Click it and Unblock the Notifications
തന്നേക്കാള് അനുഭവസമ്പത്തുള്ള, വലിയ ആരാധകവൃന്ദമുള്ള താരങ്ങളെ പല ക്യാപ്റ്റന്മാരും ദേശീയ ടീമില് നിന്നും മാറ്റി നിര്ത്തുന്നത് നേരത്തേ കണ്ടു കഴിഞ്ഞതാണ്. ടീമില് തന്റെ പൂര്ണ നിയന്ത്രണം കൊണ്ടു വരുന്നതിനു വേണ്ടി ക്യാപ്റ്റന്മാര് ഇവരെ ഒഴിവാക്കുകയാണ് ചെയ്യാറുള്ളത്.
എന്നാല് ഇവരില് നിന്നും തികച്ചും വ്യത്യസ്തനാണ് കോലി. ധോണി ദേശീയ ടീമില് എല്ലായ്പ്പോഴും തനിക്കൊപ്പം വേണമെന്ന് കോലി ആഗ്രഹിക്കുന്നു. ധോണിയുടെ മല്സരപരിചയസം ഇന്ത്യക്കു ഗുണം ചെയ്യുമെന്നും കോലി വിശ്വസിക്കുന്നതായി ഹസ്സി പറഞ്ഞു. സ്വന്തം ബാറ്റിങ് മാത്രമല്ല ക്യാപ്റ്റന്സിയും എല്ലായ്പ്പോഴും മെച്ചപ്പെടുത്താന് ശ്രമിക്കുന്ന താരമാണ് കോലി. ഇതിനായി ധോണിയേക്കാള് മികച്ചൊരു ഉപദേശകനെ തനിക്കു ഇനി ലഭിക്കാനില്ലെന്നും അദ്ദേഹം വിശ്വസിക്കുന്നു.
ധോണിയുമായി ഇത്രയും നല്ലൊരു ബന്ധമുണ്ടാക്കിയെടുത്തതിനും അത് ഇപ്പോഴും പഴയതു പോലെ തന്നെ മുന്നോട്ട് കൊണ്ടുപോവുന്നതിനും കോലി പ്രത്യേകം അഭിനന്ദനം അര്ഹിക്കുന്നതായി ഹസ്സി സോണ് ടെന്നിന്റെ പിറ്റ് സ്റ്റോപ്പെന്ന ചാറ്റ് ഷോയില് പറഞ്ഞു.
ഇന്ത്യയുടെ ഏറ്റവും മികച്ച ക്യാപ്റ്റനെന്നു തെളിയിച്ച ധോണി ദേശീയ ടീമില് ഇപ്പോഴും തുടരാന് കാരണം കോലിയെന്ന നായകനാണ്. ചില സമയങ്ങളില് ഇതുപോലെയുള്ള താരങ്ങളുടെ സാന്നിധ്യം ക്യാപ്റ്റന്മാരെ ഭയപ്പെടുത്തും. എന്നാല് ഇവിടെയാണ് കോലിയെ നമ്മള് അഭിനന്ദിക്കേണ്ടത്.
ധോണി തനിക്കൊപ്പം ടീമില് വേണമെന്ന് പറയാനുള്ള വ്യക്തിത്വം കോലി കാണിച്ചു. തനിക്ക് അദ്ദേഹത്തില് നിന്നും കൂടുതല് പഠിക്കാന് കഴിയുമെന്നും കൂടുതല് മെച്ചപ്പെട്ട ക്യാപ്റ്റനാക്കാന് ധോണി തന്നെ സഹായിക്കുമെന്നും കോലി പറയുന്നതായി ഹസ്സി വിശദമാക്കി.
2017ലാണ് ധോണി ഇന്ത്യയുടെ ഏകദിന, ടി20 ടീമുകളുടെ നായകസ്ഥാനമൊഴിഞ്ഞത്. ഇതോടെ കോലി മൂന്നു ഫോര്മാറ്റിലും ക്യാപ്റ്റനായി നിയോഗിക്കപ്പെടുകയായിരുന്നു. ടെസ്റ്റില് ധോണി വിരമിച്ചതിനെ തുടര്ന്ന് നേരത്തേ തന്നെ അദ്ദേഹം നായകനായിരുന്നു.
2017ലെ ഐസിസി ചാംപ്യന്സ് ട്രോഫി, 2019ലെ ഐസിസി ഏകദിന ലോകകപ്പ് തുടങ്ങിയ വലിയ ടൂര്ണമെന്റുകളില് കോലിക്കു ഇന്ത്യയെ നയിക്കാന് സാധിച്ചു. ചാംപ്യന്സ് ട്രോഫിയില് ഇന്ത്യ റണ്ണറപ്പായപ്പോള് ലോകകപ്പില് സെമി ഫൈനലില് തോല്ക്കുകയായിരുന്നു.
Continue with Google