മൂന്ന് ഇന്നിങ്സുകളില് നിന്ന് 18 റണ്സ്
ഈ സീസണില് ഇതുവരെ മൂന്നു ഇന്നിങ്സുകളില് നിന്നും വെറും 18 റണ്സാണ് കോലിയുടെ സമ്പാദ്യം. സണ്റൈസേഴ്സ് ഹൈദരാബാദ്, കിങ്സ് ഇലവന് പഞ്ചാബ്, മുംബൈ ഇന്ത്യന്സ് എന്നിവര്ക്കെതിരായ മൂന്നു മല്സരങ്ങളില് 14, 1, 3 എന്നിങ്ങനെയായിരുന്നു കോലിയുടെ സ്കോറുകള്. അദ്ദേഹത്തിന്റെ ശരാശരി വെറും ആറാണെങ്കില് സ്ട്രൈക്ക് റേറ്റ് 62.07 ആണ്.
2008ലെ പ്രഥമ ഐപിഎല് മുതല് ഇതുവരെ നടന്ന 12 സീസണുകളിലെ ആദ്യത്തെ മൂന്നു മല്സരങ്ങള് നേക്കിയാല് ഇത്രയും ദയനീയ പ്രകടനം മുമ്പൊരിക്കലും അദ്ദേഹം നടത്തിയിട്ടില്ലെന്നു കാണാം.
പ്രഥമ സീസണിനെ കടത്തിവെട്ടി
2008ലെ പ്രഥമ സീസണിലെ പ്രകടനത്തെയാണ് കോലി ഇത്തവണ കടത്തിവെട്ടിയിരിക്കുന്നത്. അന്നു മൂന്നു ഇന്നിങ്സുകളില് നിന്നും 37 റണ്സ് മാത്രമായിരുന്നു ആര്സിബി ക്യാപ്റ്റന്റെ സമ്പാദ്യം. 12.33 ആയിരുന്നു അന്നു അദ്ദേഹത്തിന്റെ ബാറ്റിങ് ശരാശരി. സ്ട്രൈക്ക് റേറ്റാവട്ടെ 112.12ഉം ആയിരുന്നു.
അന്നു മൂന്നു ബൗണ്ടറികളും രണ്ടു സിക്സറും മൂന്നു ഇന്നിങ്സുകളില് നിന്നും കോലി നേടിയപ്പോള് ഇത്തവണ ഒരു ബൗണ്ടറിയോ സിക്സറോ പോലും അദ്ദേഹത്തിനു നേടുമായിട്ടില്ല.
കഴിഞ്ഞ സീസണിലും കോലിയുടെ തുടക്കം മോശമായിരുന്നു. മൂന്ന് ഇന്നിങ്സുകളില് നിന്നും 18.33 ശരാശരിയില് 55 റണ്സാണ് അദ്ദേഹം നേടിയത്. 2009ലെ സീസണില് മൂന്ന് ഇന്നിങ്സുകളില് 63ഉം 2010ല് രണ്ട് ഇന്നിങ്സുകളില് 18ഉം 2012ല് മൂന്ന് ഇന്നിങ്സുകളില് നിന്നും 71ഉം റണ്സ് നേടിയതായിരുന്നു കോലിയുടെ മുമ്പത്തെ മോശം പ്രകടനങ്ങള്.
ഈ സീസണിലെ പ്രകടനം
ഹൈദരാബാദിനെതിരേയായിരുന്നു കോലി ഈ സീസണില് ആദ്യം ബാറ്റേന്തിയത്. അന്നു റാഷിദ് ഖാന്റെ ലെഗ് സ്പിന് അദ്ദേഹത്തെ വലച്ചിരുന്നു. ഇടംകൈയന് പേസര് ടി നടരാജനായിരുന്നു കോലിയെ മടക്കിയത്.
പഞ്ചാബിനെതിരായ രണ്ടാമത്തെ കളിയില് ആദ്യം ഫീല്ഡിങിലും പിന്നെ ബാറ്റിങിലും അദ്ദേഹം ഫ്ളോപ്പായി. പഞ്ചാബ് ക്യാപ്റ്റന് കെഎല് രാഹുലിന്റെ രണ്ട് അനായാസ ക്യാച്ചുകള് പാഴാക്കിയ കോലി ബാറ്റിങില് ഒരു റണ്ണിനു പുറത്താവുകയും ചെയ്തു. ഷെല്ഡണ് കോട്രെലിനായിരുന്നു വിക്കറ്റ്.
മുംബൈയ്ക്കെതിരേയായിരുന്നു സീസണില് കോലിയുടെ മുന്നാമത്തെ മല്സരം. ലെഗ് സ്പിന്നര് രാഹുല് ചഹറിന്റെ ബൗളിങില് അദ്ദേഹത്തെ കവേഴ്സില് സിംപിള് ക്യാച്ചിലൂടെ രോഹിത് ശര്മ പിടികൂടുകയായിരുന്നു.