Click it and Unblock the Notifications
ഫോം വീണ്ടെടുത്ത് ധോണി
സ്ഥിരതയാര്ന്ന ബാറ്റിങ്ങാണ് ധോണിയുടെ കുതിപ്പിനിടയാക്കിയത്. ഓസ്ട്രേലിയയ്ക്കെതിരായ മൂന്ന് മത്സര പരമ്പരയില് ധോണി 51, 55, 87 എന്നിങ്ങനെ സ്കോര് ചെയ്തിരുന്നു. പിന്നീട് ന്യൂസിലന്ഡിലെത്തിയപ്പോള് വെടിക്കെട്ട് ബാറ്റിങ്ങിലൂടെ 48 റണ്സടിക്കാനും ധോണിക്ക് കഴിഞ്ഞു. ലോകകപ്പിന് മുന്പ് മുന് ക്യാപ്റ്റന് ഫോം വീണ്ടെടുത്തത് ടീം മാനേജ്മെന്റിനും ആശ്വാസമായി.
ബൗളര്മാര്ക്കും മുന്നേറ്റം
ബൗളര്മാരില് യുസ്വേന്ദ്ര ചാഹലും ഭുവനേശ്വര് കുമാറുമാണ് നേട്ടമുണ്ടാക്കിയ ഇന്ത്യന് താരങ്ങള്. ചാഹല് ഒരു സ്ഥാനം മെച്ചപ്പെടുത്തി അഞ്ചാം റാങ്കിലെത്തി. ഭുവനേശ്വര് 7 സ്ഥാനങ്ങള് മുന്നോട്ട് കയറി 17-ാം റാങ്കിലാണ്. അതേസമയം, കുല്ദീപ് യാദവ് ഒരു സ്ഥാനം താഴോട്ടിറങ്ങി നാലാമതായി. ന്യൂസിലന്ഡ് താരം ട്രെന്റ് ബോള്ട്ട് മൂന്നാം റാങ്കിലേക്കും കയറി.
ടീം ഇനത്തില് ഇന്ത്യ
ടീമുകളില് ഇന്ത്യ 122 പോയന്റുമായി രണ്ടാം സ്ഥാനം നിലനിര്ത്തിയിട്ടുണ്ട്. 126 പോയന്റുമായി ഇംഗ്ലണ്ടാണ് ഒന്നാം റാങ്കില്. 111 പോയന്റുമായി സൗത്ത് ആഫ്രിക്ക മൂന്നാം സ്ഥാനത്തും അത്രതന്നെ പോയന്റുമായി ന്യൂസിലന്ഡ് നാലാം സ്ഥാനത്തുമുണ്ട്. പാക്കിസ്ഥാനും ഓസ്ട്രേലിയയുമാണ് അഞ്ചും ആറും റാങ്കിലുള്ളത്. ഓസ്ട്രേലിയയ്ക്കെതിരെ നടക്കാനിരിക്കുന്ന പരമ്പര തൂത്തുവാരിയാല് ലോകകപ്പിന് മുന്പ് ഒന്നാം റാങ്കിലെത്താനുള്ള അവസരം ഇന്ത്യയ്ക്കുണ്ട്.
Continue with Google