Click it and Unblock the Notifications
ധോണി യുഗത്തില് കളിക്കേണ്ടി വന്നത് നിര്ഭാഗ്യകരമായി പോയെന്നു തനിക്ക് ഇതുവരെ തോന്നിയിട്ടില്ലെന്നു പാര്ഥീവ് വ്യക്തമാക്കി. ധോണി യുഗത്തില് കളിച്ചതാണ് തന്റെ കരിയറിനു വിനയായതെന്നു കരുതുന്നില്ല. അദ്ദേഹത്തേക്കാള് മുമ്പ് അന്താരാഷ്ട്ര ക്രിക്കറ്റില് താന് അരങ്ങേറിയിട്ടുണ്ട്. ധോണിയേക്കാള് മുമ്പ് തന്നെ സ്വന്തം മികവ് ലോകത്തിനു മുന്നില് പ്രദര്ശിപ്പിക്കാനും അവസരം ലഭിച്ചിരുന്നതായി പാര്ഥീവ് പറഞ്ഞു.
ചില പരമ്പരകളിലെ മോശം പ്രകടനമാണ് തനിക്കു തിരിച്ചടിയായത്. ഇതേ തുടര്ന്നു ഇന്ത്യന് ടീമില് സ്ഥാനം നഷ്ടമാവുകയും ചെയ്തു. ഇതോടെ ധോണിയെ സെലക്ടര്മാര് വിക്കറ്റ് കീപ്പറായി പരീക്ഷിക്കുകയും ചെയ്യുകയായിരുന്നു.
തെറ്റായ സമയത്താണ് തനിക്കു കളിക്കേണ്ടി വന്നതെന്നു സഹതാപം നേടിത്തരുന്നതിന് വേണ്ടി ആളുകള്ക്കു വേണമെങ്കില് പറയാം. എന്നാല് ഇതു താന് വിശ്വസിക്കുന്നില്ലെന്ന് പാര്ഥീവ് വിശദമാക്കി.
തനിക്കു ലഭിച്ച അവസരങ്ങള് പരാമവധി മുതലാക്കാന് കഴിഞ്ഞുവെന്നതാണ് ധോണിക്കു തുണയായതെന്നു പാര്ഥീവ് അഭിപ്രായപ്പെട്ടു. അതിനു ശേഷം വലിയ നേട്ടങ്ങള് അദ്ദേഹം കൈവരിക്കുകയും ചെയ്തതായി താരം പറഞ്ഞു.
ധോണി ഇതുവരെ കൈവരിച്ച നേട്ടങ്ങള് വളരെ സ്പെഷ്യലാണ്. ലഭിച്ച അവസരങ്ങള് പാഴാക്കാതെ, പരമാവധി ഉപയോഗിച്ചതു കൊണ്ടാണ് അദ്ദേഹം ഇത്രയും വലിയ താരമായി മാറിയത്. നിര്ഭാഗ്യം കൊണ്ടാണ് തനിക്കു ധോണിയെപ്പോലെ ആവാന് കഴിയാതിരുന്നതെന്നു കരുതുന്നില്ലെന്നും പാര്ഥീവ് കൂട്ടിച്ചേര്ത്തു.
ധോണിയുടെ തിരിച്ചുവരവ്
കഴിഞ്ഞ പത്തു മാസത്തിലേറെയായി ക്രിക്കറ്റില് നിന്നും വിട്ടുനില്ക്കുകയായിരുന്നു ധോണി. കഴിഞ്ഞ വര്ഷം ജൂലൈയിലാണ് അദ്ദേഹം അവസാനമായി കളിച്ചത്. ഐസിസിയുടെ ഏകദിന ലോകകപ്പില് ന്യൂസിലാന്ഡിനെതിരായ സെമി ഫൈനലിലായിരുന്നു ഇത്. സെമിയില് തോറ്റ് ഇന്ത്യ പുറത്തായ ശേഷം ക്രിക്കറ്റില് നിന്നും ധോണി അനിശ്ചിതമായി മാറി നില്ക്കുകയായിരുന്നു.
ഐപിഎല്ലിന്റെ പുതിയ സീസണില് ചെന്നൈ സൂപ്പര് കിങ്സിനൊപ്പം കളിക്കളത്തിലേക്കു മടങ്ങിവരാന് തയ്യാറെടുക്കുകയായിരുന്നു അദ്ദേഹം. എന്നാല് കൊവിഡ്-19നെ തുടര്ന്ന് ടൂര്ണമെന്റ് അനിശ്ചിത കാലത്തേക്കു മാറ്റിയതത് ധോണിയുടെ മടങ്ങിവരവ് വൈകിപ്പിച്ചിരിക്കുകയാണ്.
Continue with Google