രണ്ടു പേരാണ് ഇന്ത്യന് ടീമിലെ തന്റെ അടുത്ത സുഹൃത്തുക്കളെന്നു അക്തര് വെളിപ്പെടുത്തി. മുന് ഇതിഹാസ ഓള്റൗണ്ടര് യുവരാജ് സിങ്, സ്പിന് മാന്ത്രികന് ഹര്ഭജന് സിങ് എന്നിവരുമായാണ് തനിക്കു ഏറ്റവുമധികം അടുപ്പമുള്ളതെന്നും അദ്ദേഹം പറയുന്നു.
അടുത്തിടെ കൊറൊണ വൈറസിനെതിരേയുള്ള പോരാട്ടത്തില് പാകിസ്താന്റെ മുന് ഇതിഹാസ ഓള്റൗണ്ടര് ഷാഹിദ് അഫ്രീഡിയുടെ ധനസമാഹരണത്തെ യുവിയും ഭാജിയും പിന്തുണച്ചിരുന്നു. ഇതിന്റെ പേരില് വലിയ വിമര്ശനങ്ങളും ഇരുവരും ഏറ്റുവാങ്ങിയിരുന്നു. ഈ സംഭവത്തില് യുവരാജിനെയും ഹര്ഭജനെയും പിന്തുണച്ചവരുടെ കൂട്ടത്തില് അക്തറുമുണ്ടായിരുന്നു.
ഇന്ത്യന് ടീമില് താന് ബൗള് ചെയ്യാന് ഏറ്റവും വിഷമിച്ച ബാറ്റ്സ്മാന് ആരാണെന്നും അക്തര് വെളിപ്പെടുത്തി. ഇതിഹാസ ബാറ്റ്സ്മാനായ സച്ചിന് ടെണ്ടുല്ക്കറിനേക്കാള് തന്നെ കുഴക്കിയത് മറ്റൊരു ബാറ്റിങ് ജീനിയസായ രാഹുല് ദ്രാവിഡാണെന്നാണ് റാവല്പിണ്ടി എക്സ്പ്രസ് പറഞ്ഞത്.
തന്റെ ജീവിതകഥ ബോളിവുഡില് സിനിമയായി പുറത്തു വരികയാണെങ്കില് സൂപ്പര് താരം സല്മാന് ഖാന് മുഖ്യ കഥാപാത്രമാവാനാണ് ആഗ്രഹമെന്നും അക്തര് വെളിപ്പെടുത്തി.
ഇന്ത്യന് ക്രിക്കറ്റ് ടീമിന്റെ ബൗളിങ് കോച്ചാവാന് ആഗ്രഹിക്കുന്നതായും അക്തര് വ്യക്തമാക്കി. ഇന്ത്യന് ടീമുമായി സഹകരിക്കാന് തയ്യാറാണോയെന്ന ചോദ്യത്തിനു തീര്ച്ചയായും എന്നായിരുന്നു അദ്ദേഹത്തിന്റെ മറുപടി. അറിവ് മറ്റുള്ളവരിലേക്കു പകര്ന്നു നല്കുകയാണ് തന്റെ ജോലി. താന് എന്തോണോ പഠിച്ചത് അതാണ് അറിവ്. ഈ അറിവ് മറ്റുളളവര്ക്കു കൂടി പകര്ന്നു നല്കാനാണ് ആഗ്രഹമെന്നും അദ്ദേഹം പറഞ്ഞു.
കൂടുതല് അഗ്രസീവായി പന്തെറിയുന്ന, വേഗമുള്ള പേസര്മാരെ വാര്ത്തെടുക്കുമെന്നും നിലവിലെ ബൗളര്മാരേക്കാള് അവരുടെ പ്രകടനം നിങ്ങളെ രസിപ്പിക്കുമെന്നും അക്തര് കൂട്ടിച്ചേര്ത്തു.