Click it and Unblock the Notifications
ആരോണ് ഫിഞ്ചിനെ ഓപ്പണറാക്കാമെങ്കിലും കെകെആര് ഓപ്പണറാക്കേണ്ടത് മറ്റൊരു താരത്തെയാണെന്ന് നിര്ദേശിച്ചിരിക്കുകയാണ് മുന് ഇന്ത്യന് താരവും കമന്റേറ്ററുമായ സഞ്ജയ് മഞ്ജരേക്കര്. 'രഹാനെയുടെ ഫോം പരിഗണിച്ച് അവനെ പുറത്താക്കണം. മികച്ച ഫോമിലല്ല അവന്. ഡല്ഹി ക്യാപിറ്റല്സിനെതിരേയും നിരാശപ്പെടുത്തി. അതിന് മുമ്പ് രാജസ്ഥാനെതിരേയും തിളങ്ങാനായില്ല. കുറച്ച് വര്ഷങ്ങളായിത്തന്നെ അവന് ഫോമിലല്ല.
എന്നാല് നായകന് ശ്രേയസും ടീം മാനേജ്മെന്റും അവനെ ഇപ്പോഴും വിശ്വസിക്കുന്നുണ്ട്. എന്നാല് നിലവിലെ ഫോമില് അവനെ ഇനിയും പരിഗണിക്കുന്നതില് കാര്യമില്ല. അതിന് ലളിതമായിത്തന്നെ പരിഹാരം കാണാം. ആരോണ് ഫിഞ്ച് ഓപ്പണറായി ഉണ്ട്. എന്നാല് അധികം മത്സരങ്ങളില് അവസരം ലഭിക്കാത്ത സാം ബില്ലിങ്സിനെ ഓപ്പണറാക്കാവുന്നതാണ്. മധ്യനിരയില് നിരവധി ഇന്ത്യന് താരങ്ങളുള്ളതിനാല് ഇത് മികച്ച നീക്കമായിരിക്കും'-സഞ്ജയ് ഇഎസ്പിഎന് ക്രിക് ഇന്ഫോയില് സംസാരിക്കവെ പറഞ്ഞു.
കെകെആറിന്റെ ബൗളിങ് കരുത്തിനെയും സഞ്ജയ് പ്രശംസിച്ചു. ഡെത്ത് ഓവറിലടക്കം പന്തെറിയാന് കെല്പ്പുള്ള സുനില് നരെയ്നും വരുണ് ചക്രവര്ത്തിയും കെകെആറിന്റെ കരുത്ത് ഉയര്ത്തുന്നുവെന്നാണ് സഞ്ജയ് വിലയിരുത്തിയത്. എന്നാല് ഉമേഷ് യാദവ് റണ്സ് വിട്ടുകൊടുക്കാന് മടികാട്ടാത്തത് ആശങ്കയാണെന്നും സഞ്ജയ് പറഞ്ഞു.
'ഉമേഷ് യാദവ് മികച്ച ഫോമിലായിരുന്നു. എന്നാല് അവസാന മത്സരത്തില് 12നോടടുത്തായിരുന്നു ഇക്കോണമി. സാധാരണ ന്യൂബോളില് മാത്രം പന്തെറിയുകയും വിക്കറ്റ് നേടുകയും ചെയ്യുന്ന ബൗളറെന്ന നിലയിലാണ് ഉമേഷിനെ എല്ലാവരും പരിഗണിക്കുന്നത്. എന്നാല് ഡെത്ത് ഓവറില് അവനെ പന്തേല്പ്പിക്കുന്നത് ഇപ്പോഴും ഒരു പ്രശ്നമാണ്. പാറ്റ് കമ്മിന്സിനെ ഡെത്ത് ഓവറിലേക്ക് പരിഗണിക്കാം. എന്നാല് തിളങ്ങുമോ ഇല്ലെയോ എന്നത് ലോട്ടറി പോലെയാണ്.
ഇതിന് പരിഹാരം ആന്ഡ്രേ റസലാണ്. 18-20 അല്ലെങ്കില് 17-19 ഓവറുകളില് റസലിനെ എറിയിക്കാവുന്നതാണ്. സുനില് നരെയ്നെക്കൊണ്ട് 19ാം ഓവര് എറിയിക്കാമെന്നാണ്. വരുണ് ചക്രവര്ത്തിയും നരെയ്നും മധ്യ ഓവറുകളിലെറിയുമ്പോള് ബാറ്റ്സ്മാന്മാര് കൂടുതല് സാഹസത്തിന് മുതിരാറില്ല. മികച്ച ഇക്കോണമിയും ഇവര്ക്കുണ്ട്. അതുകൊണ്ട് തന്നെ ഡെത്ത് ഓവറിലേക്ക് ഉപയോഗിക്കുന്നത് മികച്ച നീക്കമാവും. നരെയ്ന് വ്യത്യസ്തനായ സ്പിന്നറാണ്. അവന് വലിയ ഇംപാക്ട് സൃഷ്ടിക്കാനാവും'- സഞ്ജയ് കൂട്ടിച്ചേര്ത്തു.
കെകെആര് ഇത്തവണ വലിയ കിരീടം പ്രതീക്ഷയിലാണുള്ളത്. ഒറ്റക്ക് മത്സരഫലത്തെ മാറ്റിമറിക്കാന് കെല്പ്പുള്ള നിരവധി താരങ്ങള് അവര്ക്കൊപ്പമുണ്ട്. അതുകൊണ്ട് തന്നെ ടീം കപ്പടിച്ചാലും അത്ഭുതപ്പെടാനാവില്ല. അവസാന സീസണില് ഫൈനലില് കളിച്ച കെകെആറിന് ടീമിനുള്ളിലെ ചില പിഴവുകള്ക്ക് പരിഹാരം കാണാനായാല് വലിയ കുതിപ്പ് നടത്താന് സാധിക്കുമെന്നുറപ്പാണ്.
Continue with Google