Click it and Unblock the Notifications
ലോകകപ്പില് പാകിസ്താനുമായുള്ള ഇന്ത്യയുടെ മല്സരത്തിന് തലേ ദിവസമായിരുന്നു സംഭവമെന്ന് ഭാരത് ആര്മിയുടെ പോഡ്കാസ്റ്റില് ശങ്കര് വ്യക്തമാക്കി. താനുള്പ്പെടെ ടീമിലെ കുറച്ചു പേര് കോഫി കുടിക്കാന് പുറത്തു പോയിരുന്നു.
അവിടെയിരിക്കവെ തങ്ങളുടെ അടുത്തേക്കു വന്ന ഒരു പാകിസ്താന് ആരാധകന് മോശം വാക്കുകള് ഉപയോഗിച്ച് തങ്ങളെ അധിക്ഷേപിച്ചു. ഇതാണ് കരിയറിലെ ആദ്യത്തെ ഇന്ത്യ- പാക് മല്സരത്തിനു മുമ്പ് തനിക്കുണ്ടായ അനുഭവമെന്നും ശങ്കര് പറയുന്നു.
അന്നു അധിക്ഷേപിച്ച പാക് ആരാധകന് ഇവയെല്ലാം ഫോണില് പകര്ത്തുകയും ചെയ്യുന്നുണ്ടായിരുന്നു. അതുകൊണ്ടു തന്നെ എല്ലാം കേട്ടിരിക്കുകയല്ലാതെ ഒന്നും പ്രതികരിക്കാന് ഞങ്ങളില് ആര്ക്കും സാധിച്ചില്ല. ആകെ ചെയ്യാന് കഴിഞ്ഞത് അവിടെയിരുന്ന് എല്ലാം കാണുകയെന്നത് മാത്രമായിരുന്നുവെന്നും ശങ്കര് കൂട്ടിച്ചേര്ത്തു.
ശങ്കര് ലോകകപ്പിലെ തന്റെ ആദ്യ മല്സരം കൂടിയാണ് പാകിസ്താനെതിരേ കളിച്ചത്. സ്വപ്നതുല്യമായിരുന്നു അദ്ദേഹത്തിന്റെ തുടക്കം. എറിഞ്ഞ ആദ്യത്തെ ഓവറിലെ ആദ്യ പന്തില് തന്നെ ശങ്കറിന് വിക്കറ്റ് ലഭിച്ചു. പാകിസ്താന് ഓപ്പണര് ഇമാമുള് ഹഖിനെയാണ് ശങ്കര് ലോകകപ്പിലെ കന്നി പന്തില് തന്നെ പുറത്താക്കിയത്.
മഴനിയമപ്രകാരം ഇന്ത്യ 89 റണ്സിനു പാകിസ്താനെ തകര്ത്തുവിട്ടപ്പോള് വിജയശില്പ്പി ഓപ്പണറും വൈസ് ക്യാപ്റ്റനുമായ രോഹിത് ശര്യായിരുന്നു. ഹിറ്റ്മാന്റെ തകര്പ്പന് സെഞ്ച്വറിയാണ് ഇന്ത്യന് വിജയത്തിന് അടിത്തറയിട്ടത്. 113 പന്തില് 140 റണ്സ് അടിച്ചെടുത്ത രോഹിത് ഇന്ത്യയെ അഞ്ചു വിക്കറ്റിന് 336 റണ്സെന്ന മികച്ച സ്കോറിലെത്തിച്ചു. മറുപടിയില് മഴയെ തുടര്ന്നു പാകിസ്താന്റെ ഇന്നിങ്സ് 40 ഓവറാക്കി ചുരുക്കിയപ്പോള് 212 റണ്സെടു്ക്കാനേ അവര്ക്കായുള്ളൂ.
ലോകകപ്പില് പാകിസ്താനെതിരായ അപരാജിത റെക്കോര്ഡ് ഇന്ത്യ കാത്തുസൂക്ഷിക്കുകയും ചെയ്തു. പാക് പടയ്ക്കെതിരേ ഇന്ത്യയുടെ ഏഴാമത്തെ വിജയമായിരുന്നു ഇത്.
Continue with Google