Click it and Unblock the Notifications
ഡല്ഹി ക്യാപിറ്റല്സ്
കരുത്തരുടെ നിരയാണ് ഡല്ഹി ക്യാപിറ്റല്സ്. റിഷഭ് പന്ത് നായകനായ ഡല്ഹി ആദ്യ മത്സരത്തില് അഞ്ച് തവണ ചാമ്പ്യന്മാരായ മുംബൈ ഇന്ത്യന്സിനെയാണ് തകര്ത്തത്. എന്നാല് രണ്ടാം മത്സരത്തില് ഗുജറാത്ത് ടൈറ്റന്സിനോട് ടീം തോറ്റു. ബാറ്റിങ്ങില് അല്പ്പം ദൗര്ബല്യമുണ്ട്. പൃഥ്വി ഷായുടെ മോശം ഫോമാണ് പ്രധാന പ്രശ്നങ്ങളിലൊന്ന്. പേസ് ഓള്റൗണ്ടറുടെ അഭാവവും നിലവില് ടീമിനെ ബാധിച്ചിട്ടുണ്ട്. എന്നാല് ഓസീസ് താരങ്ങള് ടീമിലേക്കെത്തുന്നതോടെ ഡല്ഹി കൂടുതല് ശക്തരാവും.
ഡേവിഡ് വാര്ണര്, മിച്ചല് മാര്ഷ് എന്നിവരാണ് ഡല്ഹിയിലേക്കെത്താനുള്ള ഓസീസ് താരങ്ങള്. വാര്ണറുടെ വരവ് ഡല്ഹിയുടെ ഓപ്പണിങ്ങിലെ പ്രശ്നങ്ങള്ക്കുള്ള പരിഹാരമാവും. മിച്ചല് മാര്ഷ് സമീപകാലത്തായി മികച്ച പ്രകടനം നടത്തുന്ന ഓള്റൗണ്ടറാണ്. പരിക്ക് ചെറിയ തലവേദന സൃഷ്ടിക്കുന്നുണ്ടെങ്കിലും കളിക്കാന് മിച്ചല് മാര്ഷുണ്ടാവുമെന്നാണ് വിവരം. ഈ രണ്ട് പേരും ഡല്ഹിയുടെ പ്രകടന നിലവാരത്തില് വലിയ മാറ്റം സൃഷ്ടിക്കാന് കെല്പ്പുള്ളവരാണ്.
റോയല് ചലഞ്ചേഴ്സ് ബാംഗ്ലൂര്
ആദ്യ മത്സരത്തില് 200ലധികം റണ്സ് നേടിയിട്ടും പഞ്ചാബ് കിങ്സിനോട് തോറ്റ റോയല് ചലഞ്ചേഴ്സ് ബാംഗ്ലൂര് രണ്ടാം മത്സരത്തില് കൊല്ക്കത്ത നൈറ്റ് റൈഡേഴ്സിനെ പരാജയപ്പെടുത്തി. മൂന്ന് ഓസീസ് താരങ്ങളാണ് ആര്സിബിയിലേക്കെത്താനുള്ളത്. ഗ്ലെന് മാക്സ് വെല്, ജോഷ് ഹെയ്സല്വുഡ്, ജേസന് ബെഹറന്ഡോര്ഡ് എന്നിവരാണത്. സ്പിന് ഓള്റൗണ്ടറായ മാക്സ് വെല്ലിന്റെ വരവ് ആര്സിബിക്ക് വലിയ ആശ്വാസം നല്കുമ്പോള് പേസര്മാരായ ഹെയ്സല്വുഡിന്റെയും ബെഹറന്ഡോര്ഫിന്റെയും സാന്നിധ്യം ടീമിന്റെ ബൗളിങ് നിരയിലെ പ്രശ്നങ്ങള്ക്കും പരിഹാരമാവും. ടീമിന് വലിയ കുതിപ്പ് നല്കാന് കെല്പ്പുള്ളവരാണ് ഈ മൂന്ന് പേരും.
കൊല്ക്കത്ത നൈറ്റ് റൈഡേഴ്സ്
ചെന്നൈ സൂപ്പര് കിങ്സിനെ തോല്പ്പിച്ച് തുടങ്ങിയ കെകെആര് ആര്സിബിയോട് പരാജയപ്പെട്ടു. മൂന്നാം മത്സരത്തില് പഞ്ചാബ് കിങ്സിനെ തോല്പ്പിച്ച കെകെആര് ഗംഭീര പ്രകടനമാണ് നിലവില് കാഴ്ചവെക്കുന്നത്. പാറ്റ് കമ്മിന്സ്, ആരോണ് ഫിഞ്ച് എന്നിവരാണ് കെകെആറിലേക്കെത്താനുള്ള ഓസീസ് താരങ്ങള്. ഫിഞ്ചിന്റെ വരവ് ഓപ്പണിങ്ങിലെ കെകെആറിന്റെ പ്രശ്നങ്ങള്ക്ക് പരിഹാരം കാണുമ്പോള് കമ്മിന്സ് ബാറ്റുകൊണ്ടും പന്തുകൊണ്ടും ടീമിന് വലിയ ഉപകാരിയാണ്. നായകന് ശ്രേയസ് അയ്യരിന് വലിയ ആത്മവിശ്വാസം നല്കുന്ന താരങ്ങളാണ് രണ്ട് പേരും. അതുകൊണ്ട് തന്നെ ഇരുവരും എത്തിയാല് കെകെആറിന് അത് കൂടുതല് കരുത്ത് നല്കും.
ലഖ്നൗ സൂപ്പര് ജയ്ന്റ്സ്
കെ എല് രാഹുല് നായകനായ ലഖ്നൗ ആദ്യ മത്സരത്തില് ഗുജറാത്ത് ടൈറ്റന്സിനോട് തോറ്റപ്പോള് രണ്ടാം മത്സരത്തില് സിഎസ്കെയെ തോല്പ്പിച്ചു. ലഖ്നൗവിന്റെ പ്രധാന പ്രശ്നം മികച്ചൊരു ഓള്റൗണ്ടറുടെ അഭാവമാണ്. എന്നാല് മാര്ക്കസ് സ്റ്റോയിനിസ് എത്തുന്നതോടെ ലഖ്നൗവിന്റെ ഈ പ്രശ്നത്തിന് പരിഹാരമാവും. വെടിക്കെട്ട് ഓള്റൗണ്ടറായ സ്റ്റോയിനിസ് പന്തുകൊണ്ടും ബാറ്റുകൊണ്ടും മത്സരഫലത്തെ മാറ്റിമറിക്കാന് കെല്പ്പുള്ളവനാണ്. മെഗാ ലേലത്തിന് മുമ്പ് തന്നെ ലഖ്നൗ നിലനിര്ത്തിയ താരമാണ് സ്റ്റോയിനിസ്.
Continue with Google