ഓസീസ് ടൂര്‍: ഇന്ത്യന്‍ കളിക്കാരുടെ പ്രകടനം ഇങ്ങനെ

വിരാട് കോലി

പത്തില്‍ എത്ര മാര്‍ക്ക് കൊടുക്കും കോലിക്ക്. അഡിലെയ്ഡില്‍ ജയിപ്പിച്ചിരുന്നെങ്കില്‍, രണ്ടാം ടെസ്റ്റില്‍ പരാജയപ്പെട്ടില്ലായിരുന്നെങ്കില്‍ പത്തില്‍ പത്തും കൊടുക്കാമായിരുന്നു കോലിക്ക്. എന്നാലും 9 വരെ കൊടുക്കാന്‍ മടി വേണ്ട. 86.50 ശരാശരിയില്‍ 692 റണ്‍സാണ് സമ്പാദ്യം.

മുരളി വിജയ്

കഴിവ് കൊണ്ടല്ല, കളിയോടുള്ള സമീപനം കൊണ്ട് വിജയ് അത്ഭുതപ്പെടുത്തിയ പരമ്പരയാണിത്. ഏത് ബൗളര്‍ക്കെതിരെയും ഏത് ഷോട്ടും കളിക്കാന്‍ കെല്‍പുണ്ട് വിജയ്ക്ക്. ഈ പരമ്പരയില്‍ കണ്ട വ്യത്യസ്തനായ മുരളിക്ക് 8.5 പോയിന്റ്.

അജിന്‍ക്യ രഹാനെ

മധ്യനിരയില്‍ ഇന്ത്യയുടെ മറ്റൊരു മതിലായി വളരുകയാണ് രഹാനെ. 57 ശരാശരിയില്‍ 399 റണ്‍സടിച്ച രഹാനെയ്ക്ക് എട്ട് പോയിന്റെങ്കിലും കൊടുക്കണം.

ഇഷാന്ത് ശര്‍മ

ഇന്ത്യയുടെ ഏറ്റവും വിജയിച്ച ബൗളര്‍ എന്ന് പറയാവുന്നത് ഇഷാന്തിനെയാണ്. 48 ശരാശരിയില്‍ 9 വിക്കറ്റാണ് ശര്‍മയുടെ സമ്പാദ്യം. 5 പോയിന്റ്

മുഹമ്മദ് ഷമി

മൂന്ന് ടെസ്റ്റ് കളിച്ച ഷമി 15 വിക്കറ്റ് വീഴ്ത്തി. പക്ഷേ വിട്ടുകൊടുത്ത റണ്‍സിന് കണക്കില്ല. തമ്മില്‍ ഭേദമായ ഷമിക്ക് 4 പോയിന്റ്

രോഹിത് ശര്‍മ

മികച്ച തുടക്കങ്ങള്‍ കിട്ടിയിട്ടും എല്ലാം വലിച്ചെറിഞ്ഞ രോഹിതിന് പുതിയ പേരും കിട്ടി. ഇന്ത്യയുടെ ഷെയ്ന്‍ വാട്‌സന്‍. 29 ശരാശരിയില്‍ 173 റണ്‍സെടുത്ത രോഹിതിന് 3 പോയിന്റ്