Click it and Unblock the Notifications
വലിയ നേട്ടം
നെറ്റ് ബൗളറായി ഇന്ത്യന് ടീമിനൊപ്പം ഓസ്ട്രേലിയയിലെത്തി ഇപ്പോള് അരങ്ങേറാന് അവസരം ലഭിച്ചത് നട്ടുവിനെ സംബന്ധിച്ചു വലിയ നേട്ടം തന്നെയാണെന്നു വാര്ണര് അഭിപ്രായപ്പെട്ടു. ഓസ്ട്രേലിയയിലേക്കു വരുമ്പോള് ഭാര്യ കുഞ്ഞിന് ജന്മം നല്കിയത് അവന് മിസ് ചെയ്തുവെന്നും വാര്ണര് പറഞ്ഞു.
നട്ടുവിന് എന്റെ അഭിനന്ദനങ്ങള്. അവന് വളരെ, വളരെ മികച്ച ബൗളറാണ്. ഐപിഎല്ലില് ടീമിനെ നയിച്ചപ്പോള് എനിക്കു ഇതു നേരില് കാണാന് കഴിഞ്ഞതാണ്. നട്ടുവിന് എല്ലാവിധ ആശംസകളും നേരുന്നു. അവസരം ലഭിച്ചാല് താരത്തിനു എന്തു ചെയ്യാന് കഴിയുമെന്നു നമുക്ക് അറിയാവുന്ന കാര്യമാണെന്നും വാര്ണര് വിശദമാക്കി.
ടെസ്റ്റിലെ പ്രകടനം
ടെസ്റ്റില് നടരാജന് എത്രത്തോളം മികവ് പുലര്ത്താന് കഴിയുമെന്നു എനിക്കറിയില്ല. രഞ്ജി ട്രോഫിയില് നട്ടുവിന്റെ പ്രകടനം എങ്ങനെ ആയിരുന്നുവെന്നു നിങ്ങള്ക്കു അറിയാമായിരിക്കും. വളരെ മികച്ച ലൈനിലും ലെങ്തിലും ബൗള് ചെയ്യാന് നട്ടുവിനു സാധിക്കും. എന്നാല് ടെസ്റ്റ് വളരെ വ്യത്യസ്തമാണ്. തുടര്ച്ചയായി അവനു ബൗള് ചെയ്യാന് കഴിയുമോയെന്നതിനെക്കുറിച്ചു എനിക്കു 100 ശതമാനം ഉറപ്പില്ലെന്നും വാര്ണര് വിശദമാക്കി.
മുഹമ്മദ് സിറാജിനെക്കുറിച്ചു എനിക്കു കുറച്ചൊക്കെ അറിയാം. അരങ്ങേറ്റത്തില് നന്നായി ബൗള് ചെയ്യാന് അദ്ദേഹത്തിനു സാധിച്ചു. ചിലപ്പോള് നട്ടുവിനും അതിനു കഴിഞ്ഞേക്കുമെന്നു വാര്ണര് കൂട്ടിച്ചേര്ത്തു.
അരങ്ങേറ്റത്തില് മിന്നി
ഓസ്ട്രേലിയക്കെതിരേ നേരത്തേ നടന്ന മൂന്നു മല്സരങ്ങളുടെ ഏകദിന പരമ്പരയിലെ അവസാനത്തെ മല്സരത്തിലൂടെയായിരുന്നു നടരാജന്റെ അരങ്ങേറ്റം. ഇന്ത്യ ജയിച്ച മല്സരത്തില് രണ്ടു വിക്കറ്റുമായി പേസര് തിളങ്ങുകയും ചെയ്തിരുന്നു.
ഇതോടെ തുടര്ന്നു നടന്ന മൂന്നു മല്സരങ്ങളുടെ ടി20 പരമ്പരയിലും നടരാജനു പ്ലെയിങ് ഇലവനില് അവസരം ലഭിച്ചു. ആറു വിക്കറ്റുമായി പരമ്പരയില് കൂടുതല് വിക്കറ്റുകളെടുത്ത ബൗളറായി നട്ടു മാറുകയും ചെയ്തു. നേരത്തേ മറ്റൊരു പുതുമുഖവും സ്പിന്നറുമായ വരുണ് ചക്രവര്ത്തിക്കു പരിക്കേറ്റതിനെ തുടര്ന്നായിരുന്നു നെറ്റ് ബൗളറായ നടരാജന് നിശ്ചിത ഓവര് ടീമില് ഇടം ലഭിച്ചത്.
Continue with Google