IPL 2020: കോലിയെ വിട്ടൊരു കളിയില്ല! നായകസ്ഥാനത്തെക്കുറിച്ച് ഫ്രാഞ്ചൈസി ചെയര്‍മാന്‍ പറയുന്നു

ഫ്രാഞ്ചൈസിക്കു അഭിമാനം

ഒരുപാട് ആരാധക പിന്തുണയുള്ള താരമായ കോലിയുമായി സഹകരിക്കാന്‍ കഴിയുന്നത് വലിയ അഭിമാനമായാണ് ആര്‍സിബി കാണുന്നതെന്ന് സുരിവാല വ്യക്തമാക്കി. ക്യാപ്റ്റനെന്ന നിലയില്‍ മികച്ച റെക്കോര്‍ഡുള്ള മറ്റൊരാളെ പകരക്കാരനായി കൊണ്ടു വരുന്നതിനെക്കുറിച്ച് ഫ്രാഞ്ചൈസി ആലോചിക്കുന്നില്ലെന്നും അദ്ദേഹം പറയുന്നു.
നിലവില്‍ ക്യാപ്റ്റനവാനാന്‍ ശേഷിയുള്ള ദക്ഷിണാഫ്രിക്കയുടെ എബി ഡിവില്ലിയേഴ്‌സ്, ഓസ്‌ട്രേലിയയുടെ ആരോണ്‍ ഫിഞ്ച് എന്നിവര്‍ ആര്‍സിബി ടീമിലുണ്ട്. ഓസീസിന്റെ നിശ്ചിത ഓവര്‍ ടീമിന്റെ നായകന്‍ കൂടിയാണ് പുതുതായി ആര്‍സിബിയിലെത്തിയ ഫിഞ്ച്.

വിരാടിനെ എല്ലാവര്‍ക്കുമിഷ്ടം

വിരാട് ഇന്ത്യന്‍ ക്രിക്കറ്റ് ടീമിന്റെ ക്യാപ്റ്റന്‍ കൂടിയാണ്. നമുക്കെല്ലാം അദ്ദേഹത്തെ ഇഷ്ടമാണ്. അതുകൊണ്ടു തന്നെ വിരാടുമായി സഹകരിക്കാന്‍ കഴിയുന്നതും ഞങ്ങള്‍ക്ക് ഇഷ്ടമാണെന്നു സുരിവാല പറഞ്ഞു.
നോക്കൂ, ക്രിക്കറ്റ് ഇങ്ങനെയാണ്. ചിലപ്പോള്‍ ജയിക്കും, മറ്റു ചിലപ്പോള്‍ തോല്‍ക്കുകയും ചെയ്യും. പക്ഷെ കോലിയെന്ന താരം ആരാണെന്ന് മറക്കരുത്, അദ്ദേഹത്തിന്റെ ട്രാക്ക് റെക്കോര്‍ഡും വിസ്മരിക്കാന്‍ പാടില്ല. വിരാട് ഞങ്ങളുമായി സഹകരിക്കുന്നതില്‍ ആര്‍സിബി ഉടമയെന്ന നിലയില്‍ ഞങ്ങള്‍ക്കു വളരെയധികം അഭിമാനം നല്‍കുന്നതായും സുരിവാല കൂട്ടിച്ചേര്‍ത്തു.

ക്യാപ്റ്റനായത് 2011ല്‍

2011ലാണ് കോലി ആര്‍സിബി ടീമിന്റെ സ്ഥിരം ക്യാപ്റ്റനായി നിയമിക്കപ്പെടുന്നത്. അതിനു ശേഷം രണ്ടു തവണ ആര്‍സിബി ഫൈനല്‍ കളിച്ചെങ്കിലം രണ്ടു തവണയും തോല്‍വിയായിരുന്നു ഫലം. 2011ല്‍ ക്യാപ്റ്റനായ ആദ്യ സീസണില്‍ തന്നെ കോലി ടീമിനെ ഫൈനലിലെത്തിച്ചിരുന്നു. പിന്നീട് 2013ലും കോലിക്കു കീഴില്‍ ആര്‍സിബി ഫൈനല്‍ കളിച്ചു.
പിന്നീടുള്ള സീസണുകളില്‍ ആര്‍സിബി തീര്‍ത്തും നിരാശശപ്പെടുത്തി. രണ്ടു തവണ പോയിന്റ് പട്ടികയില്‍ അവര്‍ അവസാനസ്ഥാനത്തേക്കു പിന്തള്ളപ്പെടുകയും ചെയ്തു. 2017, 19 സീസണുകളിലായിരുന്നു ഈ നാണക്കേട്. കഴിഞ്ഞ തവണ 14 മല്‍സരങ്ങളില്‍ വെറും അഞ്ചെണ്ണത്തില്‍ മാത്രമാണ് ആര്‍സിബിക്കു വിജയിക്കാനായത്.