വന്‍ ട്വിസ്റ്റ്!! ശ്രേയസല്ല, ഇന്ത്യന്‍ ടി20 ക്യാപ്റ്റനാവുക സഞ്ജു? കാരണമിങ്ങനെ

ഇന്ത്യൻ ക്രിക്കറ്റ് ടീമിന്റെ അടുത്ത ടി20 ക്യാപ്റ്റനായി സഞ്ജു സാംസൺ നിയമിതനാകാൻ പോകുന്നു എന്ന വാർത്തകൾ കായിക ലോകത്ത് വൻ ചർച്ചയാകുന്നു. നിലവിലെ നായകൻ സൂര്യകുമാർ യാദവിന് ശേഷം ടീമിനെ നയിക്കാൻ ഏറ്റവും അനുയോജ്യനായ താരം സഞ്ജുവാണെന്ന് അജിത് അഗാർക്കറുടെ നേതൃത്വത്തിലുള്ള സെലക്ഷൻ കമ്മിറ്റി വിലയിരുത്തുന്നു. ശ്രേയസ് അയ്യരെ ഈ സ്ഥാനത്തേക്ക് പരിഗണിച്ചിരുന്നുവെങ്കിലും, ടി20 ഫോർമാറ്റിലെ സഞ്ജുവിന്റെ അസാമാന്യ ഫോമും നേതൃപാടവവും അദ്ദേഹത്തിന് മുൻതൂക്കം നൽകുകയായിരുന്നു.

IPL 2026: എല്‍എസ്ജിയെ തുരത്തുമോ ചെന്നൈ? സഞ്ജു ഫ്‌ളോപ്പാവില്ല!!! സ്‌കോറിങ്ങനെ; പ്രവചിച്ച് എഐ
ലോകകപ്പിലെ മാന്ത്രിക പ്രകടനവും സെലക്ടർമാരുടെ വിശ്വാസവും

2026-ലെ ടി20 ലോകകപ്പിൽ ഇന്ത്യ കിരീടം ചൂടിയപ്പോൾ അതിന്റെ പിന്നിലെ പ്രധാന കരുത്ത് സഞ്ജു സാംസൺ ആയിരുന്നു. ടൂർണമെന്റിന്റെ തുടക്കത്തിൽ ഫോം കണ്ടെത്താൻ പ്രയാസപ്പെട്ടെങ്കിലും, നിർണ്ണായക ഘട്ടത്തിൽ ടീമിലേക്ക് തിരിച്ചെത്തിയ സഞ്ജു 'പ്ലെയർ ഓഫ് ദി ടൂർണമെന്റ്' പുരസ്കാരം നേടിയാണ് മടങ്ങിയത്. വെസ്റ്റ് ഇൻഡീസിനെതിരായ ജീവൻമരണ പോരാട്ടത്തിൽ പുറത്താകാതെ നേടിയ 97 റൺസും, സെമിയിലും ഫൈനലിലും ഇംഗ്ലണ്ടിനും ന്യൂസിലൻഡിനുമെതിരെ നേടിയ അവിശ്വസനീയമായ 89 റൺസ് നേടിയ ഇന്നിംഗ്‌സുകളും സഞ്ജുവിന്റെ മൂല്യം വർധിപ്പിച്ചു. സമ്മർദ്ദഘട്ടങ്ങളിൽ പതറാതെ കളിക്കാനുള്ള സഞ്ജുവിന്റെ കഴിവാണ് അദ്ദേഹത്തെ നായകസ്ഥാനത്തേക്ക് പരി​ഗണിക്കപ്പെടുന്നതിൽ പ്രധാന പങ്കുവഹിച്ചത്.

