Click it and Unblock the Notifications
1993ലെ ഹീറോ കപ്പ് സെമി
1993ലെ ഹീറോ കപ്പിന്റെ സെമി ഫൈനലിലായിരുന്നു സച്ചിന്റെ മാജിക്കല് സ്പെല് ഇന്ത്യക്കു നാടകീയ വിജയം സമ്മാനിച്ചത്. കൊല്ക്കത്തയിലെ ഈഡന് ഗാര്ഡന്സില് ഇന്ത്യയും ദക്ഷിണാഫ്രിക്കയും തമ്മിലായിരുന്നു ഫൈനല്. ആദ്യം ബാറ്റ് ചെയ്ത ഇന്ത്യക്കു 50 ഓവര് മാച്ചില് 195 റണ്സ് മാത്രമേ നേടാനായുള്ളൂ. മറുപടിയില് ദക്ഷിണാഫ്രിക്കയ്ക്കു ജയിക്കാന് അവസാന ഓവറില് വേണ്ടത് ആറു റണ്സ്. നായകന് മുഹമ്മദ് അസ്ഹറുദ്ദീന് ബോള് സച്ചിനെയാണ് ഏല്പ്പിച്ചത്. ഫാനി ഡിവില്ലിയേഴ്സ്, ബ്രയാന് മക്കുല്ലം എന്നിവരായിരുന്നു ക്രീസില്.
രണ്ടു റണ്സ് ജയം
ആദ്യ ബോളില് ഷോട്ട് കളിച്ച ഡിവില്ലിയേഴ്സും മക്കുല്ലവും ഡബിളിനാണ് ശ്രമിച്ചത്. സിംഗിള് പൂര്ത്തിയാക്കിയെങ്കിലും ഡബിള് തികയ്ക്കും മുമ്പ് ഡിവില്ലിയേഴ്സിനെ ഇന്ത്യ റണ്ണൗട്ടാക്കി. തുടര്ന്നു ക്രീസിലെത്തിയത് അലന് ഡൊണാള്ഡ്. അടുത്ത മൂന്നു ബോളിലും സച്ചിന് റണ്ണൊന്നും വഴങ്ങിയില്ല.
അഞ്ചാമത്തെ ബോളില് ഡൊണാള്ഡ് സിംഗിളെടുത്തു. ഇതോടെ അവസാന ബോളില് ദക്ഷിണാഫ്രിക്കയ്ക്കു ജയിക്കാന് വേണ്ടത് ബൗണ്ടറി. എന്നാല് സിംഗിള് മാത്രമേ സച്ചിന് വിട്ടുനല്കിയുള്ളൂ. മല്സരം ഇന്ത്യ രണ്ടു റണ്സിന് ജയിക്കുകയും ചെയ്തു.
1996ലെ ടൈറ്റന് കപ്പ്
മറ്റൊരു സമാനമായ സച്ചിന്റെ സ്പെല് മൂന്നു വര്ഷങ്ങള്ക്കു ശേഷം നടന്ന ടൈറ്റന് കപ്പിലായിരുന്നു. 1996ല് ഇന്ത്യയും ഓസ്ട്രേലിയയും തമ്മിലാണ് മല്സരം. 290 റണ്സിന്റെ വിജയലക്ഷ്യമായിരുന്നു ഓസീസിന് ഇന്ത്യ നല്കിയത്. തന്റെ പ്രധാന ബൗര്മാരുടെയെല്ലാം ക്വാട്ട കഴിഞ്ഞതോടെ ക്യാപ്റ്റന് അസ്ഹര് സച്ചിന് ഒരിക്കല്ക്കൂടി അവസാന ഓവര് നല്കി. ഓസീസിന് ജയിക്കാന് വേണ്ടിയിരുന്നത് ആറു റണ്സായിരുന്നു. അവരുടെ പക്കല് ബാക്കിയുണ്ടായിരുന്നതാവട്ടെ ഒരു വിക്കറ്റും. ഓവറിലെ ആദ്യ ബോളിള് തന്നെ ബ്രാഡ് ഹോഗിനെ പുറത്താക്കിയ സച്ചിന് ഇന്ത്യക്കു വീണ്ടുമൊരു ത്രസിപ്പിക്കുന്ന വിജയം സമ്മാനിച്ചു.
Continue with Google