Click it and Unblock the Notifications
എംഎസ് ധോണി (സിഎസ്കെ)
ചെന്നൈ സൂപ്പര് കിങ്സ് ക്യാപ്റ്റനും ഇതിഹാസ വിക്കറ്റ് കീപ്പറുമായ എംഎസ് ധോണിയാണ് വിക്കറ്റ് കീപ്പര്മാരിലെ കിങെന്നു പറയാം. 148 പുറത്താക്കലുകളാണ് ഐപിഎല്ലില് അദ്ദേഹത്തിന്റെ പേരിലുള്ളത്. ഇതില് 109 ക്യാച്ചുകളും 39 സ്റ്റംപിങുകളും ഉള്പ്പെടുന്നു. 2008ലെ പ്രഥമ സീസണ് മുതല് എല്ലാ സീസണുകളിലും സ്പെഷ്യലിസ്റ്റ് വിക്കറ്റ് കീപ്പറായിട്ടാണ് ധോണി കളിച്ചിട്ടുള്ളത്. രണ്ടു സീസണുകളൊഴികെ ശേഷിച്ച സീസുകളിലെല്ലാം അദ്ദേഹം സിഎസ്കെയോടൊപ്പമായിരുന്നു.
ദിനേഷ് കാര്ത്തിക് (കെകെആര്)
കൊല്ക്കത്ത നൈറ്റ്റൈഡേഴ്സ് വിക്കറ്റ് കീപ്പര് ദിനേഷ് കാര്ത്തികാണ് ധോണിക്കു പിന്നില് എലൈറ്റ് ലിസ്റ്റിലെ രണ്ടാമന്. 196 മല്സരങ്ങളില് കളിച്ചിട്ടുള്ള അദ്ദേഹം 140 പേരെ പുറത്താക്കിയിട്ടുണ്ട്. 110 ക്യാച്ചുകളും 30 സ്റ്റംപിങുകളും ഇതിലുള്പ്പെടുന്നു.
ടൂര്ണമെന്റില് ഏറ്റവുമധികം ക്യാച്ചുകളെടുത്ത വിക്കറ്റ് കീപ്പറെന്ന റെക്കോര്ഡിന് അവകാശി കൂടിയാണ് കാര്ത്തിക്. ക്യാച്ചില് ധോണിക്കു രണ്ടാംസ്ഥാനം മാത്രമേയുള്ളൂ. രണ്ടു ക്യാച്ചുകളുടെ വ്യത്യാസത്തിലാണ് കാര്ത്തിക് ഒന്നാമതുള്ളത്.
റോബിന് ഉത്തപ്പ (സിഎസ്കെ)
പുതിയ സീസണില് ചെന്നൈ സൂപ്പര് കിങ്സിനു വേണ്ടി കളിക്കാന് തയ്യാറെടുക്കുന്ന റോബിന് ഉത്തപ്പയ്ക്കാണ് മൂന്നാംസ്ഥാനം. ഐപിഎല്ലില് ഇപ്പോള് സ്ഥിരം വിക്കറ്റ് കീപ്പറല്ല അദ്ദേഹം. എന്നിട്ടും 189 മല്സരങ്ങളില് 90 പേരെ പുറത്താക്കാന് ഉത്തപ്പയ്ക്കായിട്ടുണ്ട്. 58 ക്യാച്ചുകളും 32 സ്റ്റംപിങുകളും ഇതില്പ്പെടുന്നു.
ഐപിഎല്ലില് ഏറ്റവുമധികം സ്റ്റംപിങുകള് നടത്തിയിട്ടുള്ള രണ്ടാമത്തെ വിക്കറ്റ് കീപ്പര് കൂടിയാണ് അദ്ദേഹം. പുതിയ സീസണില് സിഎസ്കെയില് ഉത്തപ്പയ്ക്കു വിക്കറ്റ് കാക്കാനുള്ള അവസരം ലഭിക്കില്ല.
പാര്ഥീവ് പട്ടേല്
ഐപിഎല്ലുള്പ്പെടെ ക്രിക്കറ്റിന്റെ എല്ലാ ഫോര്മാറ്റുകളില് നിന്നും കഴിഞ്ഞ വര്ഷം വിരമിച്ച പാര്ഥീവ് പട്ടേലാണ് എലൈറ്റ് ലിസ്റ്റില് നാലാംസ്ഥാനത്തുള്ളത്. കഴിഞ്ഞ സീസണില് റോയല് ചാലഞ്ചേഴ്സ് ടീമിന്റെ ഭാഗമായിരുന്ന പാര്ഥീവിന് പക്ഷെ ഒരു മല്സരത്തില്പ്പോലും കളിക്കാന് അവസരം ലഭിച്ചില്ല. ടൂര്ണമെന്റിന്റെ ചരിത്രത്തില് ആറു വ്യത്യസ്ത ടീമുകള്ക്കായി പാര്ഥീവ് കളിച്ചിട്ടുണ്ട്. 139 മല്സരങ്ങളില് 81 പേരെയാണ് അദ്ദേഹം പുറത്താക്കിയത്. 65 ക്യാച്ചുകളും 16 സ്റ്റംപിങുകളുമടക്കമാണിത്.
വൃധിമാന് സാഹ (എസ്ആര്എച്ച്)
സണ്റൈസേഴ്സ് ഹൈദരാബാദിന്റെ വൃധിമാന് സാഹയ്ക്കാണ് അഞ്ചാംസ്ഥാനം. അന്താരാഷ്ട്ര ക്രിക്കറ്റിലെ തന്നെ ഏറ്റവും മികച്ച വിക്കറ്റ് കീപ്പര്മാരില് ഒരാളായാണ് താരം ചൂണ്ടിക്കാണിക്കപ്പെടുന്നത്. 126 മല്സരങ്ങളില് നിന്നും 56 ക്യാച്ചുകളും 20 സ്റ്റംപിങുകളുമടക്കം ഐപിഎല്ലില് 76 പേരെ സാഹ പുറത്താക്കിയിട്ടുണ്ട്. കഴിഞ്ഞ സീസണില് ബാറ്റിങില് ചില ഇടിവെട്ട് പ്രകടനങ്ങള് അദ്ദേഹം കാഴ്ചവച്ചിരുന്നു.
Continue with Google