Click it and Unblock the Notifications
ഇന്ത്യന് ക്രിക്കറ്റ് കണ്ട്രോള് ബോര്ഡ് ജോയിന്റ് സെക്രട്ടറി അമിതാഭ് ചൗധരിയാണ് ധോണിയുടെ രാജിക്കു കാരണമെന്ന് വര്മ ചൂണ്ടിക്കാട്ടുന്നു. ചൗധരിയുടെ ഭാഗത്തു നിന്നുണ്ടായ സമ്മര്ദ്ദമാണ് ധോണി സ്ഥാനമൊഴിയാന് കാരണമെന്നും ഇയാള് പറഞ്ഞു.
ധോണിയുടെ ഭാവി പരിപാടികളെക്കുറിച്ച് അന്വേഷിക്കണമെന്നാവശ്യപ്പെട്ടു ജനുവരി നാലിന് ചൗധരി ബിസിസിഐ മുഖ്യ സെലക്റ്റര് എംഎസ്കെ പ്രസാദിനെ ടെലിഫോണില് വിളിച്ചത്രേ. നാഗ്പൂരില് നടന്ന രഞ്ജി ട്രോഫി സെമിയില് ജാര്ഖണ്ഡ് ഗുജറാത്തിനോട് തോറ്റ ദിവസം തന്നെയായിരുന്നു ഇത്. ജാര്ഖണ്ഡിന്റെ ഉപദേശകരില് ഒരാളായി ധോണി ഗ്രൗണ്ടില് തന്നെയുണ്ടായിരുന്നു.
ചീഫ് സെലക്റ്റര് പ്രസാദ് ഫോണിലൂടെ തന്റെ ഭാവി പരിപാടികളെക്കുറിച്ച് ചോദിച്ചത് ധോണിയെ അസ്വസ്ഥനാക്കിയെന്നും ഇതേ ദിവസം രാത്രി അദ്ദേഹം രാജിവയ്ക്കുകയായിരുവെന്നുമാണ് വര്മ ചൂണ്ടിക്കാട്ടുന്നത്.
ധോണിയും ജാര്ഖണ്ഡ് ക്രിക്കറ്റ് അസോസിയേഷന്റെ മുന് പ്രസിഡന്റ് കൂടിയായ ചൗധരിയും തമ്മില് അത്ര നല്ല ബന്ധമല്ല ഉണ്ടായിരുന്നത്. രഞ്ജി സെമിയില് കളിക്കാന് ചൗധരി ധോണിയെ നിര്ബന്ധിച്ചിരുന്നെങ്കിലും താരം ഇതു നിരസിക്കുകയായിരുന്നുവത്രെ. ജാര്ഖണ്ഡ് സെമിയില് തോറ്റതോടെ ചൗധരി ധോണിക്കെതിരേ ആഞ്ഞടിക്കുകയായിരുന്നു.
Continue with Google