Click it and Unblock the Notifications
സാഹചര്യം പാകിസ്താന് അനുകൂലം
നിലവില് പാകിസ്താന്റെ ഹോംഗ്രൗണ്ട് പോലെയാണ് യുഎഇ. ഇവിടെയാണ് കഴിഞ്ഞ കുറച്ച് വര്ഷമായി പാക് ടീമിന്റെ മല്സരങ്ങളെല്ലാം നടക്കുന്നത്. ഏഷ്യാ കപ്പില് ഇത് തീര്ച്ചയായും പാകിസ്താന് മുതല്ക്കൂട്ടാവുമെന്ന് ക്യാപ്റ്റന് സര്ഫ്രാസ് അഹമ്മദ് പറഞ്ഞു. ഈ മുന്തൂക്കം ഇന്ത്യയെ പരാജയപ്പെടുത്താന് ടീമിനെ സഹായിക്കുമെന്നും അദ്ദേഹം കൂട്ടിച്ചേര്ത്തു.
ഇന്ത്യ കരുത്തരായ ടീം
ഇന്ത്യ ശക്തരായ എതിരാളികളാളെന്ന് സര്ഫ്രാസ് പറഞ്ഞു. സ്ഥിരം ക്യാപ്നും സ്റ്റാര് ബാറ്റ്സ്മാനുമായ വിരാട് കോലിയുടെ അഭാവത്തിലും ഇന്ത്യ കരുത്തരാണ്. അന്താരാഷ്ട്ര മല്സര പരിചയത്തിന്റെ കാര്യത്തിലും പാകിസ്താന് മുകളിലാണ് ഇന്ത്യയെന്നും അദ്ദേഹം ചൂണ്ടിക്കാട്ടി.
എങ്കിലും ഇന്ത്യയെ തോല്പ്പിക്കാനുള്ള മികവ് പാക് ടീമിനുണ്ടെന്നും ടൂര്ണമെന്റ് യുഎഇയിലാണെന്നത് തങ്ങള്ക്കു പ്ലസ് പോയിന്റാണെന്നും സര്ഫ്രാസ് വ്യക്തമാക്കി.
കോലിയുടെ അഭാവം മുതലാക്കുമെന്ന് അലി
വിരാട് കോലി മാച്ച് വിന്നറാണെന്നും അദ്ദേഹം ഇന്ത്യന് ടീമില് ഇല്ലെന്നത് തങ്ങള്ക്കു ആശ്വാസമാണെന്നും പാക് താരം ഹസന് അലി പറഞ്ഞു. ഇന്ത്യ ശക്തരായ ടീമാണ്. എന്നാല് കോലിയുടെ അഭാവം പാകിസ്താന് മുതലെടുക്കും. ഏതു പ്രതിസന്ധി ഘട്ടത്തെയും തരണം ചെയ്യാന് മിടുക്കനാണ് കോലി. എന്നാല് പുതിയൊരാള്ക്ക് കോലിയുടെ റോള് ഏറ്റെടുക്കുക ബുദ്ധിമുട്ടാവുമെന്നും അലി അഭിപ്രായപ്പെട്ടു.
Continue with Google