IPL 2026: ചെന്നൈ രണ്ടും കല്‍പിച്ച് തന്നെ... സഞ്ജുവിനെ എന്തുവില കൊടുത്തും സ്വന്തമാക്കും... ഇവര്‍ പുറത്തേക്ക്?

ഐപിഎല്‍ ചരിത്രത്തിലെ തന്നെ ഏറ്റവും സക്‌സസ്ഫുള്ളായ ഫ്രാഞ്ചൈസിയാണ് ചെന്നൈ സൂപ്പര്‍കിംഗ്‌സ്. മഹേന്ദ്ര സിംഗ് ധോണിയെന്ന നായകന് കീഴില്‍ അഞ്ച് തവണയാണ് ചെന്നൈ കിരീടം നേടിയിട്ടുള്ളത്. മാത്രമല്ല പത്ത് ഫൈനലും 16 സീസണുകളില്‍ 12 സീസണിലും പ്ലേ ഓഫും കടന്ന ഏക ടീം എന്ന ഖ്യാതിയും ചെന്നൈ സൂപ്പര്‍ കിംഗ്‌സിന് മാത്രം അവകാശപ്പെട്ട റെക്കോഡാണ്.

എന്നാല്‍ കഴിഞ്ഞ സീസണില്‍ ചെന്നൈയ്ക്ക് മികച്ച പ്രകടനം കാഴ്ച വെക്കാനായിരുന്നില്ല. ഐപിഎല്‍ 2025 ലെ ലീഗ് ഘട്ടത്തില്‍ നിന്ന് പുറത്തായതിനെ തുടര്‍ന്ന് രണ്ടാം റൗണ്ടിലേക്ക് യോഗ്യത നേടുന്നതില്‍ ചെന്നൈ സൂപ്പര്‍ കിംഗ്‌സ് പരാജയപ്പെട്ടു. റുതുരാജ് ഗെയ്ക്ക്വാദിനെ ക്യാപ്റ്റനാക്കി കൊണ്ടായിരുന്നു ചെന്നൈയുടെ കഴിഞ്ഞ സീസണിലെ പരീക്ഷണം. എന്നാല്‍ 5 മത്സരങ്ങള്‍ക്ക് ശേഷം റുതുരാജ് പരിക്കുമൂലം ഐപിഎല്‍ 2025 ല്‍ നിന്ന് പുറത്തായി.

പിന്നീട് എംഎസ് ധോണി ക്യാപ്റ്റനായി തിരിച്ചെത്തി. എന്നാലും വിജയിക്കാന്‍ അവര്‍ക്കായില്ല. ഈ സീസണില്‍ സിഎസ്‌കെ ചില വലിയ മാറ്റങ്ങള്‍ വരുത്തുമെന്ന് പ്രതീക്ഷിക്കുന്നു. കൂടാതെ അവര്‍ ഒരു ഐപിഎല്‍ ക്യാപ്റ്റനെയും കൊണ്ടുവന്നേക്കാം. ഐപിഎല്‍ 2026 മിനി-ലേലത്തിനായി ആരാധകര്‍ കാത്തിരിക്കുമ്പോള്‍, ചെന്നൈ സൂപ്പര്‍ കിംഗ്‌സില്‍ സംഭവിച്ചേക്കാവുന്ന ചില മാറ്റങ്ങള്‍ നമുക്ക് നോക്കാം.

സഞ്ജു സാംസണ്‍

തുടക്കം തൊട്ട് രാജസ്ഥാന്‍ റോയല്‍സിന്റെ അവിഭാജ്യഘടകമാണ് സഞ്ജു സാംസണ്‍. എന്നാല്‍ കഴിഞ്ഞ സീസണ്‍ തൊട്ട് ഫ്രാഞ്ചൈസിയുമായി അത്ര നല്ല രസത്തിലല്ല സഞ്ജു എന്നാണ് റിപ്പോര്‍ട്ട്. അതിനാല്‍ തന്നെ ഫ്രാഞ്ചൈസിയില്‍ നിന്ന് മാറുന്നതിനെക്കുറിച്ച് സഞ്ജു സാംസണ്‍ രാജസ്ഥാന്‍ റോയല്‍സിന് കത്തെഴുതിയതായി ഒന്നിലധികം റിപ്പോര്‍ട്ടുകള്‍ സ്ഥിരീകരിച്ചു.

