ധോണിയുടെ വിലയറിയാന്‍ ഐപിഎല്‍ വേണ്ട! ലോകകപ്പില്‍ ഇന്ത്യക്കു വേണം... കട്ട സപ്പോര്‍ട്ടുമായി കൈഫ്

ഐപിഎല്‍ നടന്നാലും ഇല്ലെങ്കിലും ധോണി ടി20 ലോകകപ്പില്‍ ഇന്ത്യക്കു വേണ്ടി കളിക്കണമെന്നാണ് തന്റെ അഭിപ്രായമെന്നു കൈഫ് വ്യക്തമാക്കി. ധോണിയില്‍ ഇനിയുമേറെ ക്രിക്കറ്റ് ബാക്കിയുണ്ട്. ഇപ്പോള്‍ അദ്ദേഹത്തെ എഴുതിത്തള്ളുന്നത് അനീതിയാണെന്നും കൈഫ് ചൂണ്ടിക്കാട്ടി.
ധോണിയുടെ വിലയിരുത്തേണ്ടത് ഐപിഎല്ലിന്റെ അടിസ്ഥാനത്തിലാണ്. തന്റെ മികവ് നേരത്തേ തന്ന പല തവണ അദ്ദേഹം തെളിയിച്ചു കഴിഞ്ഞതായും കൈഫ് അഭിപ്രായപ്പെട്ടു.

പല ആളുകളും ഐപിഎല്ലില്‍ ധോണിയുടെ പ്രകടനത്തിനു വേണ്ടിയാണ് കാത്തിരിക്കുന്നത്. സിഎസ്‌കെയ്ക്കു വേണ്ടി അദ്ദേഹം എങ്ങനെയാണ് പെര്‍ഫോം ചെയ്യുന്നതെന്ന് അവര്‍ക്കറിയണം. അതിനു ശേഷം ടി20 ലോകകപ്പില്‍ വേണോ, വേണ്ടയോ എന്ന് തീരുമാനിക്കാമെന്നും അവര്‍ ചൂണ്ടിക്കാട്ടുന്നു.
പക്ഷെ താന്‍ അവരുടെ അഭിപ്രായത്തോടു യോജിക്കുന്നില്ല. ഐപിഎല്ലിലെ ഫോമിന്റെ അടിസ്ഥാനത്തില്‍ ആയിരിക്കില്ല ധോണിയെ താന്‍ വിലയിരുത്തുന്നത്. മഹാനായ ബാറ്റ്‌സ്മാനാണ് അദ്ദേഹം. ഇപ്പോള്‍ പൂര്‍ണ ഫിറ്റുമാണ്. ഐപിഎല്ലില്‍ കളിക്കാനും ടീമിനെ നയിക്കാനും താന്‍ ഇന്ത്യക്കായി ഇനിയും ഇറങ്ങാനും തയ്യാറാണെന്ന് കാണിക്കാന്‍ ധോണി ആഗ്രഹിക്കുന്നു. സമ്മര്‍ദ്ദഘട്ടത്തില്‍ എങ്ങനെ മല്‍സരം ജയിക്കാമെന്ന് ധോണിക്കറിയാമെന്നും വിജയതൃഷ്ണ അദ്ദേഹത്തിന് ഇപ്പോഴുമുണ്ടെന്നും കൈഫ് വിശദമാക്കി.

ധോണിക്കു അന്താരാഷ്ട്ര ക്രിക്കറ്റിലേക്കു ഇനിയൊരു തിരിച്ചുവരവുണ്ടാവില്ലെന്നു എഴുതിത്തള്ളുന്നത് അനീതിയാണ്. ധോണിയില്‍ ക്രിക്കറ്റ് ഇനിയുമേറെ ശേഷിക്കുന്നുണ്ട്. ഇത്രയും കാലം കളിക്കുമ്പോള്‍ കരിയറില്‍ സ്വാഭാവികമായും ഉയര്‍ച്ചകളും താഴ്ചകളുമുണ്ടാവും. ധോണിക്കു മാത്രമല്ല ഏതൊരു ക്രിക്കറ്റ് താരത്തിനും സംഭവിക്കുന്ന കാര്യമാണ് ഇതെന്നും കൈഫ് വ്യക്തമാക്കി.