Click it and Unblock the Notifications
തകര്പ്പന് മധ്യനിര
ടി20 ഫോര്മാറ്റില് മത്സര ഫലത്തെ മാറ്റിമറിക്കുന്നത് മധ്യനിര താരങ്ങളാണ്. ഇത്തവണ തകര്പ്പന് മധ്യനിരയാണ് ഹൈദരാബാദിന് ലഭിച്ചിരിക്കുന്നത്. ഇവരെല്ലാം ഫോമിലേക്കെത്തിയതോടെ ഹൈദരാബാദിന്റെ സാധ്യതകളും ഉയര്ന്നിരിക്കുന്നു. രാഹുല് ത്രിപാഠി, എയ്ഡന് മാര്ക്രം, നിക്കോളാസ് പുരാന് എന്നിവരെല്ലാം അവസരത്തിനൊത്ത് കളിക്കാന് കെല്പ്പുള്ളവരാണ്. നിലയുറപ്പിച്ച് കളിക്കാനും അതിവേഗം റണ്സുയര്ത്താനും ഇവര്ക്ക് മികവുണ്ട്. അതുകൊണ്ട് തന്നെ ഡെത്ത് ഓവറുകളില് കളം നിറയാന് ഹൈദരാബാദിന് സാധിക്കുന്നുണ്ട്.
ഓപ്പണര്മാരുടെ മികവ്
മറ്റ് ടീമുകളുടെ ഓപ്പണര്മാരെ പരിഗണിച്ചാല് ഹൈദരാബാദിന്റെ ഓപ്പണിങ് നിര വളരെ വ്യത്യസ്തമാണ്. കെയ്ന് വില്യംസണും അഭിഷേക് ശര്മയുമാണ് നിലവിലെ ഓപ്പണര്മാര്. ഇവര് നിലയുറപ്പിച്ച ശേഷം വലിയ ഇന്നിങ്സുകള് കെട്ടിപ്പടുക്കുന്ന താരങ്ങളാണ്. രാഹുല് ത്രിപാഠി, എയ്ഡന് മാര്ക്രം, പ്രിയം ഗാര്ഗ് എന്നിവരെല്ലാം മികച്ച ഓപ്പണര്മാരാണ്. അത് ടീമിന്റെ വിജയ സാധ്യതകളെ ഉയര്ത്തുന്നു. കെയ്ന് വില്യംസണ് ആംഗര് റോളില് നന്നായി കളിക്കുന്നതും ടീമിന് കരുത്തേകുന്നു.
പേസ് നിരയുടെ മിന്നും ഫോം
ഹൈദരാബാദിന്റെ പേസ് നിരയാണ് ഇത്തവണ ഏറ്റവും സ്ഥിരത കാട്ടുന്നത്. ടി നടരാജന്, ഭുവനേശ്വര് കുമാര്, ഉമ്രാന് മാലിക്ക് എന്നിവരെല്ലാം ഒന്നിനൊന്ന് മികവ് കാട്ടുന്നു. ഉമ്രാന് അതിവേഗ പേസുകൊണ്ട് വിറപ്പിക്കുമ്പോള് മധ്യ ഓവറുകളിലും ഡെത്ത് ഓവറിലും നടരാജന് പിടിമുറുക്കുന്നു. ന്യൂബോളില് ഭുവനേശ്വര് കുമാര് നന്നായി സ്വിങ് കണ്ടെത്തുന്നുമുണ്ട്. 12 വിക്കറ്റുമായി നടരാജന് വിക്കറ്റ് വേട്ടക്കാരില് രണ്ടാം സ്ഥാനത്താണ്. ഉമ്രാന് 9 വിക്കറ്റും ഭുവനേശ്വര് എട്ട് വിക്കറ്റുമാണ് വീഴ്ത്തിയത്.
Continue with Google