ശ്രേയസ് അയ്യർക്ക് തിരിച്ചടിയായ ഘടകങ്ങൾ

ടി20 നായകസ്ഥാനത്തേക്ക് ശ്രേയസ് അയ്യരുടെ പേര് സജീവമായി ഉയർന്നു കേട്ടിരുന്നു. എന്നാൽ കഴിഞ്ഞ കുറെ കാലമായി ടി20 ഫോർമാറ്റിൽ ടീമിന് പുറത്താണെന്നത് അയ്യർക്ക് തിരിച്ചടിയാകാൻ വലിയ സാധ്യതകൾ തുറന്നുകാട്ടുന്നു. ആദ്യം ബാറ്റിംഗിൽ ടീമിൽ ഇടം ഉറപ്പിക്കട്ടെ, അതിനുശേഷം ക്യാപ്റ്റൻസിയെക്കുറിച്ച് ചിന്തിക്കാം എന്നാണ് അജിത് അഗാർക്കറുടെ നിലപാട് എന്ന് ബിസിസിഐയോട് ചേർന്ന് കിടക്കുന്ന വൃത്തങ്ങൾ പറയുന്നു. മറുഭാഗത്ത് സഞ്ജുവാകട്ടെ ഐപിഎൽ 2026-ൽ ചെന്നൈ സൂപ്പർ കിംഗ്‌സിനായി തകർപ്പൻ പ്രകടനമാണ് കാഴ്ചവെക്കുന്നത്. പരിക്കുകൾ വേട്ടയാടിയിട്ടും ടീമിനെ പ്ലേ ഓഫ് റേസിൽ നിലനിർത്തുന്നതിൽ സഞ്ജുവിന്റെ ബാറ്റിംഗ് വലിയ പങ്കുവഹിക്കുന്നുണ്ട്.

ശ്രേയസല്ല, ക്യാപ്റ്റനാവേണ്ടത് സഞ്ജു!! ടീമില്‍ പോലുമില്ലാത്തയാള്‍ക്ക് എന്തിന് റോള്‍? വിമര്‍ശനം

ഐപിഎല്ലിന് ശേഷം സഞ്ജു യുഗം തുടങ്ങുമോ?

ഐപിഎൽ 2026-ന് ശേഷം നടക്കാനിരിക്കുന്ന അയർലൻഡ്, ഇംഗ്ലണ്ട് പരമ്പരകളിൽ സഞ്ജു സാംസൺ ടീമിനെ നയിക്കുമെന്നാണ് റിപ്പോർട്ടുകൾ സൂചിപ്പിക്കുന്നത്. നിലവിലെ നായകൻ സൂര്യകുമാർ യാദവിനെ ക്യാപ്റ്റൻ സ്ഥാനത്ത് നിലനിർത്തിയാലും സഞ്ജുവിനെ വൈസ് ക്യാപ്റ്റനായി നിയമിക്കാനാണ് സാധ്യത. എന്തായാലും സഞ്ജു സാംസൺ എന്ന നായകനെ ഇന്ത്യൻ ടി20 ക്രിക്കറ്റ് സ്വാ​ഗതം ചെയ്യാൻ തയ്യാറായി നിൽക്കുന്നു എന്ന കാര്യത്തിൽ ഇനി സംശയമില്ല. ബിസിസിഐയുടെ ഈ നീക്കം സഞ്ജുവിനെ സ്നേഹിക്കുന്ന ലക്ഷക്കണക്കിന് ആരാധകർക്ക് വലിയൊരു അംഗീകാരമാണ്.

ചെന്നൈ സൂപ്പർ കിങ്സിന്റെ ഏറ്റവും വലിയ കുന്തമുനയായി ഇപ്പോൾ സഞ്ജു സാംസൺ മാറി കഴിഞ്ഞു. നാളെ നടക്കുന്ന ലക്നൗവിനെതിരായ മത്സരത്തിൽ സഞ്ജു കളിച്ചാലേ ചെന്നൈ സൂപ്പർ കിങ്സിന് മികച്ച റൺറേറ്റിലുള്ള വിജയം സ്വന്തമാക്കാൻ സാധിക്കൂ.