Click it and Unblock the Notifications
വെങ്കി മികച്ച ഓള്റൗണ്ടര്
ഇന്ത്യ നോക്കിയിരിക്കുന്ന ഒരു ഓള്റൗണ്ടറെയാണ് വെങ്കടേഷ് അയ്യരിലൂടെ കൊല്ക്കത്ത നൈറ്റ്റൈഡേഴ്സ് ഐപിഎല്ലിലൂടെ അവതരിപ്പിച്ചിരിക്കുന്നത്. അതിവേഗ ബൗളറല്ല വെങ്കി, പക്ഷെ വളരെ നന്നായി യോര്ക്കറുകളെറിയാന് അവനു കഴിയുന്നു. ബാറ്റ്സ്മാന്മാര്ക്കു റണ്ണെടുക്കാന് അധികം പഴുതുകളും നല്കുന്നില്ല. ബാറ്റ്സ്മാനെന്ന നിലയിള് ശ്രദ്ധേയമാണ് വെങ്കടേഷിന്റെ പ്രകടനം. ഷോര്ട്ട് ബോളുകള് മികച്ച പൊസിഷനിലാണ് അവന് കൡക്കുന്നത്, മാത്രമല്ല ഓഫ് സൈഡിലൂടെയുള്ള വെങ്കിയുടെ ഡ്രൈവുകള് മനോഹരമാണെന്നും ഗവാസ്കര് നിരീക്ഷിച്ചു.
ഇതുവരെയുള്ള പ്രകടനം
ഐപിഎല്ലിന്റെ ഈ സീസണിലെ ആദ്യപാദത്തില് വെങ്കടേഷ് അയ്യര് കൊല്ക്കത്ത ടീമിന്റെ ഭാഗമായിരുന്നെങ്കിലും ഒരു മല്സരത്തില്പ്പോലും കളിക്കാന് അവസരം ലഭിച്ചിരുന്നില്ല. എന്നാല് യുഎഇയിലെ രണ്ടാംപാദത്തില് താരത്തെ ഓപ്പണറായി ഇറക്കാനുള്ള കെകെആറിന്റെ ചൂതാട്ടം അപ്രതീക്ഷിത ഹിറ്റായി മാറുകയായിരുന്നു.
ഇതുവരെ കളിച്ച നാലു മല്സരങ്ങളില് നിന്നും 26കാരനായ മധ്യപ്രദേശ് താരം ഒരു ഫിഫ്റ്റിയടക്കം 42 ശരാശരിയില് 145 സ്ട്രൈക്ക് റേറ്റോടെ 126 റണ്സ് നേടിയിട്ടുണ്ട്.
53 റണ്സാണ് ഉയര്ന്ന സ്കോര്. 6.8 ഇക്കോണമി റേറ്റിലാണ് രണ്ടു വിക്കറ്റുകള് വെങ്കി വീഴ്ത്തിയത്. കൂടാത മൂന്നു ക്യാച്ചുകളും താരത്തിന്റെ പേരിലുണ്ട്.
കൊല്ക്കത്തയ്ക്കു പ്ലേഓഫ് പ്രതീക്ഷ
ഐപിഎല്ലിന്റെ ആദ്യപാദം ഇന്ത്യയില് പാതിവഴിയില് നിര്ത്തിവയ്ക്കുമ്പോള് കൊല്ക്കത്തയുടെ പ്ലേഓഫ് പ്രതീക്ഷക്ഷ ദുഷ്കരമായിരുന്നു. പോയിന്റ് പട്ടികയില് ഏഴാംസ്ഥാനത്തായിരുന്നു അവര്. ഏഴു മല്സരങ്ങളില് വെറും രണ്ടെണ്ണത്തില് മാത്രമേ കെകെആറിനു ജയിക്കാനായിരുന്നുള്ളൂ. എന്നാല് യുഎഇയിലെ രണ്ടാംപാദത്തില് കെകെആര് അവിശ്വസനീയ തിരിച്ചുവരവ് നടത്തി. നാലു മല്സരങ്ങളില് മൂന്നിലും ജയിച്ച അവര് ഒന്നില് മാത്രമേ തോല്വി വഴങ്ങിയുള്ളൂ. ഇതാണ് പോയിന്റ് പട്ടികയില് ടോപ്പ് ഫോറിലേക്ക് മുന്നേറാന് ഒയ്ന് മോര്ഗനെയും സംഘത്തെയും സഹായിച്ചത്. ശേഷിച്ച നാലു മല്സരങ്ങളില് മൂന്നെണ്ണത്തില് ജയിക്കാനായാല് കെകെആറിനു പ്ലേഓഫ് സാധ്യതയുണ്ട്.
കെകെആറിന്റെ തിരിച്ചുവരവില് നിര്ണായക പങ്കുവഹിച്ച താരങ്ങളിലൊരാളാണ് വെങ്കി. ശുഭ്മാന് ഗില്ലിനോടൊപ്പം മികച്ച കൂട്ടുകെട്ടുണ്ടാക്കാന് യുവതാരത്തിനു സാധിച്ചതാണ് കെകെആറിന്റെ കുതിപ്പിനു വേഗതയേകിയത്.
Continue with Google