Click it and Unblock the Notifications
ഓപ്പണറായേക്കും
ഇന്ത്യക്കെതിരായ ടെസ്റ്റ് പരമ്പരയില് ഡേവിഡ് വാര്ണറിനൊപ്പം പ്യുകോസ്കി ഓപ്പണറായി ഇറങ്ങിയേക്കുമെന്നാണ് സൂചനകള്. ജോ ബേണ്സാണ് ടെസ്റ്റ് ടീമിലെ മറ്റൊരു സ്പെഷ്യലിസ്റ്റ് ഓപ്പണര്. എന്നാല് ബേണ്സ് ഇപ്പോള് അത്ര മികച്ച ഫോമിലല്ല. 7, 29, 0, 10, 11 എന്നിങ്ങനെയാണ് ഷെഫീല്ഡ് ഷീല്ഡ് മല്സരങ്ങളില് താരത്തിന്റെ സ്കോറുകള്.
എന്നാല് വരാനിരിക്കുന്ന സന്നാഹ മല്സരങ്ങളില് ഫോം വീണ്ടെടുക്കാനായാല് വാര്ണറിനൊപ്പം ബേണ്സ് തന്നെ ടെസ്റ്റ് പരമ്പരയില് ഓപ്പണ് ചെയ്തേക്കും. മല്സരപരിചയസം അദ്ദേഹത്തിനു പ്ലസ് പോയിന്റാണ്.
പ്യുകോസ്കിക്കും ഗ്രീനിനും പ്രശംസ
ഓസ്ട്രേലിയന് ദേശീയ ടീം സെലക്ടറായ ട്രെവര് ഹോണ്സ് പുതിയ അംഗങ്ങളായ പ്യുകോസ്കി, ഗ്രീന് എന്നിവരെ പ്രശംസിച്ചു. ഷെഫീല്ഡ് ഷീല്ഡ് ടൂര്ണമെന്റിന്റെ ഓപ്പണിങ് റൗണ്ടില് ഒരുപിടി താരങ്ങള് നന്നായി പെര്ഫോം ചെയ്യുന്നത് നമ്മള് കണ്ടു. ഇക്കൂട്ടത്തില് അസാധാരണ പ്രകടനത്തിലൂടെ വേറിട്ടു നില്ക്കുന്ന രണ്ടു കളിക്കാര് പ്യുകോസ്കിയും ഗ്രീനുമാണ്.
ഇരുവരുടെയും ഉജ്ജ്വല ഫോം പരിഗണിക്കുമ്പോള് ടീമിലുള്പ്പെടുത്താതിരിക്കാന് നിര്വാഹമില്ല. വളരെ ശക്തരായ ഇന്ത്യക്കെതിരേയുള്ള പരമ്പരയില് രണ്ടു യുവവതാരങ്ങളെയും ഉള്പ്പെടുത്താന് കഴിഞ്ഞതില് തങ്ങള്ക്കു ആഹ്ലാദമുണ്ടെന്നും ഹോണ്സ് വ്യക്തമാക്കി.
ഗ്രീന് നിശ്ചിത ഓവര് ടീമിലും
ഇന്ത്യക്കെതിരേയുള്ള നിശ്ചിത ഓവര് പരമ്പരയ്ക്കുള്ള ഓസീസ് ടീമിനെ നേരത്തേ പ്രഖ്യാപിച്ചിരുന്നു. ഗ്രീനിനെ അന്നു ടീമില് ഉള്പ്പെടുത്തിയിരുന്നു. ഇപ്പോള് ടെസ്റ്റ് ടീമിന്റെയും ഭാഗമായിരിക്കുകയാണ് താരം.
പുറംഭാഗത്തിനേറ്റ പരിക്കില് നിന്നും മോചിതനായ ശേഷമാണ് ഗ്രീന് മടങ്ങിയെത്തിയത്. ന്യൂസൗത്ത് വെയ്ല്സിനെതിരായ ഷെഫീല്ഡ് ഷീല്ഡ് മല്സരത്തില് 197 റണ്സുമായി കരിയര് ബെസ്റ്റ് പ്രകടനം താരം കാഴ്ചവച്ചിരുന്നു. മികച്ച പ്രതിഭയുള്ള യുവതാരമാണ് ഗ്രീനെന്നും ഭാവിയില് വലിയ താരമായി മാറാനുള്ള കഴിവ് അദ്ദേഹത്തിനുണ്ടെന്നും ഹോണ്സ് ചൂണ്ടിക്കാട്ടി.
ഓസ്ട്രേലിയന് ടെസ്റ്റ് ടീം
സീന് അബോട്ട്, ജോ ബേണ്സ്, പാറ്റ് കമ്മിന്സ്, കാമറണ് ഗ്രീന്, ജോഷ് ഹേസല്വുഡ്, ട്രാവിസ് ഹെഡ്, മാര്നസ് ലബ്യുഷെയ്ന്, നതാന് ലയണ്, മൈക്കല് നെസര്, ടിം പെയ്ന് (ക്യാപ്റ്റന്), ജെയിംസ് പാറ്റിന്സണ്, വില് പ്യുകോസ്കി, സ്റ്റീവ് സ്മിത്ത്, മിച്ചെല് സ്റ്റാര്ക്ക്, മിച്ചെല് സ്വെപ്സണ്, മാത്യു വെയ്ഡ്, ഡേവിഡ് വാര്ണര്.
Continue with Google