Click it and Unblock the Notifications
IPL 2026 Qualifier 2: ജിടിക്കെതിരേ രാജസ്ഥാന് ടോസ്, ബാറ്റിങ് തിരഞ്ഞെടുത്തു
ന്യൂചണ്ഡീഗഡ്: ഐപിഎല്ലിലെ രണ്ടാം സെമി ഫൈനലിനു തുല്യമായ ക്വാളിഫയര് 2ല് ഗുജറാത്ത് ടൈറ്റന്സിനെതിരേ രാജസ്ഥാന് റോയല്സിന് ബാറ്റിങ്. ടോസിനു ശേഷം റോയല്സ് നായകന് റിയാന് പരാഗ് ബാറ്റ് ചെയ്യാന് തീരുമാനിക്കുകയായിരുന്നു. അവസാന കളിയിലെ അതേ ടീമിനെ തന്നെ റോയല്സ് നിലനിര്ത്തി. എന്നാല് ജിടിയില് ഒരു മാറ്റമുണ്ടായിരുന്നു. കുല്വന്ത് കെജ്രോളിയക്കു പകരം സ്പിന്നര് ആര് സായ് കിഷോറിനെ അവര് തിരികെ കൊണ്ടുവന്നു.
ആരാവും ഫൈനലിലെ രണ്ടാമത്തെ ടീമാവുകയെന്നു ഇന്നറിയാം. തോല്ക്കുന്നവര് പുറത്താവുമെന്നതിനാല് ഇരുടീമുകളും രണ്ടും കല്പ്പിച്ചാണ് ഈ കളിയില് ഇറങ്ങുക. നേരത്തേ ആദ്യ ക്വാളിഫയറില് നിലവിലെ ചാംപ്യന്മാരായ റോയല് ചാലഴേ്സ് ബെംഗളൂരുവിനോടു 92 റണ്സിന്റെ വന് പരാജയം ജിടിക്കു നേരിടേണ്ടി വന്നിരുന്നു.
ആദ്യ ശ്രമം ദയനീയമായി പാളിയെങ്കിലും ഇന്നു അവര്ക്കു ഫൈനലിലെത്താന് വീണ്ടുമൊരു അവസരം കൂടി ലഭിച്ചിരിക്കുകയാണ്. ഇതു തീര്ച്ചയായും മുതലാക്കുകയും വേണം.
എന്നാല് പോയിന്റ് പട്ടികയിലെ മൂന്നും നാലും സ്ഥാനക്കാര് തമ്മിലുള്ള എലിമിനേറ്റര് കടമ്പ കടന്നാണ് റോയല്സിന്റെ വരവ്. പാറ്റ് കമ്മിന്സിന്റെ സണ്റൈസേഴ്സ് ഹൈദരാബാദിന്റെ ചീട്ട് കീറുകയായിരുന്നു അവര്.
കളിയിലെ ഫേവറിറ്റുകളായിരുന്ന ഓറഞ്ച് ആര്മയിയെ 47 റണ്സിനാണ് ആര്ആര് കെട്ടുകെട്ടിച്ചത്. ഇതിനു അവരെ സഹായിച്ചത് വണ്ടര് കിഡായ വൈഭവ് സൂര്യവംശിയുടെ (29 ബോളില് 97) വണ്മാന് ഷോയായിരുന്നു.
നേരത്തേ ലീഗ് ഘട്ടത്തില് രണ്ടു തവണ ജിടിയും ആര്ആറും കൊമ്പുകോര്ത്തിരുന്നു. ഇവയില് ഇരുടീമുകളും ഓരോ ജയം വീതം പങ്കിടുകയായിരുന്നു. അഹമ്മദാബാദിലെ ആദ്യ പാദത്തില് റോയല്സ് ആറു റണ്സിന്റെ ത്രില്ലിങ് വിജയം നേടിയിരുന്നു. രണ്ടാംപാദത്തില് റോയല്സിനെ 77 റണ്സിനു മുക്കിയാണ് ജിടി കണക്കുതീര്ത്തത്.
പ്ലെയിങ് 11
ഗുജറാത്ത് ടൈറ്റന്സ്- സായ് സുദര്ശന്, ശുഭ്മന് ഗില് (ക്യാപ്റ്റന്), ജോസ് ബട്ട്ലര് (വിക്കറ്റ് കീപ്പര്), നിഷാന്ത് സിന്ധു, വാഷിംഗ്ടണ് സുന്ദര്, ജേസണ് ഹോള്ഡര്, റാഷിദ് ഖാന്, ആര് സായ് കിഷോര്, കാഗിസോ റബാഡ, പ്രസിദ്ധ് കൃഷ്ണ, മുഹമ്മദ് സിറാജ്.
രാജസ്ഥാന് റോയല്സ്- യശസ്വി ജയ്സ്വാള്, വൈഭവ് സൂര്യവംശി, ധ്രുവ് ജുറേല് (വിക്കറ്റ് കീപ്പര്), റിയാന് പരാഗ് (ക്യാപ്റ്റന്), ഡൊണോവവന് ഫെരേര, ദസുന് ഷനക, രവീന്ദ്ര ജഡേജ, ജോഫ്ര ആര്ച്ചര്, നാന്ദ്രെ ബര്ഗര്, ബ്രിജേഷ് ശര്മ, യാഷ് രാജ് പുഞ്ച.
Story first published: Friday, May 29, 2026, 16:34 [IST]
Other articles published on May 29, 2026
X
Log in for Better Reading Experience!
Continue with Google By signing in, you agree to our Terms and Privacy Policy
Gender
Select your Gender
- Male
- Female
- Others
Age
Select your Age Range
- Under 18
- 18 to 25
- 26 to 35
- 36 to 45
- 45 to 55
- 55+