രഞ്ജിനി മറഡോണയുടെ പുതിയ കാമുകി!!

ഫുട്‌ബോള്‍ ദൈവം ഡീഗോ മറഡോണയ്‌ക്കൊപ്പം നൃത്തമാടുമ്പോള്‍ രഞ്ജിനി ഹരിദാസ് കരുതിയിരിക്കില്ല തന്റെ പ്രശസ്തി അങ്ങ് ലാറ്റിനമേരിയ്ക്ക വരെ പരക്കുമെന്ന്. അതേ നമ്മുടെ രഞ്ജിനി ഹരിദാസിനെ ഡീഗോയുടെ പുതിയ കാമുകിയെന്ന നിലയ്ക്കാണ്് ലാറ്റിനമേരിക്കന്‍ മാധ്യമങ്ങള്‍ അവതരിപ്പിയ്ക്കുന്നത്.

മറഡോണ വത്ത് ന്യൂ ലവ് എന്നാണ് പെറുവിലെ ട്രോമെ പത്രത്തിന്റെ വെബ്‌സൈറ്റില്‍ വാര്‍ത്ത നല്‍കിയിരിക്കുന്നത് തന്നെ. അര്‍ജന്റീനയിലെ ഒട്ടേറെ പത്രങ്ങളും വെബ്‌സൈറ്റുകളും ഈ രീതിയിലാണ് വാര്‍ത്ത നല്‍കിയത്. രഞ്ജിനിയുടെ ക്ലോസ് അപ്പ് ചിത്രവും മറഡോണയ്‌ക്കൊപ്പം നൃത്തമാടുന്ന രഞ്ജിനിയുടെ ചിത്രങ്ങളും വന്‍പ്രധാന്യത്തോടെ തന്നെ മാധ്യമങ്ങള്‍ നല്‍കിയിട്ടുമുണ്ട്.

നാല്‍പതിനായിരത്തോളം കാണികള്‍ തിങ്ങിനിറഞ്ഞ സ്‌റ്റേഡിയത്തില്‍ ഇരുവരുടെയും പ്രകടനം തകര്‍പ്പനായിരുന്നുവെന്നും ഇന്ത്യന്‍ മാധ്യമങ്ങള്‍ ഇതിന് വന്‍ പ്രാധാന്യം നല്‍കിയെന്നും ട്രോമെ എഴുതുന്നു.

എന്നാല്‍ തന്നെച്ചേര്‍ത്ത് ഗോസിപ്പ് വന്നത് മാറഡോണയുടെ ഗതികേടാണെന്നാണ് രഞ്ജിനി ഹരിദാസിന്റെ പ്രതികരണം. അഞ്ച് മാസം ഗര്‍ഭിണിയായ കാമുകി കാമുകി വെറോണിക്ക ഒഡേയയുമായുള്ള ബന്ധം മാറഡോണ പിരിയുകയാണെന്ന് സൂചിപ്പിക്കുന്ന ചില മാധ്യമങ്ങള്‍, അതുമായി കൂട്ടിച്ചേര്‍്ത്താണ് മഡോണ-രഞ്ജിനി കൂടിക്കാഴ്ചയെ വച്ച് വാര്‍ത്ത പടച്ചുവിട്ടിരിയ്ക്കുന്നത്. വെറോണിക്കയുടെ ചിത്രം കണ്ണൂരിലെ ഹോട്ടലില്‍ ഉപേക്ഷിച്ചത് മലയാള മാധ്യമങ്ങള്‍ പ്രാധാന്യത്തോടെ പ്രസിദ്ധീകരിച്ചിരുന്നു.

മാറഡോണയുടെ കണ്ണൂര്‍ സന്ദര്‍ശനത്തില്‍ അദ്ദേഹത്തെ കീഴടക്കിയത് സുന്ദരിയായ ഈ ടി.വി. അവതാരകയാണെന്നും മാധ്യമങ്ങള്‍ എഴുതിപ്പിടിപ്പിച്ചിട്ടുണ്ട്. മാറഡോണയുടെ ഇന്ത്യന്‍ സന്ദര്‍ശനവും പിറന്നാള്‍ ആഘോഷവും മിക്കവാറും ലാറ്റിനമേരിക്കന്‍ പത്രങ്ങളും വലിയ പ്രാധാന്യത്തോടെയാണ് പ്രസിദ്ധീകരിച്ചത്. ഇതോടൊപ്പം സ്‌റ്റേജില്‍ രഞ്ജിനിക്കൊപ്പം മാറഡോണ നൃത്തം ചെയ്യുന്ന വീഡിയോകളും പല വെബ്‌സൈറ്റുകളും പോസ്റ്റ് ചെയ്തിട്ടുണ്ട്.