IPL 2027: ആര്‍സിബി ഇനി ആദിത്യ ബിര്‍ള ഗ്രൂപ്പിന് സ്വന്തം, കൈമാറ്റം പൂര്‍ത്തിയായി, തുകയറിയാം

ഇന്ത്യൻ പ്രീമിയർ ലീഗിന്റെ ചരിത്രത്തിലെ സമാനതകളില്ലാത്ത വമ്പൻ ഉടമസ്ഥാവകാശ മാറ്റത്തിന് ഔദ്യോഗികമായി വഴിതുറന്നിരിക്കുകയാണ്. നിലവിലെ ജേതാക്കളായ റോയൽ ചലഞ്ചേഴ്സ് ബെംഗളൂരുവിനെ (ആർസിബി) പ്രമുഖ വ്യവസായ ഗ്രൂപ്പായ ആദിത്യ ബിർളയുടെ നേതൃത്വത്തിലുള്ള കൺസോർഷ്യം സ്വന്തമാക്കുന്നതിന് കോംപറ്റീഷൻ കമ്മീഷൻ ഓഫ് ഇനിഷ്യറ്റീവ് (സിസിഐ) പ്രവർത്തനാനുമതി നൽകി.

16,660 കോടി രൂപയെന്ന റെക്കോഡ് തുകയ്ക്കാണിത്. ആഗോള മദ്യവിൽപ്പന കമ്പനിയായ ഡിയാജിയോയുടെ കീഴിലുള്ള യുണൈറ്റഡ് സ്പിരിറ്റ്സ് ലിമിറ്റഡിൽ (യുഎസ്എൽ) നിന്നാണ് ആർസിബിയുടെ 100 ശതമാനം ഓഹരികളും പുതിയ അന്താരാഷ്ട്ര നിക്ഷേപക സഖ്യം സ്വന്തമാക്കുന്നത്.

IND vs ENG: വൈഭവെത്തും, സഞ്ജുവിന് ന്യൂ റോള്‍! ഇംഗ്ലണ്ടിനെ വീഴ്ത്താന്‍ ഈ ടീം ഇറക്കൂ, ബെസ്റ്റ് 11

പൂർണമായും പണമിടപാടിലൂടെയുള്ള കരാറിലൂടെ ബെംഗളൂരു ആസ്ഥാനമായുള്ള പുരുഷന്മാരുടെ ഐപിഎൽ ടീമും വനിതകളുടെ ഡബ്ല്യുപിഎൽ (WPL) ടീമും ഇനി പുതിയ ഉടമകളുടെ നിയന്ത്രണത്തിലായി മാറും.

ബിഗ് ബനിയൻ ഹോൾഡിംഗ്സ്, ബോൾട്ട് ഐപിഎൽ ഹോൾഡിംഗ്സ്, ടൈംസ് ഇന്റർനെറ്റ്, ടൈംസ് ക്രിക്കറ്റ്, ഐസിക്യു ഓപ്പർച്യുണിറ്റീസ്, ഏഷ്യ ഇൻവെസ്റ്റ്മെന്റ് ടോപ്കോ II എന്നീ ആഭ്യന്തര-അന്താരാഷ്ട്ര ഭീമന്മാർ പരസ്പരം ചേർന്നുള്ള സഖ്യമാണ് റോയൽ ചലഞ്ചേഴ്സ് സ്പോർട്സ് പ്രൈവറ്റ് ലിമിറ്റഡ് പൂർണ്ണമായും ഏറ്റെടുക്കാൻ അനുവാദം നേടിയത്.

ആരാണ് ആർസിബി പുതിയ ഉടമകൾ?

ഈ ബൃഹത്തായ കരാറിന് നിക്ഷേപം ഒഴുക്കുന്നതിൽ ആദിത്യ ബിർള ഗ്രൂപ്പിനൊപ്പം പ്രമുഖ ആഭ്യന്തര, ആഗോള നിക്ഷേപകരും പങ്കുചേരുന്നുണ്ട്. ആദിത്യ ബിർള ഗ്രൂപ്പിന് കീഴിലുള്ള ബിഗ് ബനിയൻ ഹോൾഡിംഗ്സ് ഇതിന് നേതൃത്വം നൽകുമ്പോൾ, ഇന്ത്യയിലെ പ്രമുഖ മാധ്യമ ശൃംഖലയായ ടൈംസ് ഓഫ് ഇന്ത്യ ഗ്രൂപ്പും ഈ സഖ്യത്തിലെ പ്രധാന പങ്കാളിയാണ്.

IND vs ENG: ടി20 പരമ്പര ആരു തൂക്കും? ടോപ്‌സ്‌കോറര്‍ അഭിയും സഞ്ജുവുമല്ല!! എഐ പ്രവചനമിങ്ങനെ

കൂടാതെ, ആഗോള തലത്തിൽ അറിയപ്പെടുന്ന കായിക നിക്ഷേപകരായ ഡേവിഡ് ബ്ലിറ്റ്‌സറുടെ ബോൾട്ട് വെഞ്ചേഴ്‌സ്, രാജ്യാന്തര അസറ്റ് മാനേജ്‌മെന്റ് ഭീമൻമാരായ ബ്ലാക്സ്റ്റോൺ എന്നിവരും ഇതിൽ ഭാഗഭാക്കാകുന്നു.

ആർസിബി ഫ്രാഞ്ചൈസിയുടെ ഭാവി കാര്യങ്ങളിൽ വലിയ നേതൃമാറ്റങ്ങളാണ് ഇപ്പോൾ വിഭാവനം ചെയ്തിരിക്കുന്നത്. ആദിത്യ ബിർള ഗ്രൂപ്പിന്റെ പ്രധാന ഡയറക്ടറും മുൻ ഫസ്റ്റ് ക്ലാസ് ക്രിക്കറ്ററുമായ ആര്യമാൻ വിക്രം ബിർള റോയൽ ചലഞ്ചേഴ്സ് സ്പോർട്സിന്റെ പുതിയ ചെയർമാനായി ചുമതലയേൽക്കുമെന്നാണ് പുറത്തുവരുന്ന അനൗദ്യോഗിക വിവരം.

തങ്ങളുടെ പ്രധാന മദ്യ നിർമ്മാണ ബിസിനസ്സുകളിൽ കൂടുതൽ ശ്രദ്ധ കേന്ദ്രീകരിക്കുന്നതിന്റെ ഭാഗമായാണ് ആർസിബി ഓഹരി പൂർണ്ണമായി വിറ്റഴിക്കാൻ മുൻ ഉടമകളായ യുണൈറ്റഡ് സ്പിരിറ്റ്സ് ലിമിറ്റഡ് മുൻകൈയെടുത്തത്.

ഇതിനായി കഴിഞ്ഞ വർഷങ്ങളിൽ അവർ വ്യക്തമായ തന്ത്രപരമായ അവലോകനം നടത്തിയിരുന്നു. തുടർന്നാണ് 2026 മാർച്ച് മാസത്തിൽ റോയൽ ചലഞ്ചേഴ്സിന്റെ ഉടമസ്ഥാവകാശ ഇടപാടുകൾ ബിർള കൺസോർഷ്യവുമായി മുൻപോട്ട് കൊണ്ടുപോകാൻ തയാറായത്.