Click it and Unblock the Notifications
ബോളിവുഡിലെന്നു ഗാംഗുലി
ഗാംഗുലിയുടെ ജീവചരിത്രം സിനിമയാവുമെന്ന് നേരത്തേ തന്നെ റിപ്പോര്ട്ടുകളുണ്ടായിരുന്നു. എന്നാല് ന്യൂസ് 18 ബംഗ്ലായ്ക്കു നല്കിയ അഭിമുഖത്തില് അദ്ദേഹം ഇക്കാര്യം സ്ഥിരീകരിക്കുകയായിരുന്നു.
ജീവചരിത്രം സിനിമയാക്കാന് ഞാന് അനുമതി നല്കിയിട്ടുണ്ട്. ഹിന്ദിയിലായിരിക്കും സിനിമ വരിക. സംവിധായകന്റെ പേര് ഇപ്പോള് വെളിപ്പെടുത്താന് കഴിയില്ല. എല്ലാം അന്തിമമാക്കാന് കുറച്ചു കൂടി സമയമെടുക്കുമെന്നും ഗാംഗുലി വക്തമാക്കി. 200 മുതല് 250 കോടി വരെ മുടക്കുമുതലുള്ള വലിയ ബഡ്ജറ്റുള്ള സിനിമയാണ് അണിയറയിലൊരുങ്ങുന്നത്.
രണ്ബീര് ദാദയായേക്കും
സിനിമയുടെ തിരക്കഥ തയ്യാറായിക്കഴിഞ്ഞെന്നാണ് റിപ്പോര്ട്ടുകള്. നിര്മാണ കമ്പനി ഒന്നിലേറെ തവണ ഗാംഗുലിയുമായി കൂടിക്കാഴ്ച നടത്തുകയും ചെയ്തിരുന്നു. എന്നാല് ദാദയായി ആരായിരിക്കും വെള്ളിത്തിരയിലെത്തുകയെന്ന് ഇപ്പോഴും വ്യക്തമായിട്ടില്ല. അഭിനയ മികവ് കൊണ്ട് പ്രശംസകളേറ്റുവാങ്ങിയ സൂപ്പര് താരം രണ്ബീര് കപൂറിനാണ് മുന്തൂക്കമെന്നാണ് പുറത്തു വരുന്ന സൂചനകള്. മറ്റു രണ്ടു നടന്മാരുടെയും പേരുകള് ഉയര്ന്നു കേള്ക്കുന്നുണ്ട്.
ഋത്വിക് അനുയോജ്യനെന്നു നടി
ബോളിവുഡ് നടിയായ നേഹ ധൂപിയ നേരത്തേ സൂപ്പര് താരം ഋത്വിക് റോഷനാണ് വെള്ളിത്തിരയില് ഗാംഗുലിയാവാന് ഏറ്റവും അനുയോജ്യനെന്നു അഭിപ്രായപ്പെട്ടിരുന്നു. എന്നാല് ദാദ ഇതിനോടു യോജിക്കുന്നില്ല.
ഋത്വിക്കിന്റെ ശരീരം എന്റേതു പോലെയാവേണ്ടതുണ്ട്. ഋത്വിക്കിന്റെ ശരീരത്തെക്കുിച്ചും സൗന്ദര്യത്തെക്കുറിച്ചുമെല്ലാം ഒരുപാട് പേര് പറയാറുണ്ട്. പക്ഷെ ഞാനാവണമെങ്കില് എന്റെ ശരീരവുമായി സാമ്യമുള്ളള ശരീരം ആദ്യം ഋത്വിക് തയ്യാറാക്കേണ്ടതുണ്ടെന്നും ഗാംഗുലി പറഞ്ഞു.
തുടക്കം മുതല് ഇതുവരെ
യുവ ക്രിക്കറ്ററായി കരിയര് തുടങ്ങിയതു മുതല് പിന്നീട് നായകസ്ഥാനത്തേക്കും ഇപ്പോള് ബിസിസിഐ പ്രസിഡന്റ് സ്ഥാനത്തേക്കു എത്തിയതു വരെയുള്ള ഗാംഗുലിയുടെ കരിയറിലെയും ജീവിതത്തിലെയും പ്രധാനപ്പെട്ട സംഭവങ്ങളെല്ലാം സിനിമയിലുണ്ടാവും. നേരത്തേ പല തവണ അദ്ദേഹത്തിന്റെ ജീവചരിത്രം സിനിയമായേക്കുമെന്ന തരത്തില് റിപ്പോര്ട്ടുകള് വന്നിരുന്നു. പക്ഷെ ഗാംഗുലി അവയെല്ലാം നിഷേധിക്കുകയായിരുന്നു.
ഇത്തവണ ദാദ തന്നെ താന് വെള്ളിത്തിരയിലെത്തുമെന്ന് സ്ഥിരീകരിച്ചതാടെ ആരാധകര് വലിയ പ്രതീക്ഷയിലാണ്.
Continue with Google