വൈഭവ് സൂര്യവംശി ഇന്ത്യന്‍ ടീമിലേക്കോ? കടമ്പകളെല്ലാം കടന്നു, ഐസിസി ചട്ടം പറയുന്നത്

വൈഭവ് സൂര്യവംശി എന്ന പേര് 2024 ലെ ഐപിഎല്‍ താരലേല സമയം തൊട്ടാണ് ക്രിക്കറ്റ് പ്രേമികള്‍ സജീവമായി കേട്ട് തുടങ്ങിയത്. 2024 ലെ ഐപിഎല്‍ ലേലത്തില്‍ 13 വയസ്സുള്ള വൈഭവ് സൂര്യവംശിയെ സ്വന്തമാക്കാന്‍ രാജസ്ഥാന്‍ റോയല്‍സ് 1.10 കോടി രൂപയാണ് ചെലവഴിച്ചത്. രാജസ്ഥാന്‍ റോയല്‍സ് മാനേജ്‌മെന്റിന്റെ തീരുമാനം ശരിയാണെന്ന് ആദ്യ സീസണില്‍ തന്നെ വൈഭവ് തെളിയിക്കുകയും ചെയ്തു.

IPL 2026: ലോകകപ്പ് തഴയലിൽ വിവാദ പ്രതികരണവുമായി ​ഗിൽ! ഇത് അഹങ്കാരം, പൊങ്കാലയിട്ട് സോഷ്യൽ മീഡിയ

ആദ്യ ഐപിഎല്‍ സീസണില്‍ തന്നെ സെഞ്ച്വറി കുറിച്ച വൈഭവ് പ്രായം കുറഞ്ഞ ടി-20 നേടുന്ന താരം എന്ന റെക്കോഡും സ്വന്തമാക്കി. അന്ന് 14 വയസും 23 ദിവസവും മാത്രമായിരുന്നു വൈഭവിന്റെ പ്രായം. അണ്ടര്‍ 14, അണ്ടര്‍ 19 ലോകകപ്പ് എന്നീ ടൂര്‍ണമെന്റുകളിലും മിന്നുന്ന പ്രകടനം കാഴ്ചവെച്ചാണ് വൈഭവ് ഈ ഐപിഎല്‍ സീസണിന് ഒരുങ്ങുന്നത്. 2026 ലെ ഐപിഎല്ലിന്റെ തലേന്ന്, അദ്ദേഹത്തിന് 15 വയസ്സ് തികയുന്നു.

രണ്ട് ഐപിഎല്‍ സീസണുകള്‍ക്കിടയിലുള്ള പ്രകടനങ്ങളിലൂടെ സൂര്യവംശി തന്റെ പ്രായത്തില്‍ മറ്റുള്ളവരെക്കാള്‍ വളരെ മുകളിലാണെന്ന് തെളിയിച്ചിട്ടുണ്ട്. വാസ്തവത്തില്‍, അദ്ദേഹം അണ്ടര്‍ 19 കളിക്കാരേക്കാള്‍ വളരെ മുകളിലാണ് എന്ന് ടൂര്‍ണമെന്റിലെ സ്റ്റാറ്റിസ്റ്റിക്‌സ് നോക്കുമ്പോള്‍ വ്യക്തമാകും. 2026 ലെ അണ്ടര്‍-19 ലോകകപ്പില്‍ അദ്ദേഹത്തിന്റെ 'പ്ലേയര്‍ ഓഫ് ദി ടൂര്‍ണമെന്റ്' പ്രകടനം തികച്ചും വ്യത്യസ്തമായിരുന്നു.

ഐപിഎല്ലിന് കൊടിയേറാൻ മണിക്കൂറുകൾ മാത്രം; ആർക്കാവും ഓറഞ്ച് ക്യാപ്, പട്ടികയിൽ സഞ്ജുവും കോലിയും!

തന്നേക്കാള്‍ അഞ്ച് വയസ്സ് കൂടുതലുള്ള കളിക്കാരെ തകര്‍ത്തുകൊണ്ട്, ബീഹാറി താരം 62.71 ശരാശരിയില്‍ 439 റണ്‍സ് നേടി. 50 ഓവര്‍ ടൂര്‍ണമെന്റില്‍ 169.50 എന്ന അദ്ദേഹത്തിന്റെ സ്‌ട്രൈക്ക് റേറ്റ് കേട്ടുകേള്‍വിയില്ലാത്ത ഒന്നായിരുന്നു. വൈഭവ് സൂര്യവംശിക്ക് 15 വയസ്സ് തികഞ്ഞതോടെ ഇനി ഇന്ത്യന്‍ സീനിയര്‍ ടീമിലേക്ക് എത്ര വേഗത്തില്‍ ആണ് തിരഞ്ഞെടുക്കപ്പെടുക എന്നാണ് എല്ലാവരും ഉറ്റുനോക്കുന്നത്.

ഐസിസി ചട്ടങ്ങള്‍ അനുസരിച്ച്, 15 വയസ്സ് തികഞ്ഞതിനുശേഷം മാത്രമേ ഒരു കളിക്കാരന് അന്താരാഷ്ട്ര ക്രിക്കറ്റ് കളിക്കാന്‍ യോഗ്യത ലഭിക്കൂ. ആ ബോക്‌സ് ഇപ്പോള്‍ ഔദ്യോഗികമായി വൈഭവ് സൂര്യവംശി ടിക്ക് ചെയ്തിട്ടുണ്ട്. അദ്ദേഹത്തിന്റെ കരിയറില്‍ ആദ്യമായി അദ്ദേഹത്തെ പിന്നോട്ട് നിര്‍ത്താന്‍ നിലവില്‍ ഒരു നിയമവുമില്ല. എന്നാല്‍ യോഗ്യതയും തിരഞ്ഞെടുപ്പും രണ്ട് വ്യത്യസ്ത കാര്യങ്ങളാണ്.

IPL 2026: സഞ്ജു ഇല്ലെങ്കിലെന്താ, പിള്ളാർ സ്ട്രോങ്ങാ, ആർആർ പ്രാക്ടീസ് മാച്ചിൽ റൺമഴ; സിക്സുകൾ അടിച്ചുകൂട്ടി താരം

സൂര്യവംശിയുടെ ഉയര്‍ച്ച സാധാരണമല്ല. 12 വയസ്സുള്ളപ്പോള്‍ഐപിഎല്ലില്‍ 35 പന്തില്‍ സെഞ്ച്വറി നേടുന്നതും ഇപ്പോള്‍ അണ്ടര്‍ 19 ലോകകപ്പില്‍ 439 റണ്‍സ് നേടുന്നതും വരെ, അദ്ദേഹം നിരന്തരം തന്റെ നേരെ എറിയുന്ന എല്ലാ ലെവലുകളിലും വേഗത്തില്‍ മുന്നേറിയിട്ടുണ്ട്. രഞ്ജി ട്രോഫിയിലും വിജയ് ഹസാരെ സീസണിലും ശക്തമായ പ്രകടനങ്ങള്‍ കാഴ്ച വെച്ചതോടെ അദ്ദേഹം വെറുമൊരു വൈറ്റ്-ബോള്‍ പ്രതിഭയല്ല എന്നും ഇതിനോടകം വ്യക്തമായിരിക്കുകയാണ്.