ഐപിഎല്ലിലെ മിന്നുന്ന പ്രകടനം... പിന്നില്‍ കോലി!! തുണയായത് താരം നല്‍കിയ സമ്മാനമെന്ന് റായുഡു

കോലി നല്‍കിയ ബാറ്റ്

റോയല്‍ ചാലഞ്ചേഴ്‌സ് ബാംഗ്ലൂര്‍ ക്യാപ്റ്റനും ഇന്ത്യന്‍ നായകനുമായ വിരാട് കോലി നല്‍കിയ ബാറ്റാണ് തന്റെ ഫോമിനു പിന്നിലെന്ന് റായുഡു പറഞ്ഞു.
ക്വിക്ക് ഹീല്‍ ഭാജി ബ്ലാസ്റ്റ് എന്ന ചെന്നൈയിലെ ടീമംഗം കൂടിയായ ഹര്‍ഭജന്‍ സിങിന്റെ യൂട്യുബ് ടോക്ക് ഷോയിലാണ് റായുഡു തന്റെ ഫോമിന്റെ കാരണത്തെക്കുറിച്ച് വെളിപ്പെടുത്തിയത്.

ബാറ്റ് വാങ്ങിക്കും

ഓരോ വര്‍ഷവും താന്‍ കോലിയുടെ പക്കല്‍ നിന്നും ബാറ്റ് ചോദിച്ചു വാങ്ങിക്കാറുണ്ടെന്നും താന്‍ എന്തിനാണ് ഇങ്ങനെ ചെയ്തിരുന്നതെന്ന് അദ്ദേഹത്തിന് ഇപ്പോള്‍ മനസ്സിലായിട്ടുണ്ടാവാമെന്നും റായുഡു ടോക്ക് ഷോയില്‍ പറഞ്ഞു.
ഇത്തവണ ചീത്ത പറഞ്ഞു കൊണ്ടാണ് കോലി തനിക്കു ബാറ്റ് നല്‍കിയതെന്നും റായുഡു തമാശയായി കൂട്ടിച്ചേര്‍ത്തു.

ക്രിക്കറ്റില്‍ താല്‍പ്പര്യമില്ലായിരുന്നു

നേരത്തേ ക്രിക്കറ്റില്‍ തനിക്ക് അത്ര താല്‍പ്പര്യമില്ലായിരുന്നുവെന്നു റായുഡു വെളിപ്പടുത്തി. പഠനത്തിലായിരുന്നു കൂടുതല്‍ ശ്രദ്ധ കേന്ദ്രീകരിച്ചിരുന്നത്. എന്നാല്‍ പിതാവാണ് തന്നെ ക്രിക്കറ്റിലേക്കു കൊണ്ടുവന്നത്. ക്രിക്കറ്റ് ക്യാംപില്‍ തന്നെ കൊണ്ടുപോയി ചേര്‍ത്തതും അച്ഛനാണെന്നും അദ്ദേഹം കൂട്ടിച്ചേര്‍ത്തു.

ഒരു മൊബൈല്‍ പോലുമില്ല

സ്വന്തമായി ഒരു മൊബൈല്‍ ഫോണ്‍ പോലും ഉപയോഗിക്കാത്ത വ്യക്തിയാണ് റായുഡുവെന്ന് ഭാജി ഷോയില്‍ പറഞ്ഞു. ഇതേക്കുറിച്ച് ചോദിച്ചപ്പോള്‍ റായുഡുവിന്റെ പ്രതികരണം ഇങ്ങനെയായിരുന്നു.
എന്തെങ്കിലുമൊരു കാര്യത്തെക്കുറിച്ച് ചിന്തിച്ചു കൊണ്ടിരിക്കെ ഒരു ഫോണ്‍ കോള്‍ വന്നാല്‍ അതില്‍ നിന്നും ശ്രദ്ധ മാറിപ്പോവും. അതുകൊണ്ടാണ് മൊബൈല്‍ ഫോണ്‍ ഉപയോഗിക്കാതിരിക്കുന്നതെന്നു റായുഡു പറഞ്ഞു.

IPL 2018 | ഏറ്റവും മികച്ച പ്രകടനങ്ങൾ നടത്തിയവർ | OneIndia Malayalam

ആദ്യത്തെ ആരാധന ലക്ഷ്മണിനോട്

വിവിഎസ് ലക്ഷ്മണായിരുന്നു ക്രിക്കറ്റിലേക്ക് ചുവട് വയ്ക്കുമ്പോള്‍ തന്റെ ആരാധനാ പാത്രമെന്നു റായുഡു പറഞ്ഞു. ഐപിഎല്ലില്‍ മുംബൈ ഇന്ത്യന്‍സിനൊപ്പം ചേര്‍ന്നപ്പോല്‍ ഇതിഹാസങ്ങളായ സച്ചിന്‍ ടെണ്ടുല്‍ക്കര്‍, റിക്കി പോണ്ടിങ് എന്നിവരില്‍ നിന്നും പല കാര്യങ്ങളും പഠിക്കാന്‍ സാധിച്ചു.
ഇത്രയേറെ ഉയരങ്ങളിലെത്തിയിട്ടും സ്ച്ചിന്റെ വിനയമാണ് തന്നെ ഏറെ ആകര്‍ഷിച്ചതെന്നു റായുഡു പറയുന്നു. മാത്രമല്ല ഇപ്പോഴും കൂടുതല്‍ കാര്യങ്ങള്‍ പഠിക്കാന്‍ അദ്ദേഹം ശ്രമിച്ചുകൊണ്ടിരിക്കുകയാണെന്നും റായുഡു കൂട്ടിച്ചേര്‍ത്തു.