IPL 2021: ഇന്നു രാത്രി മുതല്‍ എന്തു ചെയ്യും? ഏക ആശ്വാസവും ഇല്ലാതായി- സസ്‌പെന്‍ഷനെക്കുറിച്ച് ഫാന്‍സ്

ഇന്നു രാത്രി മുതല്‍ എന്തു ചെയ്യും?

ഇന്നു രാത്രി മുതല്‍ എന്തു ചെയ്യുമെന്നായിരുന്നു ഐപിഎല്‍സസ്‌പെന്‍ഡഡ് ( iplsuspended) എന്ന ഹാഷ് ടാഗോടു കൂടി ഒരു യൂസര്‍ ട്വീറ്റ് ചെയ്തത്.
അതേസമയം, സസ്‌പെന്‍ഷനില്‍ ഏറ്റവുമധികം ആഹ്ലാദിക്കുന്നുണ്ടാവുക സണ്‍റൈസേഴ്‌സ് ഹൈദരാബാദായിരിക്കുമെന്നായിരുന്നു മറ്റൊരു യൂസര്‍ കുറിച്ചത്. ബാന്റ് മേളത്തോടെ കുട്ടികള്‍ ആഹ്ലാദപ്രകടനം നടത്തുന്ന ഒരു പഴയ വീഡിയോക്കൊപ്പമായിരുന്നു ട്വീറ്റ്.

മൂന്നു ടീമുകള്‍ക്കു നിരാശ

ഐപിഎല്‍ സസ്‌പെന്‍ഡ് ചെയ്തതില്‍ ഏറ്റവുമധികം നിരാശയുണ്ടായിരിക്കുക മൂന്നു ടീമുകള്‍ക്കായിരിക്കുമെന്നായിരുന്നു മറ്റൊരു യൂസര്‍ കുറിച്ചത്. റോയല്‍ ചാലഞ്ചേഴ്‌സ്, ഡല്‍ഹി ക്യാപ്പിറ്റല്‍സ്, ചെന്നൈ സൂപ്പര്‍ കിങ്‌സ് ടീമുകളെക്കുറിച്ചായായിരുന്നു യൂസറുടെ പരാമര്‍ശം.
നിലവില്‍ ഈ സീസണില്‍ ഏറ്റവും മികച്ച പ്രകടനം നടത്തിക്കൊണ്ടിരിക്കുന്ന ടീമുകളാണ് ഇവ. റിഷഭ് പന്ത് നയിക്കുന്ന ഡിസി പോയിന്റ് പട്ടികയില്‍ തലപ്പത്തുമാണ്. റിഷഭിനു കീഴില്‍ ഡിസിയുടെ കന്നി സീസണ്‍ കൂടിയായിരുന്നു ഇത്.

വരുണിനെ കാണാന്‍ ഫാന്‍സ്

ഐപിഎല്‍ നിര്‍ത്തിവയ്ക്കാന്‍ പ്രധാന കാരണക്കാരനായ കൊല്‍ക്കത്ത നൈറ്റ്‌റൈഡഴ്‌സ് സ്പിന്നര്‍ വരുണ്‍ ചക്രവര്‍ത്തിയെ കാണാന്‍ ആരാധകര്‍ പോവുന്നുവെന്ന തലക്കെട്ടോടെയായിരുന്നു തോക്കും മറ്റു ആയുധങ്ങളുമായി മനേജ് ബാജ്‌പേയിയും സംഘവും ബൈക്കില്‍ പോവുന്ന ഒരു ബോളിവുഡ് സിനിമിയലിലെ രംഗത്തോടൊപ്പം യൂസര്‍ ട്വീറ്റ് ചെയ്തത്. വരുണിനായിരുന്നു ആദ്യമായി കൊവിഡ് സ്ഥിരീകരിച്ചത്. മാത്രമല്ല ബയോ ബബ്ള്‍ ഭേദിച്ച് താരം ഒരു ആശുപത്രിയില്‍ സ്‌കാനിങിനു വിധേയനായിരുന്നതായും ഇതാണ് രോഗം പകരാന്‍ ഇടയാക്കിയതെന്നും ഒരു ദേശീയ മാധ്യമം കഴിഞ്ഞ ദിവസം റിപ്പോര്‍ട്ട് ചെയ്യുകയും ചെയ്തിരുന്നു.

വിതുമ്പി രോഹിത്തും ഹാര്‍ദിക്കും

ഈ വര്‍ഷം നമുക്ക് ട്രോഫി ലഭിക്കില്ലെന്നു തിരിച്ചറിഞ്ഞ രോഹിത് ശര്‍മയും ഹാര്‍ദിക് പാണ്ഡ്യയും വിതുമ്പുന്നുവെന്ന തലക്കെട്ടോടെയായിരുന്നു രണ്ട കുട്ടികള്‍ കരയുന്ന ഫോട്ടോയ്‌ക്കൊപ്പം ഒരു യൂസര്‍ ട്വീറ്റ് ചെയ്തത്.
ജനങ്ങള്‍ക്കു ഈ മോശം സമയത്തു അല്‍പ്പം ആശ്വാസം നല്‍കിയിരുന്ന ഒരേയൊരു കാര്യവും നിര്‍ത്തി വച്ചിരിക്കുകയാണെന്നായിരുന്നു ഐപിഎല്‍ സസ്‌പെന്‍ഷനെക്കുറിച്ച് മറ്റൊരു യൂസര്‍ പ്രതികരിച്ചത്.