റണ്‍വേട്ടയില്‍ കോലി മുന്നില്‍, പിന്നിലായത് യുവരാജ് സിംഗ്

റെക്കോര്‍ഡ് കോലിയുടെ കയ്യില്‍

26 ഇന്നിംഗ്‌സുകളില്‍ നിന്നും 972 റണ്‍സാണ് കോലിയുടെ സമ്പാദ്യം. ബര്‍മിംഗ്ഹാമില്‍ 41 പന്തില്‍ 66 റണ്‍സാണ് കോലി ഇംഗ്ലണ്ടിതെിരെ അടിച്ചത്.

പിന്നിലായത് യുവി

ഇന്ത്യയുടെ ലോകകപ്പ് ഹീറോ യുവരാജ് സിംഗാണ് കോലിയുടെ പിന്നിലായിപ്പോയത്. ബ്രോഡിനെ ഒരോവറില്‍ ആറ് സിക്‌സറിന് പറത്തിയതടക്കം 37 ഇന്നിംഗ്‌സുകളിലായി 968 റണ്‍സെടുത്തിട്ടുണ്ട് യുവി.

റെയ്‌ന തൊട്ടുപിന്നിലുണ്ട്

38 ഇന്നിംഗ്‌സുകളില്‍ നിന്നും 947 റണ്‍സുമായി സുരേഷ് റെയ്‌ന കോലിക്കും യുവരാജിനും പിന്നിലുണ്ട്. മികച്ച ഫോമിലുമാണ് റെയ്‌ന.

ഗംഭീറിന്റെ കാര്യം ഉറപ്പില്ല

932 റണ്‍സാണ് ഗംഭീറിന്റെ അക്കൗണ്ടിലുള്ളത്. മികച്ച ഒരു ഇന്നിംഗ്‌സ് മതി റെക്കോര്‍ഡിലെത്താന്‍. എന്നാല്‍ ടീമില്‍ സ്ഥിരമല്ലാത്തതിനാല്‍ ഗംഭീര്‍ റെക്കോര്‍ഡിലെത്തുന്ന കാര്യം സംശയമാണ്.

ധോണി സമയമെടുക്കും

45 ഇന്നിംഗ്‌സുകള്‍ കളിക്കേണ്ടി വന്നു ധോണിക്ക് 849 റണ്‍സെടുക്കാന്‍, മിക്കപ്പോഴും ആറാമതാണ് ക്രിസീലെത്തുന്നത് എന്ന് തന്നെ കാരണം. ഇതുവരെ ഒരു ഫിഫ്റ്റി പോലും ധോണിയുടെ പേരിലില്ല.