ധോണിക്ക് കുറച്ചുകൂടെ ബഹുമാനം നല്‍കണം: ഗാംഗുലി

ധോണി പറഞ്ഞത് ആവേശത്തിന്റെ പുറത്ത്

ഏകദിന ക്യാപ്റ്റന്‍ സ്ഥാനത്ത് നിന്നും തന്നെ വേണമെങ്കില്‍ മാറ്റിക്കോളൂ എന്നാണ് ധോണി പറഞ്ഞത്. എന്നാല്‍ തോല്‍വിക്ക് പിന്നാലെയുണ്ടായ മാനസിക വിക്ഷോഭം കൊണ്ടാണ് ധോണി ഇങ്ങനെ പറഞ്ഞതെന്നാണ് ഗാംഗുലി കരുതുന്നത്. ഇപ്പോള്‍ ധോണിയെ നമ്മള്‍ കൈവിടരുത്. അയാളെ ബഹുമാനിക്കുകയാണ് വേണ്ടത്.

ധോണിക്കിനിയും ചെയ്യാനാകും

ഇന്ത്യന്‍ ക്രിക്കറ്റിന് ഇനിയും ഒരുപാട് സംഭാവനകള്‍ നല്‍കാന്‍ ധോണിക്ക് കഴിയും എന്നാണ് മറ്റൊരു മുന്‍ ക്യാപ്റ്റനായ സുനില്‍ ഗാവസ്‌കര്‍ പറയുന്നത്. ധോണി ഇന്ത്യയുടെ ഏറ്റവും മികച്ച ക്യാപ്റ്റനാണ്. എല്ലാ നേട്ടങ്ങളും ധോണി കൈവരിച്ചു. ധോണിയെ ബഹുമാനിക്കണം എന്ന കാര്യത്തില്‍ ഗാവസ്‌കറിനുമില്ല രണ്ടഭിപ്രായം.

സെമിഫൈനലില്‍ എത്തിച്ചില്ലേ

ഇന്ത്യയെ ഇക്കഴിഞ്ഞ ലോകകപ്പ് സെമിയില്‍ എത്തിച്ച ക്യാപ്റ്റനാണ് ധോണി എന്നാണ് ദിലീപ് വെംഗ്‌സര്‍ക്കാര്‍ പറയുന്നത്. ലോകകപ്പിന് ശേഷമുള്ള ആദ്യ പരമ്പരയാണിത്. ഇപ്പോള്‍ ധോണിയെ മാറ്റാറായിട്ടില്ല എന്നും കേണല്‍ പറഞ്ഞു.

ധോണിയെ മാത്രം കുറ്റപ്പെടുത്തരുത്

ബംഗ്ലാദേശിനെതിരായ തോല്‍വിയില്‍ ധോണിയെ മാത്രം കുറ്റപ്പെടുത്തുന്നതില്‍ കാര്യമില്ല എന്നാണ് മറ്റൊരു മുന്‍ ക്യാപ്റ്റനായ ബിഷന്‍ സിംഗ് ബേദിയുടെ അഭിപ്രായം. ധോണി ഇപ്പോള്‍ ക്യാപ്റ്റന്‍ കൂള്‍ അല്ലെന്നും യോഗ ശീലിക്കുന്നത് നല്ലതാണെന്നും ബേദി കളിയായി പറഞ്ഞു.

ഇത്രയ്ക്കങ്ങ് രൂക്ഷമാകല്ലേ

ബംഗ്ലാദേശിനോട് തോറ്റു എന്നത് കൊണ്ടുമാത്രം ധോണിയോട് ഇത്ര രൂക്ഷമായി പ്രതികരിക്കേണ്ട കാര്യമില്ല എന്നാണ് മുന്‍ വിക്കറ്റ് കീപ്പറായ സയീദ് കിര്‍മാനിയുടെ അഭിപ്രായം.