അദ്ദേഹത്തെ മറ്റേതെങ്കിലും ഫ്രാഞ്ചൈസിലേക്ക് മാറ്റുമോ അതോ റിലീസ് ചെയ്യുമോ എന്ന് അറിയില്ല. ബാക്ക്‌റൂം സ്റ്റാഫില്‍ ഫ്രാഞ്ചൈസി കുറച്ച് മാറ്റങ്ങള്‍ വരുത്തിയതിനാല്‍ സഞ്ജു സാംസണ്‍ ആര്‍ആറില്‍ തന്നെ തുടരാനും സാധ്യതയുണ്ട്. അതേസമയം ഐപിഎല്‍ 2026 നായി സിഎസ്‌കെ സഞ്ജു സാംസണെ സ്വാഗതം ചെയ്യുമെന്ന് ക്രിക്ക്ബസ് നേരത്തെ റിപ്പോര്‍ട്ട് ചെയ്തിരുന്നു.

ആര്‍ആറിന് അവര്‍ ആഗ്രഹിക്കുന്ന കളിക്കാരെ ലഭിച്ചാല്‍ മാത്രമേ ഇത് സംഭവിക്കൂ. ഐപിഎല്‍ 2021 ന് മുമ്പ്, ആര്‍ആര്‍ റോബിന്‍ ഉത്തപ്പയെ സിഎസ്‌കെയിലേക്ക് മാറ്റി. സിഎസ്‌കെയുടെ കിരീട വിജയത്തില്‍ അദ്ദേഹം ഒരു പ്രധാന പങ്ക് വഹിച്ചു. ഐപിഎല്‍ 2025 മെഗാ ലേലത്തിന് മുമ്പ് ആര്‍ആര്‍ സാംസണെ 18 കോടി രൂപയ്ക്ക് നിലനിര്‍ത്തി. ധോണി 2026 ഐ.പി.എല്ലില്‍ കളിക്കുമെന്ന് പ്രതീക്ഷിക്കപ്പെടുന്നു.

പക്ഷേ ദീര്‍ഘകാലാടിസ്ഥാനത്തില്‍ സി.എസ്.കെ.ക്ക് അദ്ദേഹത്തിന്റെ പകരക്കാരനെ ആവശ്യമുണ്ട്. വിക്കറ്റുകള്‍ക്ക് പിന്നില്‍ ധോണിക്ക് പകരക്കാരനായി സഞ്ജു സാംസണ്‍ മാറും. ആവശ്യമെങ്കില്‍ സി.എസ്.കെയെ നയിക്കാനും അദ്ദേഹത്തിന് കഴിയും.

4 ഇന്ത്യന്‍ താരങ്ങളെ റിലീസ് ചെയ്യും

ഇന്ത്യന്‍ ക്രിക്കറ്റില്‍ നിന്ന് വിരമിച്ചതിനാല്‍ സിഎസ്‌കെ ആര്‍ അശ്വിനെ ഇനി ഉള്‍പ്പെടുത്തിയേക്കില്ല. മാത്രമല്ല അദ്ദേഹം സിഡ്നി തണ്ടറിനായി ബിഗ് ബാഷ് ലീഗില്‍ കളിക്കളത്തില്‍ എത്തിയേക്കും. രാഹുല്‍ ത്രിപാഠി, ദീപക് ഹൂഡ, വിജയ് ശങ്കര്‍ എന്നിവരെ മഞ്ഞപ്പട റിലീസ് ചെയ്‌തേക്കും. എല്ലാവരും പരിചയസമ്പന്നരായ കളിക്കാരാണ്, പക്ഷേ കഴിഞ്ഞ സീസണില്‍ അവര്‍ക്ക് കാര്യമായൊന്നും ചെയ്യാന്‍ കഴിഞ്ഞില്ല. അതിനാല്‍ സിഎസ്‌കെക്ക് അവരെ റിലീസ് ചെയ്യാനും അവരുടെ മധ്യനിര പുതുക്കാനും കഴിയും.

ഡെവണ്‍ കോണ്‍വേ

ഐപിഎല്‍ 2023 ല്‍ സിഎസ്‌കെയുടെ കിരീട വിജയത്തില്‍ ഡെവണ്‍ കോണ്‍വേ ഒരു പ്രധാന പങ്ക് വഹിച്ചിരുന്നു. എന്നാല്‍ അദ്ദേഹത്തിന്റെ പ്രകടനം ആവര്‍ത്തിക്കാന്‍ അദ്ദേഹത്തിന് കഴിഞ്ഞിട്ടില്ല. ഐപിഎല്‍ 2025 ന് മുമ്പ് സിഎസ്‌കെ അദ്ദേഹത്തെ 6.25 കോടി രൂപയ്ക്ക് കരാറൊപ്പിട്ടു. അദ്ദേഹത്തെ വിട്ടയച്ചാല്‍ ഇതിലും കുറഞ്ഞ തുകയ്ക്ക് അവര്‍ അദ്ദേഹത്തെ വീണ്ടും സ്വന്തമാക്കിയേക്കാം.