Click it and Unblock the Notifications
ആക്രമണോത്സുക ശൈലി
കളിക്കളത്തിലെ ആക്രമണോത്സുക ശൈലി തന്നെയാണ് ഇന്ത്യന് ക്രിക്കറ്റിനെ ഉയരങ്ങളിലെത്തിച്ചതെന്നു രാജ പറയുന്നു. ബിസിസിഐയില് നിന്നും പാഠമുള്ക്കൊണ്ട് പാക് ക്രിക്കറ്റിനെ അടിമുടി ഉടച്ചു വാര്ക്കാന് പിസിബിയും ശ്രമിക്കണം.
ക്രിക്കറ്റിന്റെ രീതി തന്നെ മാറിക്കഴിഞ്ഞു. ടീമുകള് കളിക്കളത്തില് കൂടുതല് ആക്രമണോത്സുകതയോടെയാണ് കളിക്കുന്നത്. പാകിസ്താനും ഇതേ രീതി പിന്തുടരണമെന്നും അദ്ദേഹം നിര്ദേശിച്ചു.
കോലിയെയും സംഘത്തെയും കണ്ടു പഠിക്കൂ
ക്യാപ്റ്റന് വിരാട് കോലിയെയും സംഘത്തെയും കണ്ടു പഠിക്കാന് പാകിസ്താന് ക്രിക്കറ്റ് ടീം ശ്രമിക്കണമെന്ന് രാജ ആവശ്യപ്പെട്ടു. ഇന്ത്യന് ക്രിക്കറ്റിനെ തന്നെ ആകെ മാറ്റിയിരിക്കുകയാണ് കോലിയും സംഘവും. പുതിയൊരു ശൈലിയാണ് ഇപ്പോഴത്തെ ടീമിന്റേത്. കളിക്കളത്തിലെ ആക്രമണോത്സുക ശൈലിയും ഭയമില്ലാത്ത സമീപനവുമാണ് ഇതിനു കാരണമെന്നും രാജ ചൂണ്ടിക്കാട്ടി.
പാകിസ്താന് പതറുന്നു
അന്താരാഷ്ട്ര മല്സരങ്ങളില് ശക്തരായ എതിരാളികളുമായി ഏറ്റുമുട്ടുമ്പോള് പാകിസ്താന് ഇപ്പോഴും പതറുകയാണ്. ഈ സമീപനത്തില് മാറ്റം വരേണ്ട സമയം അതിക്രമിച്ചതായും രാജ പറഞ്ഞു.
ലോകകപ്പ്, ഏഷ്യാ കപ്പ്, എന്നിവയെക്കൂടാതെ ടെസ്റ്റില് കരുത്തരായ എതിരാളികളുമായി ഏറ്റുമുട്ടുമ്പോള് പാകിസ്താന് ശരിക്കും സമ്മര്ദ്ദത്തിലാവാറുണ്ട്. അവരുടെ എതിരാളികള് ആകര്ഷകമായ ക്രിക്കറ്റ് കാഴ്ചവയ്ക്കുമ്പോള് പാക് ടീം ഇപ്പോഴും 1970കളില് തന്നെ നില്ക്കുന്നതു പോലെയാണ് തോന്നുന്നതെന്നും രാജ വിശദമാക്കി.
Continue with Google