Click it and Unblock the Notifications
ഓസ്ട്രേലിയ അനായാസം ജയിക്കും
മെല്ബണില് നടക്കാനിരിക്കുന്ന രണ്ടാം ടെസ്റ്റില് ഇന്ത്യക്കെതിരേ ഓസ്ട്രേലിയ അനായാസ വിജയം നേടുമെന്നാണ് വോണിന്റെ പ്രവചനം. അഡ്ലെയ്ഡിലെ പിങ്ക് ബോള് ടെസ്റ്റിലെ ദുരന്തം ഇന്ത്യക്കു ഷോക്ക് തന്നെയായിരുന്നു. രണ്ടാം ടെസ്റ്റിലും ഇന്ത്യെ നിഷ്പ്രഭരാക്കുന്ന വിജയം ഓസീസ് നേടുമെന്നും വോണ് അഭിപ്രായപ്പെട്ടു.
ഷമിയുടെ അഭാവം തിരിച്ചടി
പരിക്കിനെ തുടര്ന്നു പരിചയസമ്പന്നനായ പേസര് ഷമിയെ നഷ്ടമായത് ഇന്ത്യയെ സംബന്ധിച്ച് കനത്ത തിരിച്ചടി തന്നെയാണെന്നു വോണ് ചൂണ്ടിക്കാട്ടി.
ഷമി വളരെ മികവുറ്റ ബൗളറാണ്. മെല്ബണിലെ സാഹചര്യങ്ങള് വിലയിരുത്തുമ്പോള് ഷമിക്കു തിളങ്ങാന് കഴിയുന്ന പിച്ചാണ് അവിടുത്തേത്. ഗുഡ് ലെങ്ത്, സ്ട്രെയ്റ്റ് ബോളുകള് എറിയാന് ഇവിടെ ഷമിക്കു സാധിക്കുമായിരുന്നുവെന്നും വോണ് വിലയിരുത്തി.
കെഎല് രാഹുല്, ശുഭ്മാന് ഗില് എന്നിവരെ പ്ലെയിങ് ഇലവനിലുള്പ്പെടുത്തിയാല് രണ്ടാം ടെസ്റ്റില് പൊരുതാനുള്ള അവസരം ഇന്ത്യക്കു ലഭിക്കുമെന്ന് അദ്ദേഹം പറഞ്ഞു. രാഹുല്, ഗില് എന്നിവരെപ്പോലെ കഴിവുള്ള കളിക്കാര് ഇന്ത്യന് ടീമിലേക്കു വരാനിരിക്കുകയാണ്. ഇവര് പ്ലെയിങ് ഇലവനില് വേണം. രഹാനെ ക്ലാസ് പ്ലെയറാണ്. പുജാരയ്ക്കു എന്തു ചെയ്യാനാവുമെന്നു നമുക്കറിയാമെന്നും വോണ് കൂട്ടിച്ചേര്ത്തു.
മൂന്നാം ടെസ്റ്റ് വേദി
സിഡ്നിയില് കൊവിഡ് 19 വ്യാപനം രൂക്ഷമായ സാഹചര്യത്തില് ഇവിടെ നടക്കാനിരിക്കുന്ന ഇന്ത്യ- ഓസ്ട്രേലിയ മൂന്നാം ടെസ്റ്റ് മറ്റൊരു വേദിയിലേക്കു മാറ്റണമെന്നു വോണ് ആവശ്യപ്പെട്ടു.
ഗീലോങിലേക്കോ കാന്ബെറയിലേക്കോ മൂന്നാം ടെസ്റ്റ് മാറ്റുന്നതായിരിക്കും ഉചിതമെന്നു അദ്ദേഹം ഫോക്സ് ക്രിക്കറ്റിനോടു പറഞ്ഞു. ഗില്ലോങിലെ ജിഎംബിഎച്ച്എ സ്റ്റേഡിയം ഇതുവരെ ടെസ്റ്റ്, ഏകദിന മല്സരങ്ങള്ക്കു വേദിയായിയിട്ടില്ല. എങ്കിലും ടെസ്റ്റ് നടത്താന് സാധിക്കുന്ന ഗ്രൗണ്ടാണ് ഇവിടുത്തേതെന്നു വോണ് പറയുന്നു. ഗില്ലോങില് നടത്താന് കഴിഞ്ഞില്ലെങ്കില് കാന്ബെറയിലെ മനൂക്ക ഓവലില് മൂന്നാം ടെസ്റ്റ് നടത്താവുന്നതാണെന്നും വോണ് അഭിപ്രായപ്പെട്ടു.
Continue with Google