വാക്കുകള്‍ സൂക്ഷിച്ച് ഉപയോഗിക്കണം; രവി ശാസ്ത്രിയോട് ഗാവസ്‌കര്‍

വാക്കുകള്‍ സൂക്ഷിച്ച് വേണം

ഹോം ടീമിന് യോജിച്ച രീതിയില്‍ പിച്ചുണ്ടാക്കുന്നതില്‍ കുഴപ്പം ഒന്നുമില്ല. അങ്ങനെ ഉണ്ടാക്കിയില്ലെങ്കില്‍ ആണ് പ്രശ്‌നങ്ങളുണ്ടാകുക. പക്ഷേ എന്ത് പറയുമ്പോഴും വാക്കുകള്‍ക്ക് മേല്‍ നിയന്ത്രണം വേണം. - എന്‍ ഡി ടി വിയോട് സംസാരിക്കവേയായിരുന്നു ശാസ്ത്രിയുടെ പേരെടുത്ത് പറയാതെ ഗാവസ്കർ ഈ പ്രയോഗം നടത്തിയത്.

രവി ശാസ്ത്രി നിഷേധിച്ചു

നിരാശപ്പുറത്താണ് പിന്നീട് ഖേദിക്കേണ്ടി വരുന്ന പ്രയോഗങ്ങള്‍ പലതും നടക്കുന്നത്. താന്‍ അസഭ്യമായി ഒന്നും പറഞ്ഞിട്ടില്ല എന്നാണ് രവി ശാസ്ത്രി പറയുന്നത്.

എന്നാല്‍ അങ്ങനെയല്ല

മുംബൈ വാങ്കഡെയിലെ ക്യുറേറ്റര്‍ സുധീര്‍ നായക് പറയുന്നത് അങ്ങനെയല്ല. ശാസ്ത്രി അധിക്ഷേപിച്ചു എന്നാണ്. ഇത് രണ്ട് വ്യക്തികള്‍ തമ്മിലുള്ള ആശയക്കുഴപ്പത്തിന്റെ കൂടി പ്രശ്‌നമാണ്.

നിര്‍ദേശങ്ങള്‍ നോക്കണം

ഏത് തരത്തിലുള്ള പിച്ചാണ് വേണ്ടതെന്ന് മുംബൈ ക്രിക്കറ്റ് അസോസിയേഷന്‍ ക്യുറേറ്റര്‍ക്ക് നിര്‍ദേശം നല്‍കിയിട്ടുണ്ടാകും. ഇത് പാലിച്ചിട്ടുണ്ടോ എന്ന് അന്വേഷിക്കണം.

വിവാദം ഇങ്ങനെ

കളിക്ക് തയ്യാറാക്കിയ പിച്ചിന്റെ സ്വഭാവത്തെക്കുറിച്ച് പറഞ്ഞ് ടീം ഡയറക്ടര്‍ രവി ശാസ്ത്രി അധിക്ഷേപിച്ചു എന്നാണ് മുംബൈ വാങ്കഡെയിലെ ക്യുറേറ്റര്‍ സുധീര്‍ നായക് പരാതിപ്പെട്ടിരിക്കുന്നത്.