Click it and Unblock the Notifications
വിശ്വസ്തരായ ഓപ്പണിങ് കൂട്ടുകെട്ടില്ല
ഇത്തവണ കെകെആറിന് മികച്ച ഓപ്പണിങ് കൂട്ടുകെട്ടില്ലെന്നത് പ്രശ്നമാണ്. അവസാന സീസണിലെ ആദ്യ പാദത്തില് കെകെആറിനെ ഈ പ്രശ്നം വല്ലാതെ ബാധിച്ചിരുന്നു. രണ്ടാം പാദത്തില് വെങ്കടേഷ് അയ്യര് എത്തിയതോടെയാണ് ഈ പ്രശ്നത്തിന് പരിഹാരമായത്. ഇത്തവണയും വെങ്കടേഷ് അയ്യരുണ്ടെങ്കിലും അവസാന സീസണിലെ അതേ മികവ് ആവര്ത്തിക്കുമെന്ന് ഉറച്ച് വിശ്വസിക്കാനാവില്ല. ഇന്ത്യന് ടീമിലും ആഭ്യന്തര ക്രിക്കറ്റിലും മധ്യനിരയില് കളിച്ച വെങ്കടേഷ് ഐപിഎല്ലില് ഓപ്പണറായി തിരിച്ചെത്തുമ്പോള് എങ്ങനെ മികവ് കാട്ടുമെന്നത് കണ്ടറിയണം.
ഇത്തവണ വെങ്കടേഷിന്റെ സഹ ഓപ്പണറായി സുനില് നരെയ്ന് എത്തുമോ അതോ അലക്സ് ഹെയ്ല്സ് എത്തുമോയെന്നതും പ്രസക്തമായ ചോദ്യമാണ്. അജിന്ക്യ രഹാനെയാണ് പരിഗണിക്കാനാവുന്ന മറ്റൊരു താരം. ഇവരിലാരായാലും വെങ്കടേഷുമായി ഓപ്പണ് ചെയ്ത് കൂട്ടുകെട്ടില്ലാത്തവരാണ്. നരെയ്ന് ഭാഗ്യത്തില് വിശ്വസിച്ച് ബാറ്റുവീശുമ്പോള് ഹെയ്ല്സ് ഐപിഎല്ലില് വലിയ അനുഭവസമ്പത്തുള്ളവനല്ല. രഹാനെ മോശം ഫോമിലുമാണ്.
ടോപ് ഓഡറില് വലിയ താരങ്ങളുടെ കുറവ്
അനുഭവസമ്പന്നരായ താരങ്ങളുടെ സാന്നിധ്യം ടീമില് വളരെ പ്രധാനപ്പെട്ടതാണ്. റണ്സുയര്ത്തുന്നതോടൊപ്പം വിക്കറ്റ് നഷ്ടപ്പെടാതെയും നോക്കേണ്ടതായുണ്ട്. കെകെആറിന്റെ ടോപ് ഓഡറിലേക്ക് വരുമ്പോള് വെങ്കടേഷ് അയ്യര്, അലക്സ് ഹെയ്ല്സ്, നിധീഷ് റാണ, ശ്രേയസ് അയ്യര് എന്നിവര്ക്ക് അവസരം ലഭിക്കാനാണ് സാധ്യത കൂടുതല്. ഇതില് ഉത്തരവാദിത്തം ഏറ്റെടുക്കാന് കെല്പ്പുള്ളവരെന്ന് ഉറച്ച് വിശ്വസിക്കാവുന്ന ആരും തന്നെയില്ല.
ശ്രേയസ് ഇക്കഴിഞ്ഞ ശ്രീലങ്കന് പരമ്പരയില് തിളങ്ങിയെങ്കിലും ടി20 ഫോര്മാറ്റില് വലിയ റെക്കോഡുള്ള ബാറ്റ്സ്മാനല്ല. നിധീഷ് റാണ പ്രതിഭാശാലിയാണെങ്കിലും അവസാന സീസണില് നിരാശപ്പെടുത്തിയിരുന്നു. മധ്യനിരയില് ആന്ഡ്രേ റസലെന്ന ഒറ്റയാനെ കാട്ടി ഇത്തവണയും എതിരാളികളെ വിരട്ടാനാവില്ല. പരിക്കും ഫോം ഔട്ടും വേട്ടയാടുന്ന റസലില് അമിത പ്രതീക്ഷവെക്കുന്നത് കെകെആറിന് തിരിച്ചടിയായേക്കും.
ബൗളിങ് നിര പോരാ
അവസാന സീസണില് ടീമിനൊപ്പം ഉണ്ടായിരുന്ന പാറ്റ് കമ്മിന്സും ശിവം മാവിയും ഇത്തവണയും കെകെആറിന്റെ പേസ് നിരയില് പ്രമുഖരായിട്ടുണ്ട്. ശിവം മാവി ഭേദപ്പെട്ട പ്രകടനം കാഴ്ചവെച്ചിട്ടുണ്ടെങ്കിലും ബൗളറെന്ന നിലയില് കമ്മിന്സ് ഐപിഎല്ലില് തള്ളുകൊള്ളിയാണ്. ബാറ്റ് ചെയ്യാനും മികവുണ്ടെങ്കിലും റണ്സ് വിട്ടുകൊടുക്കാന് പിശുക്കുകാട്ടാറില്ല. ന്യൂസീലന്ഡ് സീനിയര് പേസര് ടിം സൗത്തിയെ പരിഗണിച്ചതും വലിയ ഗുണം ചെയ്തേക്കില്ല. അതിവേഗ ബൗളറല്ലാത്ത സ്വിങ് പേസറാണ് സൗത്തി. അതുകൊണ്ട് തന്നെ ഇന്ത്യന് സാഹചര്യത്തില് നന്നായി തല്ലുകൊള്ളാന് സാധ്യതയുണ്ട്. ആര്സിബി, മുംബൈ, കെകെആര് ടീമുകളുടെയൊക്കെ ഭാഗമായി നേരത്തെ അദ്ദേഹം കളിച്ചിട്ടുണ്ട്.
സ്പിന് നിരയില് സുനില് നരെയ്ന്റെ മികവില് സംശയമില്ലെങ്കിലും വരുണ് ചക്രവര്ത്തിക്ക് ഇന്ത്യന് സാഹചര്യത്തില് എത്രത്തോളം തിളങ്ങാനാവുമെന്നത് കണ്ടറിയണം. അവസാന സീസണില് ഇന്ത്യയില് നടന്ന ആദ്യ പാദത്തില് വരുണ് പ്രതീക്ഷക്കൊത്ത് തിളങ്ങിയിരുന്നില്ല. വരുണിന്റെ ഗൂഗ്ലികള് മുംബൈയിലെയും പൂനെയിലും പിച്ചുകളില് ക്ലിക്കാവാന് സാധ്യത കുറവാണ്. അത് ടീമിനെ പ്രതികൂലമായി ബാധിച്ചേക്കും.
Continue with Google