കരുണ്‍ നായര്‍ ഒന്നാമന്‍, സാക്ഷാല്‍ സച്ചിന്‍ തെണ്ടുല്‍ക്കര്‍ പത്താമന്‍.. ഏതാണീ അപൂര്‍വ്വ റെക്കോര്‍ഡ്?

കരുണ്‍ എന്ന ടോപ് സ്‌കോറര്‍

ടെസ്റ്റ് ക്രിക്കറ്റില്‍ ഇംഗ്ലണ്ടിനെതിരെ ഇന്ത്യന്‍ ബാറ്റ്‌സ്മാന്റെ ഏറ്റവും ഉയര്‍ന്ന വ്യക്തിഗത സ്‌കോര്‍ എന്ന റെക്കോര്‍ഡാണ് കരുണ്‍ സ്വന്തം പേരിലാക്കിയത്. 236 റണ്‍സിലെത്തിയപ്പോഴാണ് കരുണ്‍ വിരാട് കോലിയില്‍ നിന്നും ഈ റെക്കോര്‍ഡ് സ്വന്തമാക്കിയത്.

വിരാട് കോലി പിന്നാലെ

ഇംഗ്ലണ്ടിനെതിരെ ഇന്ത്യന്‍ ബാറ്റ്‌സ്മാന്റെ ഉയര്‍ന്ന വ്യക്തിഗത സ്‌കോര്‍ നോക്കിയാല്‍ ടെസ്റ്റ് ക്യാപ്റ്റന്‍ വിരാട് കോലി രണ്ടാമതുണ്ട്. 235 റണ്‍സ്. വിരാട് കോലി ഈ നേട്ടം കൈവരിച്ചതും ഈ പരമ്പരയില്‍ തന്നെ.

നഷ്ടം വന്നത് കാംബ്ലിക്ക്

1993 മുതല്‍ വിനോദ് കാംബ്ലി കൈവശം വെച്ചിരുന്ന റെക്കോര്‍ഡാണ് ഈ പരമ്പരയില്‍ രണ്ട് വട്ടം തിരുത്തപ്പെട്ടത്. ഇരുപത്തിമൂന്ന് വര്‍ഷം മുമ്പ് മുംബൈയിലായിരുന്നു സ്റ്റാര്‍ ബാറ്റ്‌സ്മാന്‍ വിനോദ് കാംബ്ലിയുടെ 224 റണ്‍സ്.

ഇവരും കൂടിയുണ്ടേ

ഗുണ്ടപ്പ വിശ്വനാഥ് (222), സുനില്‍ ഗാവസ്‌കര്‍ (221), രാഹുല്‍ ദ്രാവിഡ് (217), ചേതേശ്വര്‍ പൂജാര (206) എന്നിവരാണ് ഇന്ത്യയുടെ മറ്റ് ഇരട്ടസെഞ്ചുറിക്കാര്‍. കെ എല്‍ രാഹുല്‍ ചെന്നൈ ടെസ്റ്റില്‍ 199 റണ്‍സെടുത്ത് പുറത്തായി.

പത്താമന്‍ സച്ചിന്‍

ടെസ്റ്റ് ക്രിക്കറ്റില്‍ ഇംഗ്ലണ്ടിനെതിരെ ഇന്ത്യന്‍ ബാറ്റ്‌സ്മാന്റെ ഉയര്‍ന്ന സ്‌കോറിന്റെ പട്ടികയില്‍ പത്താമനാണ് സച്ചിന്‍. 193 റണ്‍സാണ് സച്ചിന്‍ ഇംഗ്ലണ്ടിനെതിരെ നേടിയ ബെസ്റ്റ്. 2002ല്‍ ലീഡ്‌സിലായിരുന്നു സച്ചിന്റെ ഈ ഇന്നിംഗ്‌സ്.