തതെന്നാണ് ലങ്കന് ക്രിക്കറ്റ് ബോര്ഡിന്റെ വിശദീകരണം. ഇതാദ്യമായല്ല താരത്തിനെതിരേ ശിക്ഷാ നടപടിയുണ്ടാവുന്നത്. നേരത്തേ ലങ്കന് ടീം ഇന്ത്യയില് പര്യടനം നടത്തിയപ്പോള് പരിശീലനത്തില് പങ്കെടുക്കാതെ രാത്രിയില് പാര്ട്ടിയില് പങ്കെടുത്തതിന് താരത്തെ മൂന്നു മല്സരങ്ങളില് നിന്നും വിലക്കിയിരുന്നു.
ചാണ്ഡിമലും പുറത്ത്
ലങ്കന് ക്രിക്കറ്റില് സസ്പെന്ഡ് ചെയ്യപ്പെടുന്ന മൂന്നാമനാണ് ഗുണതിലക. ക്യാപ്റ്റന് ദിനേഷ് ചാണ്ഡിമലിനയും കോച്ചിനെയും നേരത്തേ സസ്പെന്ഡ് ചെയ്തിരുന്നു. കഴിഞ്ഞ മാസം വെസ്റ്റ് ഇന്ഡീസിനെതിരേ നടന്ന ടെസ്റ്റില് പന്ത് ചുരണ്ടല് വിവാദവുമായി ബന്ധപ്പെട്ട് ഗ്രൗണ്ടിലിറങ്ങാന് വിസമ്മതിച്ചുവെന്ന കുറ്റത്തെ തുടര്ന്നായിരുന്നു ഇവര്ക്കെതിരേ നടപടി സ്വീകരിച്ചത്.