Click it and Unblock the Notifications
ധോണിയുടെയും സാക്ഷിയുടെയും വിവാഹം 2010 ജൂലൈ നാലിനാണ് നടന്നത്. പ്രണയ വിവാഹമായിരുന്നു. 2007ലെ ടി20 ലോകകപ്പടക്കം നേടി ധോണി ഇന്ത്യന് നായകനെന്ന നിലയില് തിളങ്ങി നില്ക്കുന്ന സമയമായിരുന്നു അത്. ഇരുവര്ക്കും ആദ്യ കുഞ്ഞ് പിറന്നത് 2015 ഫെബ്രുവരിയിലാണ്. സിവ എന്ന് പേരിട്ട പെണ്കുട്ടിയ്ക്ക് ധോണിയെപ്പോലെ തന്നെ വലിയ ആരാധക പിന്തുണയുണ്ട്. സിവയുടെ ചിത്രങ്ങള്ക്കും വീഡിയോകള്ക്കുമെല്ലാം വലിയ പിന്തുണ സാമൂഹ്യ മാധ്യമങ്ങളില് ലഭിക്കാറുണ്ട്.
സിഎസ്കെയുടെ മത്സരങ്ങള് കാണാന് സിവയും ഗ്യാലറയില് സജീവമായുണ്ടാവാറുണ്ട്. സിവക്ക് ഇപ്പോള് ആറ് വയസുണ്ട്. അതിനാല്ത്തന്നെ രണ്ടാമത്തെ കുഞ്ഞിനെ വരവേല്ക്കാനുള്ള സമയമായെന്നാണ് ആരാധകര് കണക്കുകൂട്ടുന്നത്. ഇത്തവണ സിഎസ്കെ കിരീടം നേടിയപ്പോഴും സിവ മൈതാനത്തിറങ്ങിയിരുന്നു. ഇതിന്റെ ചിത്രങ്ങളും വീഡിയോകളും ഇതിനോടകം വൈറലാണ്.2020 ആഗസ്റ്റ് 15ന് അന്താരാഷ്ട്ര ക്രിക്കറ്റില് നിന്ന് വിരമിച്ച ധോണി നിലവില് ഐപിഎല്ലില് മാത്രമാണ് കളിക്കുന്നത്. ഇത്തവണത്തോടെ സിഎസ്കെ ക്യാപ്റ്റന്സ്ഥാനം ധോണി ഒഴിയുമെന്ന് പ്രതീക്ഷിച്ചിരുന്നെങ്കിലും അടുത്ത സീസണിലും കളിക്കുമെന്നാണ് സൂചന.
നിലവില് ധോണിക്ക് 40 വയസുണ്ട്. ബാറ്റിങ്ങിലും ഈ സീസണില് നിരാശപ്പെടുത്തി. ഈ അവസരത്തില് ധോണി വിരമിക്കുമെന്നായിരുന്നു അഭ്യൂഹമെങ്കിലും മത്സരശേഷം സംസാരിക്കവെ അടുത്ത സീസണിലും തുടര്ന്നേക്കുമെന്ന സൂചനയാണ് അദ്ദേഹം നല്കിയത്. വിരമിച്ച ശേഷം ഉപദേഷ്ടാവായി സിഎസ്കെയ്ക്കൊപ്പം ധോണി തുടരാനും സാധ്യതകളേറെ. അന്താരാഷ്ട്ര ക്രിക്കറ്റില് നിന്ന് വിരമിച്ചതിന് പിന്നാലെ ധോണി കൃഷി ചെയ്യാന് ആരംഭിച്ചിരുന്നു. ജന്മസ്ഥലമായ റാഞ്ചിയില് ഏക്കറുകണക്കിന് സ്ഥലത്ത് ധോണി കൃഷി ചെയ്യുന്നുണ്ട്. ഇവിടെ നിന്നുള്ള ഉല്പ്പന്നങ്ങള് വിദേശക്ക് ധോണി ബ്രാന്റായി കയറ്റി അയക്കുകയും ചെയ്യുന്നുണ്ട്.
ടി20 ലോകകപ്പില് ഇന്ത്യയുടെ ഉപദേഷ്ടാവായി ധോണി പ്രവര്ത്തിക്കുന്നുണ്ട്. 2007ലെ ടി20 ലോകകപ്പില് ഇന്ത്യയെ കിരീടത്തിലേക്കെത്തിക്കാന് ധോണിക്കായിരുന്നു. ധോണി 2013ലെ ഐസിസി ചാമ്പ്യന്സ് ട്രോഫിയില് ഇന്ത്യയെ കിരീടത്തിലേക്കെത്തിച്ചിരുന്നു. അതിന് ശേഷം ഒരു ഐസിസി കിരീടം പോലും സ്വന്തമാക്കാന് ഇന്ത്യക്കായിട്ടില്ല. ഇത്തവണ ധോണിയെ ഉപദേഷ്ടാവാക്കി ഇടവേളക്ക് ശേഷം ഐസിസി കിരീടം നേടാമെന്ന പ്രതീക്ഷയിലാണ് ഇന്ത്യ.
കെകെആറിനെ 27 റണ്സിന് തോല്പ്പിച്ചാണ് സിഎസ്കെ കിരീടം നേടിയത്. ആദ്യം ബാറ്റ് ചെയ്ത സിഎസ്കെ മൂന്ന് വിക്കറ്റ് നഷ്ടത്തില് 192 റണ്സ് നേടിയപ്പോള് മറുപടിക്കിറങ്ങിയ കെകെആറിന് ഒമ്പത് വിക്കറ്റ് നഷ്ടത്തില് 165 റണ്സെടുക്കാനെ സാധിച്ചുള്ളു. അര്ധ സെഞ്ച്വറി നേടിയ ഫഫ് ഡുപ്ലെസിസാണ് ഫൈനലിലെ താരം. റുതുരാജ് ഗെയക് വാദ് ഓറഞ്ച് കിരീടവും സ്വന്തമാക്കി. അടുത്ത സീസണില് മെഗാ ലേലം നടക്കാനിരിക്കെ സിഎസ്കെയിലും വലിയ മാറ്റങ്ങള് സംഭവിച്ചേക്കാം.
Continue with Google